期待以久終於黎到地獄廚神開的店, 踏進門口, 已感覺到高貴得黎又帶點chill. Bar枱就係大門不遠位置. 旁邊係一張長型的矮枱同沙發. 富有英倫風味.
今次三個人叫左兩個主菜加一個lunch set (3 courses Mop 328).

先黎一個welcome bread, 一個可以分到四份. 唔夠可以添加. 麵包軟熟但一定要落佢地特制的牛油, 因為係有蒜蓉味. 落左牛油個包即時味道提昇. 

伯克夏豬肉醬Berkshire Pork Pate 

呢個係lunch set的前菜. 上菜時, 店員有介紹兩款醬料. 烤過的奶油面包放底, 上面放上豬肉醬, 最後就點佢附上的兩個醬, 雖然其中一個醬係"梨蔥酸辣醬" 但一d都感覺唔到辣味. 另一個醬係块根芹蛋黃醬, 試過就咁食豬肉醬. 味道係唔差的, 但配埋奶油面包同兩個醬. 真係超好味. 個兩個醬料簡直係為豬肉醬錦上天花. 呢個前菜好推介.
威靈頓牛排 Beef Wellington $598

我地係早兩星期訂位. 然後問店家需唔需要訂威靈頓牛排, 佢地話係需要, 所以就留左一份. 
一上菜, 店員同樣有介紹呢個菜的每一層係用左咩的用料, 牛排係用左澳洲的M5和牛. 另外外層的脆皮, 中間重有一層黑松露蘑菇泥, 加一個紅酒汁.

牛的熟成度我地由店家發辨, 黎到時牛的顏色鮮嫩, 食落口唔駛咬好耐已經溶係口. 而黑松露的味道都好濃, 不過加埋個紅酒汁就令到味道更豐富.
倫敦漢堡 The London Burger $258

漢堡包的份量同樣係唔細, 裡面的牛柳目測至少有1.5cm厚. 可以選擇要幾成熟, 我地同樣由店家發辨. 黎到時配有薯條, 漢堡裡面有芝士, 洋蔥同埋蕃茄. 店家會好主動幫你切開個burger, 若果好似我地咁, 全部菜一切上, 可能佢地唔想令到個burger切開會涼左, 有另外比手套我地之後切開食. 十分貼心.
嫩烤雞胸肉 Roasted Chicken Breast

呢個係lunch set的主菜. 
配有烤蘑菇, 羽衣甘藍及百里香汁, 相對於兩個主菜. 呢個就失色左少少, 雞有少少嚡. 但絕對係可以接受的程度.
太妃糖布丁 Sticky Toffee Pudding 

最後lunch set的甜品, 係太妃糖布丁, 我地無睇個英文, 一食就taste到係拖肥糖. 配有Creme fraiche, 同雲呢拿雪糕. 一聽到toffee可能大家會覺得好甜, 但又唔係喎. 味道係剛剛好, 有拖肥味之餘又唔會好甜. 至於布丁的texture似係蛋糕咁. 好軟熟. 呢個都係好推介. 

餐茶我地叫左凍咖啡, 而另外再加一個伯爵茶. 估唔到係用壺上, 飲完重可以添加熱水. 及附上牛油餅乾一塊. 茶都係好香濃. 差點要問店家這是那牌子的伯爵茶.(笑)


最後要讚係店員的服務態度真係好好. 以咁的價錢有咁的美食, 環境及服務真係無滿份都超過九十分以上.  

