影片
更多
2020-12-17
99 瀏覽
日本九州佐賀人氣第一嘅燒肉店Yakiniku Kakura進駐香港，係黃埔落腳啦，而家疫情嚴重，有排都去唔倒日本，所以一眾牛控一定要去黃埔潮聖，頂頂大家食高級和牛嘅慾望啦😆。由於而家禁左晚市堂食，所以今日特約埋家姐，大家請假都要去一去潮聖，來個下午套餐頂下引先，好彩預先訂左枱，到步大約等左十幾分鐘，就安排入坐啦🤗。餐廳新裝修，非常乾淨企理，入邊一卡一卡，大約每卡有兩張枱，每張枱都有一部抽力極強嘅抽氣系統，食完成餐飯，件衫都全冇燒烤味，令我非常滿意🤗今日同家姐order左兩個燒肉定食，一個和牛，一個海鮮。首先店員送上飯，湯、前菜同沙律，前菜係厚切牛舌，肉質軟滑帶有口感；白飯都唔講得笑，粒粒軟淑，咬兩咬，飯香同甜味慢慢浸出；清湯只須加點昆布同芝麻，清甜可口。🥩黑毛和牛大判燒盛合：🥢鹿兒島A4和牛西冷 / 和牛裏腹小排 / 牛背末脊肉；大大塊A4和牛西冷係薄切，肉質細緻，油花分布均勻，需要留意，只需係爐上趟兩趟一轉色就要夾起架啦，蘸埋蛋液一齊食，入口滑溜，油花甘香慢慢係口腔爆發，久久未散，真係好食得太過份啦😆。🥢和牛小排同脊肉，油脂豐腴，我個人喜歡只燒到大約4至5成熟，燒完一面再轉另一面，只
由於而家禁左晚市堂食，所以今日特約埋家姐，大家請假都要去一去潮聖，來個下午套餐頂下引先，好彩預先訂左枱，到步大約等左十幾分鐘，就安排入坐啦🤗。
餐廳新裝修，非常乾淨企理，入邊一卡一卡，大約每卡有兩張枱，每張枱都有一部抽力極強嘅抽氣系統，食完成餐飯，件衫都全冇燒烤味，令我非常滿意🤗
今日同家姐order左兩個燒肉定食，一個和牛，一個海鮮。
首先店員送上飯，湯、前菜同沙律，前菜係厚切牛舌，肉質軟滑帶有口感；白飯都唔講得笑，粒粒軟淑，咬兩咬，飯香同甜味慢慢浸出；清湯只須加點昆布同芝麻，清甜可口。
🥩黑毛和牛大判燒盛合：
🥢鹿兒島A4和牛西冷 / 和牛裏腹小排 / 牛背末脊肉；大大塊A4和牛西冷係薄切，肉質細緻，油花分布均勻，需要留意，只需係爐上趟兩趟一轉色就要夾起架啦，蘸埋蛋液一齊食，入口滑溜，油花甘香慢慢係口腔爆發，久久未散，真係好食得太過份啦😆。
🥢和牛小排同脊肉，油脂豐腴，我個人喜歡只燒到大約4至5成熟，燒完一面再轉另一面，只須底面小小燒至焦香，咁就可以鎖住肉汁，中間仍保持粉紅，肉質柔嫩且富有口感，牛味慢慢係舌尖直衝，塞滿整個口腔。👍🏻
其實咁靚嘅黑毛和牛，真係燒到4-5成就係口感同味道發揮得最好👍🏻
🥩黑毛和牛大判燒盛合
5 瀏覽
1 讚好
0 留言
🦐海鮮盛盒
🥢帆立貝 - 盛載係錫紙盤，連同牛油一齊慢慢燒，牛油原全溶化做指標，帆立貝都差唔多7、8成熟啦，帆立貝燒完仲係大大粒，中間好juicy柔軟，仲有濃濃牛油香味。
🦐海老 - 蝦頭緊緊連接蝦身，成隻蝦紅朴朴，脹卜卜，非常新鮮，燒至小小焦香，肉身彈牙鮮甜。
🐟烏賊 - 呢種魚第一次食，肉質好特別，燒完魚肉並唔會成件散開，反而仲非常挺直，味道好清，有咬口，第二件蘸埋檸檬汁，鮮味就跑出黎啦，所以見議落幾滴檸檬汁釣起啲鮮味。
海鮮盛合
5 瀏覽
0 讚好
0 留言
🥢意猶未盡再追加一份牛舌，燒過嘅牛舌比起前菜牛味更加突出，而且仲多左份焦香。
最後每人一客甜品🍮，雲利拿雪糕球同杏仁味奶凍，食完咁重味嘅和牛，食下雪糕可以清洗下味蕾；而杏仁奶凍真係好好味，入口杏味慢慢散發，跟住就有奶香，唔會太濃，整個味道balance得好好，奶凍非常綿密滑溜，好味😋。
最後值得一讚係店員服務非常有禮，尤其戴眼鏡果位經理哥哥，禮貌周周，笑容滿面，會主動同食客交談，令食客好有賓至如歸感覺，真心比讚👍🏻👍🏻👍🏻
張貼
