What The Food Cafe (已結業)

因應疫情關係我哋被指定要嗌嘢食先可以坐底（理解嘅）我地一心上去係因為依間係cafe, 咖啡店，咁正常會係有咖啡，但係冇，都算。初初覺得間cafe都幾令，價錢還可以，嘢食都幾好食，但過左一個鐘之後突然之間俾咗張單我哋話過多半個鐘就要離開，心諗咩事？問番個同事點解，佢話用餐時間個半鐘，話有同我哋講過，但我哋兩個人真係冇聽過。如果有同我哋講，我哋一早走咗。cafe係一個chill, relax嘅地方，冇諗過會有限時嘅policy。嗰時嘢又未食完又未飲完，望一望周圍，咁大間cafe得兩枱客，真心講句似趕客走。有其他同事出嚟了解事情都幫唔到啲乜，一路只係識講係公司policy，話可以幫我哋打包拎走或者半個鐘內食埋走。咁死硬嘅處理方式真係未見過。我唔係特登要為難間cafe，我自己都做緊餐飲業所以我都明白佢哋有難處，但係如果可以一開始就講明有啲咁嘅policy或者喺門面寫住就已經會少咗好多問題。都係嗰句，幾好食嘅餐廳如果service差我就唔會再去。