Mesa(味賞)位於THE KARL LAGERFELD，是間葡國菜餐廳☺️ 除了酒店外，原來連餐廳的佈置也是由時尚大師 Karl Lagerfeld 親自設計，難怪裝潢也是非常前衛好看呢🖤 餐廳分開2個區域，其中一邊是有超美LED天幕，但我們訂座時忘記了註明想坐LED天幕區域🤦🏼‍♀️ 不過另一邊的裝潢也很美，黑白金的設計，華麗時尚🤍 而用餐完畢後，店員很友善，跟我們說可以到LED 天幕區域拍照打卡🤣 天花板LED天幕的星空太美了，有種很浪漫的感覺，很適合打卡！🌌 💛炸馬介休球 ($108, 1件另加$54) 本來只有2件，但店員問我們3人需不需要加錢多加一件🤣 炸馬介休球外酥內綿，鹹香惹味！🤩 🧡脆皮乳豬配炸薯條及香橙沙律 ($328) 乳豬皮脆肉嫩，配上香橙沙律中和了乳豬的油膩感👍🏻 而令我感到驚喜的是炸薯條炸得鬆軟酥脆！超級好吃，一口接一口～🙈 🤎意大利闊條麵配黑松露和靑蔥 ($248) 整體味道太鹹，不推薦🙅🏻‍♀️ 💚綠咖哩配烤時蔬 ($198) 有很多種類的時蔬，配搭香濃的綠咖哩挺特別🤣 🤍味賞招牌甜品拼盤 ($138) 可以從”特式柑橘吉士球”、”葡式酥皮蛋撻”、”葡式海鹽焦糖配布朗尼及海鹽焦糖冰淇淋”及”朱古力蛋糕”內選3款甜品☺️ 我們選了前3款甜品，味道都很不錯🤤 最喜歡”葡式酥皮蛋撻”，很特別！本來以為是普通葡撻，原來是千層酥呢，非常鬆化💛 ❤️聖誕老人 Santa’s Sangria ($138) 聖誕節日特飲🎅🏻 造型太可愛了，所以必需點🤣 食物味道雖然不錯，環境優美，店員服務態度也很好，但整體性價比不高～😅 Mesa (味賞) 地址: THE KARL LAGERFELD 三樓

由於係網上不斷見到好多人介紹呢間"茶樓", 而且呢度重有一個好風趣的侍應. 所以決定點都要黎一次.
由於開門時間係十一點半. 我地十一點三就到達. 拎左飛仔就等夠鐘. 
呢度拎飛都會問你貴姓, 入場時係叫埋你咩咩小姐幾多位有專人帶位. 真係受寵若驚(鄉下婆出城)
由於一早做好功課. 所以知道佢推車仔的點心會係同點心紙唔同, 所以我地都係等車仔過左先填點心紙. 
中場侍應係有黎問我地填好味. 我地有同佢講我地想睇下先, 因為兩個人驚一陣會叫多左.
最後只有個鮑魚糯米雞係推車仔個度叫. 推車仔的點心就比較普通. 好似鳳爪之類.個糯米雞除左面頭有隻鮑魚外, 裡面都係有其他配料的, 唔好以為只有糯米. 由於新鮮出爐. 好夠熱同埋軟熟.
佢張點心紙都有註明邊d係廚師推介. 所以都叫左幾個黎試.

包括鮑魚波菜燒賣. 呢款燒賣真心係出面好少見, 難得黎到梗係要叫 d出面唔多食到的點心.一睇個樣就已經超級引. 隻隻燒賣都有粒鮑魚係上面, 呢度的食品真係要讚. 就係調味適中. 完全唔會死咸. 好岩我同朋友胃口.
食得多蝦餃, 有蟹餃當然要試, 雖然小女子對蟹膏有敏感, 幸好佢係無蟹膏, 所以食得好安全.
瑤柱紅米帶子腸. 除左個面鋪滿左瑤柱外, 重要裡面包滿帶子, 真係啖啖都食到帶子. 呢個唯一係瑤柱有d會比較硬. 重以為自己食到骨.
講到甜品, 呢個甜品係特別叫廚房整, 原來點心紙只有燕窩楊枝甘露, 但本餐牌上就有楊枝甘露, 不過到我地叫時, 先知個餐牌係for dinner. lunch只有楊枝甘露. 由於朋友係癌病康復者. 佢唔多想要燕窩. 透過侍應問左幾次廚房都話唔整, 但最後侍應們真係好好人. 不斷幫我地問, 最後終於都整左呢個點心紙上無的楊枝甘露, 不過無睇價錢係咪一樣價. 
呢個花生湯圓紅豆沙. 黎到夠晒熱辣. 
中間因為我同朋友都想試下對方個甜品, 侍應重特登走黎問要唔要比多個匙羮我地. 我地話唔駛啦. 因為食點心個匙羮都係乾淨. 
然後風趣的侍應今日無推車仔出黎令我地有點失望. 但呢刻佢又發揮佢的小宇宙話"食過楊枝甘露包你靚過瑪莉蓮夢露", 引得我同朋友都好開心. 
總括而言呢度的服務真係好好. 不斷有人幫你refill 茶壺的水. 有要求時佢地都會幫你解決. 食品不但好味. 咸甜適中. 重點係食完後我由一點後就無飲水直到晚餐七點先再有水飲. 中間我係無口渴, 果然一分錢一分貨, 貴得黎都值.

