Flame at Towngas Avenue (已結業)

响社交平台見到呢間餐廳復活節有優惠，凡惠顧指定餐小朋友就可以免費食兒童餐，最好就係外賣一樣得，宜家呢個時候都少咗帶細路出街。今晚老公去買返屋企食，中港城有一個鐘免費泊車，所以可以泊好車先。一拎到返屋企，亞女已經急不及待😆，雖然係外賣，但賣相都唔差播。兒童餐都好豐富呀，亞女都食唔哂，復活節特別加送嘅🐣雞仔沙律亞女唔捨得食😅。份大人餐龍蝦湯好鮮味，睇返餐牌，個甜點品叫雜莓冰粉配沖繩黑糖漿，有啲似蒟蒻，好清甜，唔錯唔錯。主菜米蘭砵酒燉牛膝好大份啊，屋企都可以食咁豐富西餐好滿足！