Peko Peko Eatery (海之戀商場)

營業中

休息中

去到荃灣點都會行吓海之戀，除咗行donki之外，點會唔喺度食埋飯呢～經過呢間餐廳，已經上晒聖誕裝飾，環境又幾靚。餐廳主打日式西餐，通常都唔會伏嘅～😎首先上菜嘅係冷盤前菜，牛油果做船仔，夠晒可愛，上面仲有滿滿嘅蟹肉，啱晒好鍾意食蟹嘅我😍食落清新唔膩，仲有啲脆芝麻，有啲咬口，夠晒開胃！平時聽慢煮牛肉多，慢煮八爪魚比較少試。擺款好精美，大大隻八爪魚真係好有氣勢🐙，慢煮好入味，不過都有少少重口味，口感唔會因為慢煮而太稔，仲keep到有彈性，唔會似橡皮。伴碟有貝類海鮮，等你換個口味~主菜方面叫做釀雞卷，唔好睇少佢得3舊，食落啖啖肉好飽肚，風乾火腿有啲咸香，夾埋下面個番茄辣醬都唔錯呢～🥔香滑松露薯蓉 跟餐+$38比我想像中大大碗😳，質感係比較實在個種，黑松露味都幾昋，真係好飽肚，記得留返好多人一齊先叫啦～最後點少得個甜品呢～又想食朱古力又怕膩，搭埋橙味嘅清新就啱啱好啦～慕絲質感綿滑，朱古力甜度適當，有啲橙味就冇咁Dry～其實仲有室外位置可以選擇，對住海景食晚飯都幾正。但天氣凍凍地我就揀坐室內，枱同枱夠闊落，都係好舒服。