今日有機會去澳門美獅美高梅酒店試下酒店入面既米芝蓮一星餐廳 - 蜀道。餐廳位於酒店大堂地下，門口設計特別，非常之有傳統氣息。餐廳6點先開門，但門口特登設有一個茶廊，客人早到嘅話可以係茶廊品嘗功夫茶同各種特色茶製酒釀。不過我因為太肚餓嘅緣故，亦都冇去茶廊品茶，下次一定要試吓



入門口經過茶廊之後就係餐廳內部，裝修非常之有特色同優雅，好似去咗仙境一樣。店員安排咗一個角落俾我哋兩位，之後就簡單介紹餐廳嘅特色、主廚嘅背景& 主打菜式。


其實單憑裝修，就知道餐廳定位係高級川菜。店員表示主廚有超過三十年經驗，主打民國時期係成都公館大宅内，名流權貴既川式府邸宴會佳餚體驗，因此講求名貴食材、精細技藝同烹調技巧。



呢度嘅菜式非常之特別，而且種類繁多，同普通食開嘅四川菜好唔同。經過店員細心嘅介紹，我哋點咗餐廳內比較有特色，而又鍾意嘅菜式。店員亦都極力推介佢哋餐廳嘅茶，同出邊嘅唔同，亦都用上古代專門飲茶嘅杯，四種顏色分開春夏秋冬。最後我叫左黑枸杞菊花茶，味道清香，亦可以去油膩。




餐前小食：帶子 - 不過不失，帶子尚算鮮甜



配菜：自家製香麻花生 - 入口唔會好辣，有少少麻辣味，唔算太鹹，香口嘅花生令人一而再想食

之後終於到今日點嘅主菜：


老傳統夫妻肺片：餐廳用左優質既牛腱肉、金錢肚、牛舌，切至非常薄，再配以自家製嘅辣椒醬同花椒油，再灑上花生。整個菜式口感豐富，辣香味濃郁，帶有微妙嘅麻辣風味



四川醉蟹：店員介紹係四川地區特色菜之一，食材就用咗水蟹。同一般餐廳唔同嘅係，呢度係用熟醉嘅方式烹調，先將蟹蒸熟，再用四川五糧液、特有嘅辣椒、花椒等調味料泡浸全隻蟹，所以蟹嘅每一啖肉，都吸收咗各種嘅調味料，肉質嫩滑鮮味，十分推介



四川煳辣炒龍躉 - 餐廳必食菜之一 亦係米芝蓮套餐入邊嘅其中一道菜，店員極力推介。通常四川菜入邊就係用水煮嘅方式，好少聽到有煳炒。呢道菜同辣子雞嘅做法有啲相似，餐廳先將龍躉球炸起，再同四川大紅袍乾辣椒同花椒一齊炒。入口外酥內嫩，亦都越食越辣。因此餐廳亦準備咗特製飲品古道清風 - 用百香果、青檸、菠蘿，特製而成嘅解辣飲品。
值得一提嘅係，因為餐廳位於大灣區，因此食材亦因此有調整，呢度菜式用嘅係花尾龍躉，肉質亦特別鮮嫩



鍋貼豆腐 - 總廚推介菜式
呢道菜絕對係一個工序繁多既手工官府菜，用雞胸肉同豆腐一起做，做完以後將佢還原成豆腐，再放入鍋入面煎。入口焦香酥脆，賣相亦都一流，好似麻雀🀄️入邊嘅一索一樣




