譚點 (已結業)

成日睇openrice見到個個都讚呢間好好食，今日終於都試到啦!咁岩星期一冇咩人，所以7點幾入到去就咁岩有位呢個蝦餃係非一般既蝦餃，佢個皮真係好薄，裡面有足料，蝦都好新鮮好正!黑魚子花菇蒸燒賣，佢裝野果個盒好令，同埋好有心思，至於味道同平時既冇咩分別!令到我失望哂!呢個我見到個個都試所以叫左黎試，佢個size好mini，個芥末醬好新鮮都唔錯!因為本人實在太鐘意食芝士，所以見到既時候都忍唔住嗌左黎試下，個饅頭得面頭既芝士味之後下面係完全冇特別。呢個個形狀好得意，好似舊蘿蔔，而且炸得好脆內軟。最後係腸粉，佢入面係炸魚黎，真係值得一試，而且個皮超薄!!!!超正!!總括呢間譚點係超水準之作，特別係腸粉。