養心殿台式養生鍋 (已結業)

之前睇到Openrice 呢間打邊爐，d湯底已經好吸引，今日出九龍，所以一早book定枱食餐勁！一坐底就選左個鴛鴦湯底：酸菜白肉鍋和美人鍋，個鍋好足料，酸菜鍋仲會額外送多碟酸菜白肉，裏面仲有寬條麵，浸嚮湯到，好入味！而美人鍋好啱我地d女士，😍😍有半隻烏雞、紅棗、當歸等，即刻飲返碗湯滋補下先！呢到d服務員仲服務周到，好細心咁提醒我地d烏雞要煲耐少少先好食，於是我地大概一個多鐘後先食，的確yummy😋依家食野唔再追求大件抵食，而係要真材實料、食得健康，呢到絕對滿足我噶要求😆😆極上雪花肥牛：很大份，十分肥美新鮮！估唔到肥牛一樣出色！墨魚丸：新鮮彈牙，唔同有d餐廳用雪藏的。雜錦蔬菜盤：有不同的菇和菜，d菜好新鮮好綠！喜出望外的係竟然有柚子沙冰及芋圓湯水送到，為今餐劃上完美的句號😁期待下次試埋其他湯底同配菜。