影片
更多
2022-05-01
165 瀏覽
南丫島真係好多嘢食，其中有一間專食甜品嘅coffee shop，佢嘅超多餡糯米糍係好出名，不過就要預早預約，佢都有少少可以即買，但一早就已經俾人買晒，所以就試吓佢嘅其他甜品同埋咖啡☕️🍰甜品方面嗌咗佢呢度出名嘅Tiramisu同埋豆腐芝士餅，佢嘅Tiramisu有原味同埋芋泥味，我就叫咗個原味試吓，出奇地又幾好食，我本身唔係咁鍾意食Tiramisu，但呢度嘅反而我可以接受到，佢同出邊嗰啲味完全唔同，佢係好軟熟食得出入邊有類似海綿蛋糕咁，蛋糕偏濕身，味道冇出邊嗰啲咁濃，但佢嘅咖啡味同芝士味第一啖咬落去已經食得出，出面買嗰啲成個蛋糕都係實德德，但佢輕輕切落去已經feel到超軟熟，搞到我有少少鍾意Tiramisu添🤭不過豆腐芝士餅就令我好失望，本身南丫島另外有一間都係食甜品嘅店，佢嘅豆腐芝士餅係超出名，可惜嚟到冇開，咁啱呢一間又有豆腐芝士餅所以就試吓，其實本身芝士餅比我嘅感覺係偏硬同埋好實，個底係類似消化餅餅底咁，佢呢間既芝士餅餅底冇咩問題但佢上面嘅豆腐芝士就唔得，首先佢係好淋身，淋到有少少似奶凍嗰啲質感咁，加上佢個味道食落去怪怪地，豆腐同芝士唔係好夾，豆腐嘅味亦都唔突出😩😩至於咖啡方面就嗌咗
甜品方面嗌咗佢呢度出名嘅Tiramisu同埋豆腐芝士餅，佢嘅Tiramisu有原味同埋芋泥味，我就叫咗個原味試吓，出奇地又幾好食，我本身唔係咁鍾意食Tiramisu，但呢度嘅反而我可以接受到，佢同出邊嗰啲味完全唔同，佢係好軟熟食得出入邊有類似海綿蛋糕咁，蛋糕偏濕身，味道冇出邊嗰啲咁濃，但佢嘅咖啡味同芝士味第一啖咬落去已經食得出，出面買嗰啲成個蛋糕都係實德德，但佢輕輕切落去已經feel到超軟熟，搞到我有少少鍾意Tiramisu添🤭
不過豆腐芝士餅就令我好失望，本身南丫島另外有一間都係食甜品嘅店，佢嘅豆腐芝士餅係超出名，可惜嚟到冇開，咁啱呢一間又有豆腐芝士餅所以就試吓，其實本身芝士餅比我嘅感覺係偏硬同埋好實，個底係類似消化餅餅底咁，佢呢間既芝士餅餅底冇咩問題但佢上面嘅豆腐芝士就唔得，首先佢係好淋身，淋到有少少似奶凍嗰啲質感咁，加上佢個味道食落去怪怪地，豆腐同芝士唔係好夾，豆腐嘅味亦都唔突出😩😩
至於咖啡方面就嗌咗一杯400次咖啡同埋一杯桂花Latte ，其實佢嘅咖啡真係冇乜味，完全唔出咖啡豆嘅味，400次咖啡嘅意思大概係將所有材料放入一個容器瘋狂攪拌400次，攪到佢變成棉密奶油狀為止，分咗兩層嘅嗰杯就係啦，佢上面嗰啲應該係攪拌完嘅成品，個味係濃裂啲嘅但都係嗰句咖啡味唔重，下面係奶，其實我都未試過正宗嘅400次咖啡係咩味，但佢呢一款比較淡，基本上若果你唔飲上面嗰層佢下面係得奶味🤔🤔，而桂花Latte都唔係十分特別，同樣味道都係好淡，咖啡同桂花味都淡😩
張貼
