十二少海鮮刺身牛肉火鍋專門店 (已結業)

由於想為朋友慶祝生日，早兩日上網book定一間位於大圍嘅人氣火鍋店🍲特別order 咗火鍋 Omakase 套餐$298，由師傅挑選每日最新鮮既海鮮同埋唔同既本地新鮮肉類，再加上有三款唔同特色湯底選擇，芫茜皮蛋鍋/番茄濃湯鍋/沙嗲竹笙鍋。應該可以令朋友留下一個難忘嘅生日🥳🥳🔸刺身拼盤 火鍋之前，先來過三文魚及希靈魚刺身，由於剌身較清淡，所以先品嚐刺身的肥美作開始。🔸即炸魚皮，脆卜卜好香口。🔸海鮮拼盤有八款 聖子、青口、生蠔🦪扇貝、鮑魚、生蝦、肉蟹及花甲王，各款海鮮都非常新鮮，好似鮑魚生蝦彈牙爽口，聖子扇貝好大隻又鮮甜。🔸新鮮牛脊肉、黑毛豚腩片、牛胸爽及牛脷芯，肉味濃，牛胸爽脆口，牛脊肉牛脷芯嫩滑，最啱我兩人嘅口味。🔸套餐仲有十二少精選丸類及自家製手工餃各4款。