影片
更多
2013-04-02
38 瀏覽
早排飲食男女報導過哩間新開既torimen都一路未有機會試終於尋晚同朋友去試了 反應唔錯原以為係以拉面為主 但原來夜晚個時 拉面做左大配角 串燒先係主角 不過都冇影響到我地嚟試新野既興致最後我地叫左：海老洋蔥圈 溫泉蛋沙律 芝士雞肉串 鵝肝雞翼 燒牛舌 牛肋骨 銀鱈魚 quail eggs當然仲有特別推介既蝦湯拉面我地一致覺得 大部分串燒都好食 淨係個芝士雞肉串同個雞翼我地都encore左2次芝士雞肉串－ 比較特別既串燒 雞肉入面stuff左cheese 令到口感更豐富 再加埋個撈左蛋黃既sauce 一字記之曰：正鵝肝雞翼－明太子釀雞翼食得多 鵝肝釀真係第一次食 第一啖食落去：好juicy！鵝肝既香令人食指大動 佢地之間既味道原來係咁夾 最重要係食落去個種層次感 非筆墨可以形容 雞翼既外層燒到脆脆 然後口中傳嚟鵝肝啖啖既香 當然唔少得汁 （真係一路寫一路懷念個種味道）燒牛舌－同出面差唔多 不過又真係幾有嚼勁 送酒一流牛肋骨－一開始以為係個隻 嚟到覺得有似牛柳粒 不過肉質好稔 唔錯quail eggs - 好特別因為要連殼食 咁大個人真係第一次連殼食 不過脆卜卜 真係好特別♥個蝦拉面好
終於尋晚同朋友去試了 反應唔錯
原以為係以拉面為主 但原來夜晚個時 拉面做左大配角 串燒先係主角 不過都冇影響到我地嚟試新野既興致
最後我地叫左：海老洋蔥圈 溫泉蛋沙律 芝士雞肉串 鵝肝雞翼 燒牛舌 牛肋骨 銀鱈魚 quail eggs當然仲有特別推介既蝦湯拉面
我地一致覺得 大部分串燒都好食 淨係個芝士雞肉串同個雞翼我地都encore左2次
芝士雞肉串－ 比較特別既串燒 雞肉入面stuff左cheese 令到口感更豐富 再加埋個撈左蛋黃既sauce 一字記之曰：正
鵝肝雞翼－明太子釀雞翼食得多 鵝肝釀真係第一次食 第一啖食落去：好juicy！鵝肝既香令人食指大動 佢地之間既味道原來係咁夾 最重要係食落去個種層次感 非筆墨可以形容 雞翼既外層燒到脆脆 然後口中傳嚟鵝肝啖啖既香 當然唔少得汁 （真係一路寫一路懷念個種味道）
燒牛舌－同出面差唔多 不過又真係幾有嚼勁 送酒一流
牛肋骨－一開始以為係個隻 嚟到覺得有似牛柳粒 不過肉質好稔 唔錯
quail eggs - 好特別因為要連殼食 咁大個人真係第一次連殼食 不過脆卜卜 真係好特別♥
個蝦拉面好好食 真係好好食 湯底濃得嚟又唔漏又唔會涸喉 證明唔係味精湯：）通常我淨係係日本先會成碗連湯都飲埋 係香港唔會飲晒湯 但今次破例 成碗面食晒之外連湯都唔放過 真係勁滿足
下次一定會再嚟食
張貼