麻婆豆腐 - 同一般麻婆豆腐做法有少許不一樣，就係豆腐有鹵過。因此每一粒豆腐都好入味得黎又唔太鹹，送白飯一流




甜品紅糖糍粑 - 成都特色小食，表面炸至金黃色加上紅糖，入口鬆脆但內裏煙韌。配合紅糖一齊食，清潤解辣。


總括嚟講，今日嘅體驗非常唔錯，餐廳嘅服務也非常出色，店員會詳細解釋每道菜既特色同食用方法👍🏼 仲推介我哋下一次試吓佢嘅水煮菜式，睇嚟要諗吓幾時book下一次

跳上的士講去「公雞」應該冇乜當地司機唔識
不過原來係有兩間
朋友去錯了另外一間係始祖老店
但係本人就覺得就呢間裝修新淨 靚啲
Staff 好幾個都係講英文
最好亦係打咗電話嚟預約先～
晚飯用餐時間至10:30pm
無論比港幣定人民幣都唔會補水的
即係 $1000港紙會有 $1030葡幣
所以找錢嘅時候全部一律都係當一樣找錢
所以買得多手信
食得多貴嘢嘅朋友，最好就係用港紙對定啲葡幣先有着數 唱 $3000都多 $90洗

呢個位置係喺條馬路嘅一條斜路
交通應該唔太方便
的來的去～
目測有外籍人士都識嚟

1）燒乳豬好味 好似有六七件左右 $210
又係同朋友share食就啱晒
有薯條和少量蔬菜伴碟


2 葡式炒蜆 $145
呢個又係好美味
一路食下邊一路有個火 keep住熱
令到個湯一路熱住咁飲 啲湯一定會飲到冇晒為止
好鮮味 而且啲蜆仔幾大隻


3）半隻燒雞 $148 都係皮脆雞滑
有薯條和少量蔬菜蕃茄伴碟


4）肉醬意粉 頗為大碟 $95
牛肉要加$5，豬肉就唔使
叫咗牛肉但正正常常冇乜特別


5）焗八爪魚 $170
用個好熱嘅煲出嚟的
朋友話好食
因為膽固醇嘅關係
我只係食咗一條感覺 OK啦～仲有好多薯仔同埋黑橄欖喺入邊


6）見有澳門啤酒未飲過 $33
試完味道比青島濃烈一點


7）吉列馬介休 $160
唔知點解食落有啲似炸魚
又係有幾嚿薯仔伴碟 少少蔬菜同蕃茄



其實我哋香港人真係食到個嘴刁左
平時嚟澳門如果冇人介紹 walk in 的話
我都係覺得啲嘢普普通通
但係呢間味道算係幾好
因為都係澳門嘅朋友介紹
所以寫番食評方便我下次自己再嚟


見到甜品疏乎厘唔錯，諗住嗌
點知 Staff 話要等一個鐘
下次醒 一坐低嗌完主食
順便即刻嗌埋咁就差唔多
今次就錯過咗了
因為8:30食完都已經成10點趕唔切焗了
唯有下次啦

