影片
更多
2015-06-23
66 瀏覽
昨晚跟朋友一行4人撐台腳，吹水、吃嘢同喝酒，抒發自己呢排的工作壓力。一去到餐廳，右手面的台一半都坐唔滿，左手面的食物一盤盤好似冇乜郁過。正，睇黎我可以試晒我想食嘅嘢。食自助餐最忌"就"住"就"住，難得今日咁開心，我都放開肚皮食。講漏左少少嘢添，我哋今次食嘅係半自助餐，除左個Main Course 係點菜之外，前菜、沙律、甜品、 飲品等都係自助式。一坐㡳，我哋即刻睇主菜有咩揀。自中六唔食牛以來，羊我都已經少食，因為我麻麻嗰陣臊味。鹿肉應該跟牛肉差不多嘛，又少個選擇。Menu上面，我可以揀的選擇不算多，最後拍板皇帝蟹腳三食。朋友仔逐一揀左自己的心水主菜後，我哋就開始食同飲＋吹水的神聖任務。大家先喝杯暖暖胃先，我揀了白酒，有啲揀左紅酒，有啲就兩隻酒都有試。結論係白酒好飲啲！酒一落肚，我哋就開始是但噏，唔知邊個開左個topic講FB抽水，跟住就講到100毛，再講到高登。前兩個topics我都仲吹到，之後的高登話題，我簡直係呢一台的外星人，我聽得明所有的字，但係夾埋一齊，我就聽唔明。我個好"毒"的朋友話，她問我一條問題就知道我“毒”不“毒”！"好啊，你問啦" (By me); "你知唔知咩係"阿
一去到餐廳，右手面的台一半都坐唔滿，左手面的食物一盤盤好似冇乜郁過。正，睇黎我可以試晒我想食嘅嘢。食自助餐最忌"就"住"就"住，難得今日咁開心，我都放開肚皮食。講漏左少少嘢添，我哋今次食嘅係半自助餐，除左個Main Course 係點菜之外，前菜、沙律、甜品、 飲品等都係自助式。
一坐㡳，我哋即刻睇主菜有咩揀。
自中六唔食牛以來，羊我都已經少食，因為我麻麻嗰陣臊味。鹿肉應該跟牛肉差不多嘛，又少個選擇。Menu上面，我可以揀的選擇不算多，最後拍板皇帝蟹腳三食。朋友仔逐一揀左自己的心水主菜後，我哋就開始食同飲＋吹水的神聖任務。大家先喝杯暖暖胃先，我揀了白酒，有啲揀左紅酒，有啲就兩隻酒都有試。結論係白酒好飲啲！
酒一落肚，我哋就開始是但噏，唔知邊個開左個topic講FB抽水，跟住就講到100毛，再講到高登。前兩個topics我都仲吹到，之後的高登話題，我簡直係呢一台的外星人，我聽得明所有的字，但係夾埋一齊，我就聽唔明。我個好"毒"的朋友話，她問我一條問題就知道我“毒”不“毒”！"好啊，你問啦" (By me); "你知唔知咩係"阿Me呀" (By friend); "咩來㗎？" (By me); "睇黎你一啲都唔"毒"！(By friend)跟住，我的"毒"友們，就開始解釋咩係"阿Me呀"，高登成立時的經典人物，如：改圖熊貓......(其它唔記得左)。我好似聽到了很多專有名詞，一頭霧水！睇黎我都答唔到咀架啦，惟有寄情於食物。
我夾了一些Salad、凍肉、凍虾及澳洲青口做前菜。其中的有個泰式白雲鳳爪的Salad真是超辣，我是一個能食辣的人，但係第一啖食落口都覺得好辣，都要即刻飲水，但是辣的過癮同很開胃。
在我仲食緊第一盤前菜的時條，我的主菜：伊甸皇帝蟹腳三食(米紙蟹肉卷，牛油煎蟹腳，蘇皮焗野菌奶油蟹肉）已經送上台了。最緊要正字問題：究竟係"酥皮"定係"蘇皮"呢？有冇人可以解答到我啊？
伊甸皇帝蟹腳三食(米紙蟹肉卷，牛油煎蟹腳，蘇皮焗野菌奶油蟹肉）
$368
26 瀏覽
0 讚好
0 留言
老老實實，我覺得除左牛油煎蟹腳係好食之外，其餘兩食我都覺得麻麻地！我的目光及嗅覺反而被朋友的法式保雲蘇烤焗羊扒吸引了過去。朋友好慨慷地分了少少俾我哋食，哇，真是很好吃。平時吃羊扒的時候，一夾到鼻子下面就可以聞到羊臊味。但是吃這個羊扒時，第一下聞到的味到的是焗面包糠的香味及甜甜地的香味。一啖咬落啲羊扒到，好嫩～～配埋嗰汁真係好好食。嗰汁食落水甜甜地的同埋有香草味，有烤汁的感覺，但又不完全是烤汁。我哋忍唔住就叫左侍應哥哥來問啲汁係用咩整的。
法式保雲蘇烤焗羊扒
$278
40 瀏覽
0 讚好
0 留言
另外一個朋友仔叫左香煎智利深海軍曹魚，朋友話都唔錯！個皮煎得幾香脆，魚肉都幾結實，我自己對個綠色的汁有興趣，我又同另朋友"乞"左少少汁來試，原來係牛油果整成的汁，配番啲結實魚肉一齊食的，可以令魚肉滑啲但又不至於成口油。紫色的係紫薯蓉，甜甜地，又襯色，我都幾欣賞這個配搭！
香煎智利深海軍曹魚
$238
34 瀏覽
0 讚好
0 留言
Dessert
14 瀏覽
0 讚好
0 留言
題外話/補充資料：
Edenfa在閒日夜晚唔多客，完全冇同人爭食的感覺，可以"滋滋油油"的享用個半自助餐。因為間餐廳冇招牌，所以我以為自己行錯路，入錯餐廳。
(以上食評乃用戶個人意見 , 並不代表OpenRice之觀點。)
張貼
