享樂烘焙

營業中

休息中

近排見朋友都話要食麻糬貝果，見到潮流興，我都去咗最近人氣爆燈嘅享樂烘培買麻糬貝果試下😋去到都見到唔少人喺店入面買嘢，見入面都有好多唔同嘅味道選擇，一時三刻真係唔知揀邊隻味好🤣最後揀咗兩個貝果，日本培茶黑糖麻糬貝果同朱古力紅莓貝果。佢哋啲貝果真係好有彈性同韌性，手指大力撳落去都會即刻彈返起，形狀冇變形。而且裏面餡料十足，唔係空氣麵包👍培茶黑糖茶味較淡，基本只係食到黑糖嘅味道，不過整體嚟講都幾好食。朱古力紅莓較甜，適合鍾意食甜嘅朋友。同時買咗幾個麻糬食，食落夠軟Q彈牙🙆因為都係再嗌朱古力味，味道同個貝果差唔多，主要係口感唔同。