T先生製造另一驚喜比我，澳門again☺️☺️ 入住巴黎人，預訂了<巴黎軒>食中菜，目的係替我慶祝生日😊 餐廳座落於鐵塔內6樓，入口在商場5樓，門外有reception 做簡單登記；餐廳營業時間為晚上6時，等了片刻，再搭升降機上多一層就到餐廳，有另一組receptionist 做greetings，令客人感受到餐廳既歡迎😄 行過一條必為打卡用既走廊，就入到餐廳了。我地差不多是第一枱客人，餐廳亦預留了靠𥦬座位，可以欣賞外面風景。另外，鐵塔的主幹在餐廳內，餐廳環境/設計幾modern和高級， 並不像中菜廳，反而更像浪漫的西式餐廳(法式!?😁) 幾有情調；而且座位寬敞，坐得很舒適。 📍Gerard Bertrand ‘An 806’ Corbieres AOC, France, Grenache, Shiraz, Mourvèdre $98/glass 有氣氛亦有情調，當然要order 紅酒🍷，浪漫一番啦。我地對紅酒認識不多，由職員介紹下就揀左806 紅酒。紅酒比較fruity，易入口而口感亦比較順滑，去到中間飲到少少乾澀感，最後酒既after-taste 亦帶有堅果和木味質地，整體既平衡度不錯。難怪T先生冇耐就飲完啦😊 📍小食：百香果配奇亞籽配自家製海苔腰果 餐廳送的餐前小食。百香果帶酸甜，配上無味既奇亞籽，用湯匙盛著，可以一口放入口中😉 這種酸酸甜甜口感，味道好清新，而且一洗味蕾，為其他主食做準備，唔錯唔錯😁 📍煙薰BB鴿 $148 上枱時，已經用上器皿蓋好繼續煙薰中，相信這也是比食客打卡用。打開蓋後，散發著相對味重的木味煙薰，但我鍾意呀😆 餐廳用上12-15日大的BB鴿，原隻上枱，職員亦即場用剪刀分為四份。賣相不俗，皮薄脆口而且肉嫩，亦食到少少陣陣的木薰味；而香茅就用作伴碟用，經過薰焗後，亦有陣陣茅香味。個人而言，我認為有色香和味呀😋 📍脆米濃蝦湯波士頓龍蝦泡飯 $558 主食可供2-6人。我和T先生得2個😅😂 賣相、擺盤幾好，餐廳將蝦鉗放在中間，能夠吸引食客眼球，而且用砂鍋盛著可以保持食物溫度。另外跟上一壺熱湯，用上極多基圍蝦熬製既蝦湯，很重很濃味既蝦湯，而且好熱燙。再配上炸過既香米，炸得脆口但唔會過乾，質感剛剛好。將一碗熱到滾燙既蝦湯，配上已炸過既米粒，口感很特別，而龍蝦亦煮得剛剛好，就算用砂鍋盛著，唔會因為時間耐左而令肉質變老，呢個真心讚我和T先生食到停唔到口，蝦湯真係一流，這款中西合璧既湯，我好鍾意❤️ 📍惹味三杯汁鱈魚粒 $318 食得津津有味期間，另一主菜亦上枱。賣相亦跟餐牌上既相差不多😆😆 味道不錯，鱈魚真心有魚味，而且煮得剛剛熟，好滑口而且有入口即溶既口感，配上三杯汁，唔會過咸同時亦有三杯酒既風味，獻汁調校幾好，有掛汁⋯連埋其他配菜一齊食，極具風味，難怪T先生很喜歡呢道菜，邊食邊讚啦 📍生日拼盤 這是餐廳免費送贈的。其中一位職員拿著拼盤，另外二位跟著，來到餐枱前唱著生日歌(法文定葡文!? 🤔😊) 很有驚喜，而且儀式感十足 壽包：味道正常，不太甜。 南乳豆沙一口酥：很特別既組合，食到南乳咸香味，之後就係豆沙甜味，味道唔錯。 薩琪瑪：味道正常 西柚棉花糖：陣陣西柚味既棉花糖，味道十足，夠清新而且不太甜。 T先生安排得很有心思🥰🥰 而且餐廳服務一流，介紹菜式，不時跟食客互動，照顧客人需要；餐廳佈置裝潢很有浪漫氣氛，環境亦很舒服不太嘈，可以讓食客靜靜地享受每一度菜式。 這裡都幾適合慶祝生日或周年紀念日。CP值高既餐廳，有機會一定會encore, 真心推薦 事後食評 味道：5.0/5.0 價錢：5.0/5.0 環境：5.0/5.0 服務：5.0/5.0 🌟 衛生：5.0/5.0

昨晚在澳門上葡京吃過今年豐富又特別的生日飯，今天連續第二天慶祝生日，我選擇了倫敦人內的「邱吉爾餐廳」吃一個花季下午茶。

上次來訪澳門的時候在倫敦人周圍拍了不少漂亮的照片，倫敦人的外貌相當令人感到驚艷，華麗的國會大廈外牆、比例一比一的大笨鐘、1966年原版倫敦巴士、唐寧街十號首相府；倫敦人內水晶金殿、正中央噴泉、與碧咸全息影像一起乘坐的倫敦探索的士…等等😍。 還有「皇家衛兵換崗」表演和舞蹈表演，在倫敦人內就可以消磨大半天時間，彷彿自己是到了倫敦一樣 (雖然我沒有到過倫敦) ，我非常喜愛這間酒店😍，只是因為房價實在太貴，未能在此留宿一宵，今天選擇了在「邱吉爾餐廳」享用下午茶，也作為慶祝生日的其中一個活動，哈哈哈🤣！ 

