Mo Mo Kushiage (已結業)

尖沙咀厚福街一向出名多嘢食，而老公就在附近工作。今午約佢食晏又唔知食乜🤔，佢提議去食日本嘢貪其人流不多環境清静；而今Omicron緊張，當然要小心D啦！一出見到食肆門口好有酒居屋feel,所以我們坐下隨卽order黑白啤和果味汽酒來配合下週圍環境啦！黑白啤  $68麥味濃，比較其他啤酒冇咁甜。乳酸氣酒  $48酒精濃度低，酸酸甜甜；冰凉開胃，極受女仕歡迎。海膽凍豆腐  $58清淡的凍豆腐淋上秘製海膽醬，再以葱花和羗蓉點綴，感覺清新開胃。唐揚雞翼  $38炸得香口又入味，灑上芝麻更能提升口感。串揚牛肉定食  $128串燒粉漿薄，炸得香脆不油腻。內裹西冷牛肉質淋滑而juicy，一啲月都唔靱。可配合紅棗酸汁一齊吃，味道帶甜酸；係唔錯的配搭。五點刺身拼盤  ＄368有松葉蟹腳、帶子、三文魚、魚籽和天使蝦，全部係我至愛。松葉蟹腳肉質纖幼，帶子鮮甜美味；三文魚油脂肥美。天使蝦大大隻充滿膠質。魚籽晶螢通透，咬落有爆珠感。 所有定食皆有泡菜、 麵豉湯和南瓜沙律跟餐的，一D都唔馬虎。值得一提是沙律，以南瓜攪拌成蓉再混入洋蔥火腿粒；味道香甜口感豐富。