豪隍點心工房 (已結業)

今日一行七人午飯時間嚟飲茶，一黎到見到門口都算人山人海，好彩一早有打電話book位 可以直入。食物亦都比想像之中快送到 👍🏻👍🏻逐樣講吓：窩蛋牛肉飯其實有少少似山竹牛肉放喺飯面蒸，我諗個賣點就只係好多牛肉，但其實食落無乜牛肉味，普普通通依度係兩客蝦餃嘅份量，因為佢一份係兩粒嘅，但係蝦餃嘅尺寸就比平時嘅蝦餃大好多，好似就嚟迫爆個蒸籠咁🙀 一上枱大家都哇哇聲，而且食落蝦都爽口彈牙有鮮味，依個推介👍🏻有蝦餃就點少得燒賣，同蝦餃一樣兩件一份但大大件，都好紮實嘅，不過我本人就愛好蝦餃多啲🤭包點方面呢，墨西哥叉燒包幾有趣，面頭有一層薄薄既脆皮，另外炸饅頭我冇食到嘅。奶皇包就正正常常啦蓮藕煎鯪魚餅係我覺得幾好食嘅另一樣嘢，蓮藕有粒粒口感，煎得夠香口😬同樣嘅煎炸點心有鮮蝦腐皮卷，腐皮炸到脆卜卜，內餡不少幾充實～最後一個懷舊啫喱一點甜～