龍皇酒家 (Mikiki) (已結業)

今日晏晝嚟到mikiki龍皇食晏，難得唔使返工，當然就要對自己好啲啦，所以喺佢個love sake menu就叫咗碟$168龍醬炒日本帆立貝慰勞吓自己。一上到嚟靚到wow一聲，下面滿滿嘅西蘭花襯托着柔軟有彈性嘅日本帆立貝，而且精美到用貝殼來做半碟，佢嘅龍醬帶咗少少海鮮味道，微辣得黎十分惹味！撈埋落飯立貝上面食，中和左佢嘅鮮甜味。另外叫多枝$268嘅川波 吟釀清酒，中菜配日本酒真係比較少見嘅配搭，但今次同海鮮又真係幾夾，而且店員服務好細心，間唔中會check吓枝酒夠唔夠冰凍，sake完美地平衡返咸同辣嘅味道，不錯不錯，可惜嘅係佢冇一杯杯叫，恰我呢d獨獨。