点心代表 (已結業)

對蛋黃哥情有獨鍾，知道the one 有pop up蛋黃哥點心，放工未夠六點就排隊！其實試過兩次，第一次水準幾好，但第二次食物水準差左好多所以都幾失望 周圍好多蛋黃哥poster,未食已經大影特影店外仲有蛋黃哥精品賣，喜歡既朋友可以選購一番由於人太多，人手不夠，好難先搵到人黎落單加茶。而茶係冇味既上菜亦都幾混亂，因為店員分唔到的食物到底係同一檯既邊的客人叫 蝦餃望到個樣已經知道唔合格，因為其中一隻塊皮已經穿左。一夾落去餃皮痴住筷子散開，而蝦餡好淋完全唔爽口 完全唔流心既流心包，包本身都唔夠熱，個餡已經瓊左失望 雞蛋布甸完全冇蛋味亦都冇乜甜味，有少少唔知自食緊乜 全晚水準較好係呢個酥皮叉燒包，溫度尚算足夠，酥皮鬆脆，叉燒香濃帶甜。面頭塊蛋黃哥係芝士黎，食落鹹鹹地加上酥皮既甜，係唔錯既！整體黎講都幾失望，排左個半鐘完全覺得唔值得應該唔會有下次了