Pancake 專門紗織 (已結業)

星期四lunch去左食pancake，好耐無食過啦，要止下癮。我地睇完餐牌，有好多款pancake揀，最終揀左全日早餐同抹茶蕨餅班戟。抹茶蕨餅班戟上左甜品先，賣相唔錯，pancake係抹茶味，口感似鬆軟既蛋糕，甜甜既紅豆襯返甘甘地既抹茶味，蕨餅幾煙韌。估唔到有三球雪糕甘多，兩個係抹茶味，一個係雲尼拿味。全日早餐有原味班戟、沙律、番茄、溫泉蛋、茄汁豆、大啡菇、腸同薯餅。我覺得原味班戟更加好食，大啡菇幾juicy，材料豐富，比我想像中大份。