夏娃 (已結業)

呢間位於天后同北角之間嘅西餐廳嘅Set Lunch真係可以話係價廉物美。Set Lunch頭盤可以揀餐湯或者沙律，我同我同事都無揀沙律揀餐湯。個Main Course我地一個叫了溫泉蛋拌芝士黑松露煙肉野菌長通粉，另一份就叫咗是日廚師精選鹽燒牛頸脊Risotto，我地Share黎食，兩款都好好食。溫泉蛋拌芝士黑松露煙肉野菌長通粉做得好Creamy，黑松露同煙肉嘅香味令到個芝士汁長通粉食落去無咁滯，溘泉蛋做到啱啱好，流心蛋黃有溫度。鹽燒牛頸脊Risotto嘅牛頸脊煙韌含香濃牛肉味，用鹽燒做都唔錯，吊起佢D味。個Risotto都幾好食，唔太乾又唔會太濕。個餐仲包杯野飲，平均每人唔洗$80，真係又抵食又好食。