冬蔭NOODLE (已結業)

今日同hubby去左TST行街，見到The One對面有間環境好舒服,好warm嘅泰國餐廳，俾個menu吸引左入去。餐廳乾淨企理，入面用左粉紅色sofa，別有一番和諧親切感。我哋叫咗個泰式船河 （魚丸及豬肉丸），牛船河湯底好香濃，味道唔會太咸，配料又足，我哋食得好滋味！另外，仲叫咗半隻泰式燒鷄，Waiter有預先同我地講呢隻鷄會即叫即燒，令我哋有D期待⋯果然冇令我哋失望，賣相好出色，看得出廚師係個有心思的人，隻鷄皮脆肉嫩，醃得好入味，加埋個泰式辣醬好開胃。最後，想介紹埋個(豬肉)生菜包，又係醒胃之選！order嗰陣女侍應好細心，提我地要注意返個辣度，因為廚師係泰國人，所以會比其他嘅泰式餐廳辣，最後我哋叫咗小辣。生菜包配有脆卜卜嘅豬油渣，邪惡得黎又有D咬口，有生菜包住D酸辣肉食，降低左飽滯感，唔會覺得膩！因為兩個人食唔到太多嘢，所以仲有好多菜色留待下次再試。