影片
更多
2022-08-09
49 瀏覽
平時好少去大角咀呢邊，不過都聽過朋友講呢頭其實幾多嘢食，有朋友食過呢間泰國餐廳，覺得幾好介紹我哋去試吓。餐廳叫做泰嘟嘟，唔知係咪Tuk Tuk嘅譯音～咁啱我哋四個人，就可以坐到四人卡位，係泰國Tuk Tuk車嘅佈置，好得意呀！同埋位置好有私人空間感同朋友傾偈非常適合平時都有食開泰國嘢，離不開必要嘅幾樣餸，咖喱、薄餅、炒金邊粉、泰式蝦餅、生菜包、燒豬頸肉而咖喱我哋揀咗黃咖喱花甲，啲花甲都算唔少隻，同埋我好鍾意呢隻黃咖喱味，適合唔食得辣嘅人士，仲甜甜地添！ 點薄餅食真係一流！今次仲叫咗冬陰功海鮮湯同埋馬拉盞炒椰菜苗（平時都係食開馬拉盞通菜，朋友話椰菜苗係泰國菜先有😹 第一次食，都唔錯！）而個冬陰功海鮮湯真係超足料！！好多海鮮！🦐🐟 同樣，唔係太辣，酸酸甜甜好開胃，好正！不過我本人鍾意飲湯多過食海鮮😂😂 就有少少唔夠喉😆最後必讚嘅係！飲品！！我叫咗杯芝士奶蓋菠蘿沙冰，其實同泰國嘢唔係好襯，不過個名好吸引所以試吓～～ 本身都有擔心呢度整奶蓋好唔好飲😂 結果係：好！好！飲！！！ 面頭啲芝士味好正，攪勻左之後下面啲菠蘿沙冰唔會話得冰而冇乜味，好香菠蘿味而且冇渣（太好了😭）我哋四個人食咗勁多野，買單
餐廳叫做泰嘟嘟，唔知係咪Tuk Tuk嘅譯音～咁啱我哋四個人，就可以坐到四人卡位，係泰國Tuk Tuk車嘅佈置，好得意呀！同埋位置好有私人空間感同朋友傾偈非常適合
平時都有食開泰國嘢，離不開必要嘅幾樣餸，咖喱、薄餅、炒金邊粉、泰式蝦餅、生菜包、燒豬頸肉而咖喱我哋揀咗黃咖喱花甲，啲花甲都算唔少隻，同埋我好鍾意呢隻黃咖喱味，適合唔食得辣嘅人士，仲甜甜地添！ 點薄餅食真係一流！
泰式生菜包
8 瀏覽
0 讚好
0 留言
泰式燒豬頸肉
9 瀏覽
0 讚好
0 留言
黃咖喱炒花甲
8 瀏覽
0 讚好
0 留言
今次仲叫咗冬陰功海鮮湯同埋馬拉盞炒椰菜苗（平時都係食開馬拉盞通菜，朋友話椰菜苗係泰國菜先有😹 第一次食，都唔錯！）
馬拉盞炒椰菜苗
15 瀏覽
0 讚好
0 留言
而個冬陰功海鮮湯真係超足料！！好多海鮮！🦐🐟 同樣，唔係太辣，酸酸甜甜好開胃，好正！不過我本人鍾意飲湯多過食海鮮😂😂 就有少少唔夠喉😆
泰式冬陰功海鮮湯
19 瀏覽
0 讚好
0 留言
最後必讚嘅係！飲品！！
我叫咗杯芝士奶蓋菠蘿沙冰，其實同泰國嘢唔係好襯，不過個名好吸引所以試吓～～ 本身都有擔心呢度整奶蓋好唔好飲😂 結果係：好！好！飲！！！ 面頭啲芝士味好正，攪勻左之後下面啲菠蘿沙冰唔會話得冰而冇乜味，好香菠蘿味而且冇渣（太好了😭）
芝士奶蓋菠蘿沙冰
$32
13 瀏覽
0 讚好
0 留言
我哋四個人食咗勁多野，買單先至$800有找，人頭$200都唔洗😱 性價比真係幾高！ 唔怪得啲人話呢頭多好嘢食啦，下次有機會再嚟呢邊搵食🤣
張貼
