三公台灣料理 (已結業)

餐廳座位都幾闊落，而且價錢亦唔係好貴，CP值都幾高，食過應該會再encore~安平蝦卷拌麵便當蝦卷咬落好爽好彈牙，外層都幾脆口，拌麵份量剛剛好，將滷肉及麵攪拌均勻，麵質有少少似闊條麵，整體賣相好文青的台灣料理，擺盤好用心，除左主食外，仲有不同蔬菜作配菜，例如：西蘭花、粟米仔等，又睇得又健康～蚵仔煎食台灣野必嗌小食之一，蠔仔都幾大粒，食落唔會有腥臭味，煎左香香脆脆，搭配埋淋上的醬汁，少少辣辣地，都唔錯～甘梅地瓜條加左話梅粉的地瓜條，食落酸酸甜甜，地瓜條又係熱辣辣，無得輸！甜不辣呢款甜不辣小食咬落煙煙韌韌，由於佢煎炸過，所以外層有啲脆口，更有口感！蜜桃茉莉愛玉菓子本來唔記得叫少甜，驚佢太甜，好彩正常甜度剛剛好，好多蜜桃粒粒，加卜上滑溜溜愛玉，值得推薦～