影片
更多
2014-09-08
1635 瀏覽
早前出席過Venchi中環新概念店開幕所搞嘅開幕活動，試咗多款朱古力、意式雪糕及咖啡出品，讓小弟有個滋味超滿足嘅下午，除意式雪糕外，其他產品都甚感輿趣。炎炎夏日真喺叫人做起事嚟都散慢啲，一杯冰涼凍飲可以讓人悶熱全消 。有關Venchi嘅歷史、產品特色、種類……，上次食文都分享過，所以今次就唔多提，單刀直入講「味道」。 Venchi Frappe (Mango) $48 Venchi Frappe有芒果及士多啤梨味，唔好意思，又喺要芒果，因為鍾意芒果多啲。基本上，Frappe其實就即喺奶昔，而Venchi Frappe用上店中芒果味意式雪糕嚟做，仲加入少少芒果果肉一齊打，唔單止質感綿滑，芒果味香甜自然，富奶香，又帶有少少果肉，更喺冰凍可口 ，的確喺消暑良伴，不過，就要乖乖付上48大洋。 懷舊書型魚子醬禮盒 $228依「本」小禮盒喺上次到訪時嘅禮物，讓朱古力嘅美味可以帶返屋企，就順道分享埋依個設計別出心裁嘅小禮盒產品。內裡收納咗6粒共3款味道嘅「朱古力魚子醬」，何謂「朱古力魚子醬」？依個又喺店中招牌朱古力之一，據介紹，喺採用多種中美洲至南美可可豆及75%可可粉以人手新鮮製作而
有關Venchi嘅歷史、產品特色、種類……，上次食文都分享過，所以今次就唔多提，單刀直入講「味道」。
Venchi Frappe (Mango) $48 Venchi Frappe有芒果及士多啤梨味，唔好意思，又喺要芒果，因為鍾意芒果多啲。基本上，Frappe其實就即喺奶昔，而Venchi Frappe用上店中芒果味意式雪糕嚟做，仲加入少少芒果果肉一齊打，唔單止質感綿滑，芒果味香甜自然，富奶香，又帶有少少果肉，更喺冰凍可口 ，的確喺消暑良伴，不過，就要乖乖付上48大洋。
懷舊書型魚子醬禮盒 $228依「本」小禮盒喺上次到訪時嘅禮物，讓朱古力嘅美味可以帶返屋企，就順道分享埋依個設計別出心裁嘅小禮盒產品。
內裡收納咗6粒共3款味道嘅「朱古力魚子醬」，何謂「朱古力魚子醬」？依個又喺店中招牌朱古力之一，據介紹，喺採用多種中美洲至南美可可豆及75%可可粉以人手新鮮製作而成嘅朱古力粒，無論手功、用料，都喺精益求精，當然，朱古力無魚子醬啦，只喺面層沾滿粒粒烤烘過嘅可可豆碎粒，貌似魚子醬啫 。
Crème Brulé（紅色） 3款味道其實都好好食，不過以依款Crème Brulé最得我歡心，無他嘅，焦糖軟心餡絕對喺小弟「賣飛弗」，焦糖嘅獨特濃香，雖然甜膩，但唔喺得個死甜，而喺有份焦香；而包住焦糖嘅應該喺牛奶朱古力，晌口內慢慢溶化，混和焦糖軟心，好有一種特別嘅甜蜜 。至於，表層烤烘過嘅可可豆碎粒，沾滿整個外層，可可味好濃郁，口感有少少脆身，令整粒朱古力都變得更有趣 。
Crèam Cacao（金色） 以榛子醬代替焦糖成為餡心，都喺配以牛奶朱古力、烤烘嘅可可豆而成嘅組合，雖然味道、口感一啲都唔差，不過，榛子味唔算突出，3者中就未免顯得比較普通少少，缺乏一點點個性。
75%（黑色） 依粒75%老婆超讚，其實黑朱古力小弟都啱，的而且確，餡心嘅純黑朱古力真喺好醇厚，甘苦味恰到好處，慢慢溶在口中而輕輕帶出回甘，認真順滑令人回味 。
食朱古力，會令人感到開心快樂，仲要食咗幾款咁高質又咁有心思嘅朱古力，更加開心不過！Venchi，值得搵次再試 ！
張貼
