餃餃餃子 (已結業)

我係紅磡返工都有一個好處，就係周圍都好多嘢食，工廠妹放工行過去黃埔花園又有 AEON mall 最近連地鐵都開通埋，多咗好多新食店。我唔知點解，可能祖先係北方人嘅關係我勁鍾意食餃子。今晚拉埋同事陪我一齊食。典型日本餃子店裝修。有幾邪惡呢？我仲好鍾意佢嘅特色餃子一定要試。食多啲蔥會聰明D架所以我就叫咗個日本京都九條蔥餃子，果然係好有聰味。其中比較特別嘅係日本淡路島產洋蔥餃子 and 洋蔥餃子配山芋芥末蓉 。口感煙韌，餡料又充滿洋蔥香味。咬開即嚐肉汁豐富仲有就係香港限定口味的 shake shake 餃子我好鍾意粟米濃湯未啊！餃子煎得金黃香脆，shake 然之後充滿濃濃嘅粟米味仲有一定要點來呃like 嘅蟹肉海老特長豪華餃子棒 長 180mm 呀，haha 好誇張。同沙律醬味道好夾。返璞歸真，最後我哋都點左客原味餃子，果然口感充實，同樣皮薄多汁。估唔到食餃子都可以有甜品作結朱古力餃子配雪糕 ，餃子裏面有粒朱古力，配上凍冰冰嘅雲呢拿雪糕，一凍一熱，口感特別。