影片
更多
2023-07-06
39 瀏覽
朝早見到個天氣麻麻地，本身都諗住lunch 唔出去食，見到中午天色好轉緊係把握機會約朋友即刻出去食餐好既😉朋友公司向銅鑼灣Cubus 對面，佢唔講我都唔知原來個度而家開咗好多間餐廳，佢知我想食清啲就決定上黎10樓食呢間叫NaFaFa既泰菜🎉門口見到裝潢都好grand, 好有之前去泰北旅行食high end泰菜既感覺😉店員好好安排窗邊卡位俾我哋，一開始見入面都差唔多滿座，有兩枱外國客人，仲擔心會唔會係專做遊生意，但食落先知原來佢應該係靠食物質素同埋個環境取勝！Lunch Menu選擇都好多，以佢環境來講每個主菜都只係$100多啲，價錢合理，仲可以加少少錢有飲品同埋甜品(各$20-$25)，所以我哋二話不說就選擇咗了泰北椰香燒雞飯($128)同和牛湯河($148)首先嚟嘅係和牛湯河，一睇就覺得個湯底非常之濃郁，味道似係平時泰國船麵嗰種風味，而和牛數目好多同非常之有口感，我最欣賞係佢啲面嘅麵質，因為佢唔係河粉個種質地，係偏向煙煙韌韌個種，同個湯底好夾得黎唔會油膩👍🏻跟住嚟到泰北椰香燒雞飯，份量適中，佢嘅飯係有好香嘅椰汁味，但唔會係甜同漏，而燒雞燒得好好味，配埋佢嘅秘制醬汁，更加畫龍點睛！我哋
朋友公司向銅鑼灣Cubus 對面，佢唔講我都唔知原來個度而家開咗好多間餐廳，佢知我想食清啲就決定上黎10樓食呢間叫NaFaFa既泰菜🎉門口見到裝潢都好grand, 好有之前去泰北旅行食high end泰菜既感覺😉
店員好好安排窗邊卡位俾我哋，一開始見入面都差唔多滿座，有兩枱外國客人，仲擔心會唔會係專做遊生意，但食落先知原來佢應該係靠食物質素同埋個環境取勝！
Lunch Menu選擇都好多，以佢環境來講每個主菜都只係$100多啲，價錢合理，仲可以加少少錢有飲品同埋甜品(各$20-$25)，所以我哋二話不說就選擇咗了泰北椰香燒雞飯($128)同和牛湯河($148)
首先嚟嘅係和牛湯河，一睇就覺得個湯底非常之濃郁，味道似係平時泰國船麵嗰種風味，而和牛數目好多同非常之有口感，我最欣賞係佢啲面嘅麵質，因為佢唔係河粉個種質地，係偏向煙煙韌韌個種，同個湯底好夾得黎唔會油膩👍🏻
跟住嚟到泰北椰香燒雞飯，份量適中，佢嘅飯係有好香嘅椰汁味，但唔會係甜同漏，而燒雞燒得好好味，配埋佢嘅秘制醬汁，更加畫龍點睛！
我哋叫咗杯泰式奶茶，茶底唔係一般嘅港式奶茶，係真係泰國嗰度飲嘅奶茶嘅味道，好懷念啊！雖然冇得揀少甜，但係本身唔係好甜，連我本身唔鍾意飲太甜飲品嘅人都覺得啱啱好😁
最後我哋一定唔少得叫個甜品嚟畫個圓滿嘅句號😄我同友人都好鍾意食泰國椰汁糯米飯，一於一人一個唔使爭😁餐廳好細心，個糯米飯仲特登用兩個顏色，雖然係一樣味道，但presentation同擺盤係講做得好好，芒果唔酸，糯米飯啲椰汁亦都唔會好甜🤲🏻成個食哂好滿足~
我覺得NaFaFa其實係非常適合香港人食，但同時亦都保留傳統泰國嘅風味，兩者取得好好平衡🤲🏻下次可以試佢晚餐，應該仲好feel😄
泰國椰汁糯米飯
4 瀏覽
0 讚好
0 留言
泰國椰汁糯米飯
8 瀏覽
0 讚好
0 留言
和牛湯河
7 瀏覽
0 讚好
0 留言
#和牛湯河
5 瀏覽
0 讚好
0 留言
泰北椰香燒雞飯
6 瀏覽
0 讚好
0 留言
張貼
