影片
更多
2015-01-14
1986 瀏覽
食過大大小小美食的我終於肯的起心肝寫食評😬而第一篇的食評就係前日係大角咀食的呢間東北菜老掌櫃，其實有好幾次經過呢間鋪，但幾次都要等位所以打消左念頭。 有次終於肯去食，試下佢咩乎fit！去到好好彩唔洗等位，我地唔想搭枱，所以就坐左近門口的四人位，咁岩去果日夜晚幾凍，所以啲人出出入入果陣啲風吹入黎勁凍😠不過好彩，每枱都會有一壺熱茶供應，飲完暖哂😜，之後開始點餐 我地點左3樣野食，分別係北京填鴨，口水雞，南北暖燉。 首先黎既係口水雞。呈上來的雞份量唔少，驟眼睇都有十零件。口水雞沾滿醬料，食上去十分惹味，唯一的不足係雞肉應該過熟，食上口覺得"孩"口,唔嫩滑，我反而鐘意食譚仔的口水雞多d😜由於雞的份量都多，我地叫左一碗飯來餸雞口水雞評分：7分 之後就係北京填鴨，北京填鴨呈上來的時候暖暖，店員有提醒趁熱食，如果啲鴨再熱啲會更加好！另外還附送青瓜，大蒜，薄餅皮，醬汁。我覺得北京填鴨雖然唔係正宗做法，但係味道都相當唔錯，皮脆肉不肥，再加上青瓜消濟，簡直perfect 🙈個人唔鐘意加大蒜 ,份量都相當多，夠3-4個人食 北京填鴨評分:7分 最後就係南北暖燉，南北暖燉呈上來的時
而第一篇的食評就係前日係大角咀食的呢間東北菜老掌櫃，其實有好幾次經過呢間鋪，但幾次都要等位所以打消左念頭。
有次終於肯去食，試下佢咩乎fit！去到好好彩唔洗等位，我地唔想搭枱，所以就坐左近門口的四人位，咁岩去果日夜晚幾凍，所以啲人出出入入果陣啲風吹入黎勁凍😠不過好彩，每枱都會有一壺熱茶供應，飲完暖哂😜，之後開始點餐
我地點左3樣野食，分別係北京填鴨，口水雞，南北暖燉。
首先黎既係口水雞。呈上來的雞份量唔少，驟眼睇都有十零件。口水雞沾滿醬料，食上去十分惹味，唯一的不足係雞肉應該過熟，食上口覺得"孩"口,唔嫩滑，我反而鐘意食譚仔的口水雞多d😜由於雞的份量都多，我地叫左一碗飯來餸雞
口水雞評分：7分
之後就係北京填鴨，北京填鴨呈上來的時候暖暖，店員有提醒趁熱食，如果啲鴨再熱啲會更加好！另外還附送青瓜，大蒜，薄餅皮，醬汁。我覺得北京填鴨雖然唔係正宗做法，但係味道都相當唔錯，皮脆肉不肥，再加上青瓜消濟，簡直perfect 🙈個人唔鐘意加大蒜 ,份量都相當多，夠3-4個人食
北京填鴨評分:7分
最後就係南北暖燉，南北暖燉呈上來的時候包住錫紙，應該用來將食物保溫。 味道普通 配料有蔬菜，豬肉，同埋粉絲定唔知薯粉做底，由於食的時候只係微溫，所以味道一d都唔吸引，唔滿足，因為食左做唔到暖胃的感覺😔飲一淡湯飲到一d蒜容味，蒜味的湯底掩蓋左其他配料的味道，有d喧賓奪主，個人唔會推介呢味菜✋
南北暖燉評分：5分
最後埋單岩岩好$300，價錢唔算貴，兩個人食得好飽呀😃 走之前飲多兩杯茶先走，因為啲茶好好飲，味道好似烏龍茶，一啲都唔苦
題外話/補充資料：
店員有禮，不設加一，明碼實價
(以上食評乃用戶個人意見 , 並不代表OpenRice之觀點。)
張貼
