影片
更多
2022-07-20
896 瀏覽
話說都好耐無去過紅磡揾食，見到咁多大廈清拆都有啲唏噓。不過都無阻我搵食嘅決心嘅！俾我誤打誤撞見到呢間串燒店，時間尚早嘅關係，成間店俾我坐晒！咁就不如一試佢嘅手勢如何啦。環境闊落整潔，不過唯一缺點係冷氣比較弱，因為佢始終都係一個open area，所以如果大熱天時過嚟嘅話，可能就會食得比較辛苦。食物選擇眾多，無論蔬菜類或者肉類，甚至海鮮類，都應有盡有，一定可以滿足大家嘅需要。呢度甚至有酸辣粉，花甲粉之類嘅麵食，包保大家會食飽飽。先上嘅係酸辣粉，雞泡魚乾，同埋墨魚丸。酸辣粉大大碗好足料，酸味較重，唔會太辣。雞泡魚乾燒得啱啱好，送啤酒就一流。依家佢哋hogarrden同Stella 生啤仲做緊特價$58！真係好識做啊！同行友人唔食帶子，所以我只係叫咗一隻蒜蓉扇貝自己試吓，蒜蓉味好重，帶子都好大隻！另外再點左小店推介嘅小龍蝦，份量好多，我覺得三至四人分享就差唔多。而且炒得香香脆脆，一隻一隻食唔停口。最後來多個麻辣涼拌海蜇同燒粟米，我哋兩個都飽到頂住個肚離開啦。順便一提，當我喺度食緊堂食嘅時候，我見廚房都不停出緊外賣單，我相信呢度都係唔少紅磡街坊嘅食堂呢！
環境闊落整潔，不過唯一缺點係冷氣比較弱，因為佢始終都係一個open area，所以如果大熱天時過嚟嘅話，可能就會食得比較辛苦。
食物選擇眾多，無論蔬菜類或者肉類，甚至海鮮類，都應有盡有，一定可以滿足大家嘅需要。呢度甚至有酸辣粉，花甲粉之類嘅麵食，包保大家會食飽飽。
先上嘅係酸辣粉，雞泡魚乾，同埋墨魚丸。
酸辣粉大大碗好足料，酸味較重，唔會太辣。雞泡魚乾燒得啱啱好，送啤酒就一流。依家佢哋hogarrden同Stella 生啤仲做緊特價$58！真係好識做啊！
同行友人唔食帶子，所以我只係叫咗一隻蒜蓉扇貝自己試吓，蒜蓉味好重，帶子都好大隻！
另外再點左小店推介嘅小龍蝦，份量好多，我覺得三至四人分享就差唔多。
而且炒得香香脆脆，一隻一隻食唔停口。
最後來多個麻辣涼拌海蜇同燒粟米，我哋兩個都飽到頂住個肚離開啦。順便一提，當我喺度食緊堂食嘅時候，我見廚房都不停出緊外賣單，我相信呢度都係唔少紅磡街坊嘅食堂呢！
張貼
