影片
更多
2024-09-29
0 瀏覽
PAUSE IT📍元朗朗樂路1號元點L1樓B120號舖老爸同我約好喺星期五去新開嘅元點食晚飯，估唔到商場細細，餐廳選擇都有好多，本來打算搵間合佢「河車」中菜館，點知佢揀咗間我估都估唔到佢會揀嘅餐廳！我到埗後見到一間裝修簡單、接近全白、名叫PAUSE IT嘅cafe。晚市時間全場滿座，不過翻檯率都好高，所以等咗一陣就坐到富有設計感嘅梳化位。檯上只放有簡單三個餐牌：Food、Drinks同Hand drip，但原來選項都唔少，樣樣都好吸引。 💰$108全日早餐 🍳PAUSE IT招牌All Day Breakfast材料豐盛，有法蘭克福腸、煙肉片、炒滑蛋、炒雜菌、焗鮮茄、茄汁豆、沙律菜，配有一片sourdough toast，攞盤非常精美，可以廚師用心。法蘭克福腸份量十足，外皮烤得香脆；煙肉同樣剪得焦香，但唔會太乾；炒蛋滑溜富有蛋香、炒雜菌香氣撲鼻、焗蕃茄鮮嫩甜香、toast好脆口，有水準！ 💰$98慢煮雞胸配香草汁燴梨意大利飯 🐓🍐另一人氣單品係慢煮雞胸配香草汁燴梨risotto，牛油果綠色嘅risotto非常搶眼，除咗米飯，仲混有新鮮梨粒同核桃粒，層次非常豐富，感覺好健康。香草汁pes
📍元朗朗樂路1號元點L1樓B120號舖
老爸同我約好喺星期五去新開嘅元點食晚飯，估唔到商場細細，餐廳選擇都有好多，本來打算搵間合佢「河車」中菜館，點知佢揀咗間我估都估唔到佢會揀嘅餐廳！
我到埗後見到一間裝修簡單、接近全白、名叫PAUSE IT嘅cafe。晚市時間全場滿座，不過翻檯率都好高，所以等咗一陣就坐到富有設計感嘅梳化位。檯上只放有簡單三個餐牌：Food、Drinks同Hand drip，但原來選項都唔少，樣樣都好吸引。
[價錢 Price]
💰$108
全日早餐 🍳
PAUSE IT招牌All Day Breakfast材料豐盛，有法蘭克福腸、煙肉片、炒滑蛋、炒雜菌、焗鮮茄、茄汁豆、沙律菜，配有一片sourdough toast，攞盤非常精美，可以廚師用心。
法蘭克福腸份量十足，外皮烤得香脆；煙肉同樣剪得焦香，但唔會太乾；炒蛋滑溜富有蛋香、炒雜菌香氣撲鼻、焗蕃茄鮮嫩甜香、toast好脆口，有水準！
[價錢 Price]
💰$98
慢煮雞胸配香草汁燴梨意大利飯 🐓🍐
另一人氣單品係慢煮雞胸配香草汁燴梨risotto，牛油果綠色嘅risotto非常搶眼，除咗米飯，仲混有新鮮梨粒同核桃粒，層次非常豐富，感覺好健康。香草汁pesto味道相對濃郁，配襯調味較淡、肉質滑嫩嘅慢煮雞胸片，再灑上烤焗過嘅松子仁，感覺唔會太單一，值得一試！
[價錢 Price]
💰$42
紫薯拿鐵 🍠
入口口感細滑，先有鮮奶嘅醇香，後有紫薯嘅甜香，已經拉花特別，小老鼠圖案可愛又吸晴，價錢貼地好抵飲！
[價錢 Price]
💰$48
泡沫葡萄柚蜜桃凍茶 🍹
老爸揀咗店員推介嘅蜜桃凍茶，特別之處係內有QQ嘅果凍，葡萄柚同蜜桃香氣相輔相成，整體唔會過甜，而且有厚厚一層泡沫，口感同層次都齊齊增加。
張貼
