梁山泊日本料理 (已結業)

今日同朋友兩個女仔去食, 食量唔大所以只點左兩個菜。1. 天婦羅烏冬2. 壽司盛合(小)天婦羅烏冬:烏冬口感一流, 湯底甜甜地, 但如果湯底熱返少少會更好味。天婦羅有瀨尿蝦、青椒、蝦、芋頭、蕃薯、茄子, 都幾ok, 炸得剛好, 唔會話食到好油膩。壽司盛合(小):都有好多件, 新鮮度不過不失, 我以前唔係好食甜蝦, 但係呢盤裡面既甜蝦味道口感都有別於一些人流旺既壽司店, 幾好味。裝潢唔錯, 坐既環境都幾舒適。點菜直至上菜唔駛10mins, 算係幾快。侍應都ok, 冇話之前呢度既食評咁差。總括而言, 整體有A-, 但略嫌價錢貴, 比較合理既係麵類。