田浦食肉 (裝修中)

大角咀越來越多韓國餐廳，今次介紹燒肉店，經常大排長龍。燒肉由OPPA主理，唔洗自己落手，配埋韓國style嘅裝修，好似去左韓國咁。灣仔同北角麵希分店。Special Set B $1200 有烤牛排骨、五花肉、牛五花肉、烤豬皮 (共1150g)。牛排骨好大條。Oppa燒完會剪到細細舊，雖然燒到有少少過燶，但肉嘅質素唔錯，好腍，配埋生菜同配菜食，好味。要特別試吓炸豬皮，唔係成日見到，佢嘅烤豬皮仲係勁厚切，配埋黃豆粉，好味。雞蛋羮 $70第一次食，蒸到漲卜卜賣相好吸引，入面有芝士、粟米、蔥等配料，口感豐富。味道有少少淡。總結，肉嘅質素唔錯但價錢偏貴。希望餐廳抽氣可以改善。如果坐近個爐會彈到好油。