贏樂小館

營業中

休息中

下午茶時間，諗住食個 tea set，但原來呢度係冇嘅，雖然係咁，見 menu 都有食物吸引到我，就繼續吧。佢哋有好幾款涼拌小食，叫份豬耳啦，有幾種辣，但我係超少辣喎，老闆就話出聲就ok，因為即叫即調(辣度)，咁就 tailor-made 我的辣味豬耳喇。由於即調，就算得我一枱客，都要等等，坦白講，呢種等係值得嘅，因為個味道真係啱我。另外叫咗份豬手麵，老闆話個麵係同出面不同嘅，似上海湯麵同幼身烏冬。一嚟到就試咗件豬手，嘩，估佢唔到咁'林'，超正，而且有好多芽菜，好味。個麵呢，就互相纏繞住，食時有啲論盡，味道... 如老闆所言似烏冬。小小的店，竟然見到有獨立洗手間。