Make It (已結業)

食下午茶就係人生一大享受，我今日去開旺角做野，忙裡偷閒就去到朗豪坊既make it食雪糕涼吓，入到去雖然坐位唔算多，但可能平日下午關係，所以就無咩人，仲唔使等就有位坐，本身我諗住係只可揀兩至三款配料，點知原來連本身個球雪糕都可以自己揀一款配料製成，即係想咩味都得，真心覺得幾好，咁就唔會成日都係食個幾款味！而我就揀左哈密瓜、芒果同糯米糍，雪糕就揀左曲奇加入北海道牛奶雪糕入面，每啖都又滑又香，哈密瓜同芒果都好鮮甜，仲有我最愛既糯米糍就好有口感，呢個配搭一次過就滿足晒我既要求，真心覺得堅好食，不過講真就真係有少少貴，耐唔耐食一次都OK既！