La Station (已結業)

平時lunch都會去下lane crawford入面間library cafe， 但突然有一日發現佢變左做La Station， 一直都知道La Station喺灣仔有店但就未試過， 依家咁近梗係要去試下啦。 Lunch時間落到去都未有客人， 可能始終呢個位比較偏僻。 個格局其實係同library cafe無分別， 只係改左個招牌， 價錢同餐牌都好相似， 唔知味道有無分別？ Si點左chicken wrap 同Flat white，但味道就無驚喜，咖啡有拉花幾靚，但個人覺得唔夠香滑，有D失望。。。 Chicken wrap。。。黎到既時候真係哇左一聲。。超大碟，兩個人食都夠，沙律菜超級多，食極都食唔完，雖然大份但感覺佢無heart，個Wrap好似好求其咁，味道又唔突出，而沙律菜雖然多，但感覺好似為左埋到佢好大碟而放咁多咁。。。有D失望。。。短期內都唔會再去