The Wall Street Bar & Lounge

營業中

休息中

餐廳：The Wall Street Bar & Lounge地點：尖沙咀金巴利道菜式：樓上酒吧餐牌：主菜，燒牛肉全日早餐，巨無霸漢堡，頭盤，送酒小食，甜品，都有套餐。酒水有多款鷄尾酒，Mocktail，咖啡，茶，其他酒類等等。先叫杯mocktail。Pop-Star $98 另加一Anise，Pineapple Juice，SodaPop-Star色水呈黃色，味道主要係菠蘿汁，酸酸地都幾開胃。慢煮黑毛豬鞍扒 $248 另加一慢煮黑毛豬鞍扒係一大片厚切豬扒，烤得少少脆皮，外脆內嫩啖啖肉，面頭灑上香草同加上一條香草，味道鹹香，比羊架重口味，配有燒汁。伴有烤意式黃瓜同青瓜各一，四條蘆筍，車厘茄同雜菜沙律，簡單加上黑醋調味可平衡肉類鹹度。仲有一pat薯蓉，味道天然。慢煮紐西蘭燒羊鞍 $248 另加一慢煮紐西蘭燒羊鞍一客三大支，叫左三成熟，整得超嫩口，又唔蘇，肉質唔錯，灑上香草，點燒汁更好味。羊鞍附有筋，就好有咬口。同慢煮黑毛豬鞍扒一樣，伴有沙律同薯蓉。呢款主菜抵食。今餐食物飲品質素唔錯。室內環境幾好，仲有個大書櫃同古老梳化，同埋好多靚靚擺設。入面播放輕鬆音樂，適合放工鬆一鬆。