Star Kitchen (已結業)

今次係第二次幫襯，因為响附近新都會行完街，所以即時諗起去呢度食，上次食過佢出色咸豬手，咁今次嚟就想試意粉同飯😁。如果大家想嚟試，三人以上就最好訂定位，因為我哋食平日，見8點開始就滿座架喇！打卡＋like 有春卷🥢🥢🥢🥢香脆可口熱辣辣，餡料好似有d芋頭蓉，但帶點微辣，味道口感都唔錯餐湯+沙律（轉餐加 $20）🥢🥢🥢是日餐湯白菌蘑菇湯，又好味又足料，每啖都有粒粒蘑菇，超有口感😋；沙律比較hea，只得面有少少沙律醬，而且菜比較大塊黑松露什菌意大利飯 $88🥢🥢🥢🥢翡翠苗裝飾得有點凌亂美，入口爽脆無草青味；意大利飯煮得軟硬適中有咬口，松露醬份量唔少，令整個飯充滿松露同什菌香味，鍾意食松露嘅你一定唔會失望忌廉香草煙三文魚意粉拼香煎大蝦 $108🥢🥢🥢碟意粉份量好大，忌廉汁好味到食唔停口🤤，意粉煙韌掛汁，仲有超多什菇同三文魚；至於大蝦，食到好有蝦味同香口，可惜略嫌乾咗dd冧酒提子芝士蛋糕 (跟餐+ $20)🥢少提子又無冧酒味，又食唔出有芝士味，好難形容到呢件蛋糕味道👎🏻二人共消費：$264 (只收現金)