大家閒時食飯又好，職場social又好，唔多唔少都會摸下酒杯底，不過杯中物係點樣生產釀造、或者點樣品鑑就未必個個都知喇。唔緊要，機會嚟喇，擁有過百年歷史嘅全球干邑品牌軒尼詩Hennessy，而家喺「澳門銀河™」綜合渡假城有個期間限定嘅「解碼軒尼詩」展覽，去行個圈參觀一轉，即時長知識之餘，仲可以即場參與限定嘅干邑品鑒體驗！

呢個展覽早前已分別喺亞太區多地，包括上海、杭州等巡迴展出過，而家終於嚟到澳門喇。展覽分咗5大展區，透過各種互動體驗，探索軒尼詩嘅歷史根源。當你愈了解一件事物嘅時候，你將會愈懂得享受同埋欣賞佢嘅價值。

展區一. 邑園漫步

由白玉霓葡萄釀成嘅軒尼詩，葡萄共有6個產區。雖然未能飛過去，但亦可以透過短片觀賞呢6大產區一年四季，從栽種到採集嘅風光。

展區二. 傳奇人物歷史牆

牆上掛上釀酒世家嘅相片同簡介，讓大家了解傳奇嘅背後靈魂人物。

展區三. 互動展示區

從萄萄園嘅面積大小，到發酵、蒸餾、釀造嘅每一個過程，都可以透過輕觸牆一一認識。

另外，「V.S.O.P放耐咗會唔會變X.O？」、「干邑係咪會流眼淚？」呢兩條問題可能大家都會問過，拎起聽筒就可以得到答案喇。

展區四. 生命之水

呢區放滿一瓶瓶生命之水，色澤各有深淺，係佢哋喺手工橡木桶內陳化嘅時間長短、再經過混合調配而成。

展區五. 大品酒室

頭腦吸收咗咁多理性上嘅知識，去到最後，當然要吸收下啲酒精啦！呢間房，係仿傚同復刻法國Richonn大街上，從來唔對外開放嘅軒尼詩品鑑委員會大品酒室而設計，令大家可以變身成為品鑑委員會其中一員，喺導賞員帶領下，親身品嚐軒尼詩干邑。

「解碼軒尼詩」展覽詳情
日期：即日 至 2019年10月6日
時間：10:00am 至 10:00pm （品酒體驗時段僅於周五至周日開放）
地點：「澳門銀河™」綜合渡假城水晶大堂

文：Kar
相：Calvin Kwok