Infinity Workshop Cafe (已結業)

今日同朋友出旺角行街，專登搵定一間坐得舒服地方打躉，就上左openrice度搵啦! 見到依間係黃店， 下午茶 88蚊圖片又幾吸引，決定同朋友去食，專登左兜右兜攝時間到2點先上去，但原來已經無下午茶啦再上返openrice睇，原來編文章係2019年尾出，咁唯有叫2杯飲品同小食啦…我同朋友各叫左杯飲品，同樣屬於藍碟花，餐牌上寫住舒緩眼睛疲勞，對我地機不離手既人係唔錯選擇，一凍一熱，外觀賣相及格，飲落去有啖啖花香，黃金雞球配薯條就一般，雞肉咬落去有汁但係薯條比較唔熱，整體上都過得去。