谷芋 (已結業)

姨甥女生日係黃埔開生日，玩到兩點幾姨甥女話肚餓想食魚蛋，就同佢去買，經過一間好粉紅既飲品店，姨甥女話好靚好想飲，我同阿妹就入左去睇下有咩飮！選擇都算多，芋頭系列好似好吸引，另外豆花系列都係在其他店比較少見喎！店內還有夾公仔機，又有位置比客人坐下。芋頭豆豆芋頭味勁濃郁，飲落係芋泥沙冰，加鮮奶好creamy，而珍珠好彈牙，飲完一杯係好胞肚啊！芒果燦燦豆花清甜既芒果沙冰，再配上香濃豆味既豆腐花，第一次飲呢個組合，味道又好夾！連小朋友都好喜歡飲！