提早在網上預訂了座位並註明是慶祝生日的🎂，到達餐廳前當然又在酒店範圍附近再打卡一番，還在水晶金殿看到酒店安排的御林軍巡遊和舞蹈💃🕺表演，氣氛相當熱鬧。「邱吉爾餐廳」就在水晶金殿⛲️旁邊，據酒店官網提供餐廳名字是受愛吃😋而聞名的溫斯頓‧邱吉爾爵士啟發🤔；餐廳面積非常大，有部份座位是面向水晶金殿的室外座位，如果選擇在室外座位用餐就能夠近距離看見各樣表演，不過私隱度就沒有在餐廳內用餐的高。 我們準時到達餐廳，餐廳侍應安排我們坐在接待處後面的一張卡座，但我們不想坐得太靠近門口，所以要求轉往餐廳深處的卡座，餐廳侍應也即時幫我們安排，服務周到👍。

看見餐廳內的用餐座位也不少，接待處後面應該是主要用餐大廳，大廳中央還有四張深藍黑色圓形梳化配圓形餐桌，靠邊座位是橙色梳化卡座，我選擇的是餐廳最內的鮮橙色的梳化卡坐， 除了比較清靜，感覺私隱度較高之外，橙色沙發顏色鮮艷，更加配合這個花季下午茶；用餐大廳左右兩邊均有兩個很大的位置放滿食物和各樣英式裝飾；餐廳其他的部份也有單邊梳化的用餐區域，餐廳主要裝修以深藍色為主，高貴大方；而用餐大堂前後的兩排鮮橙色沙發卡坐對比餐廳的深色設計更顯得活潑；餐廳最盡處即我們座位的旁邊是一個開放式的大廚房；整個餐廳室內設計靈感來自維多利亞時期建築，也是我最喜愛的風格😍；我們訂座的時候已預先點了這個花季下午茶，這個下午茶是以花朵🌼為靈感的精選小食來慶祝春天的到來。我們坐下不久餐廳侍應就拿了一個英式茗茶木盒來到我們的餐桌前，木盒內有十幾款不同種類的茶類，餐廳侍應還細心解釋各款茶葉的味道給我們選擇， 最後我們選擇了荔枝玫瑰紅茶和檸檬姜博士茶。 品嚐過之後感覺荔枝玫瑰紅茶比較適合配下午茶的點心。侍應小姐先為我們送上熱茶，然後再送上這個用鮮花（黃色大朵惠蘭、 鮮黃色跳舞蘭和大粒滿天星）圍繞着的摩天輪造型🎡的花季下午茶， 這個花花摩天輪非常養眼漂亮😍。花季下午茶三層架最上層: 兩款鹹點各兩件；花季下午茶三層架中間層: 鹹點/甜點共四款各兩件； 花季下午茶三層架最下層: 鹹點/甜點共三款各兩件。鹹點包括有 : 兩款精選自製迷你三文治，及三款鹹點
~ 烤牛肉三文治配醃製酸菜及俄式沙拉醬
烤牛肉三文治用迷你漢堡🍔的形式展現，用一支迷你英國旗🇬🇧的牙籤固定，造型精緻，睇都覺得好食😋；~ 醃製黃瓜🥒、雞蛋🥚及巴馬臣奶酪玉米🌽卷~ 甜菜醃三文魚配奶油芝士、醃製珍珠洋蔥、黑麥麵包
 自己很喜歡吃黑麥麵包，因為喜歡麥的味道， 這件鹹點三文治，三文魚配奶油芝士味濃，配合醃製的洋蔥口味清新；還未吃完第一層，兩位侍應小姐推着一架漂亮的寶藍色手搖風琴來到我們的餐枱前；這個古典手搖風琴箱外面還亮着天藍色的Happy Birthday字樣；兩位漂亮的侍應小姐，一面向我獻唱生日歌曲，一面攪動風琴箱旁的轉盤，伴隨着音樂🎼看見一件鮮紅色的糕餅徐徐上升，糕餅上還有燃亮了的生日蠟燭和一片白朱古力牌，上面寫上我的名字和Happy birthday字樣；侍應小姐馬上把這件生日餅端到我的面前，再一次祝我生日快樂，然後再為我們拍照留念📸。餐廳真的很有心思，這架手搖風琴生日車非常特別和醒目，還有兩位漂亮的年青靚女侍應為我獻唱生日歌，令我感到非常開心，沒有想過這麼快就送來生日的祝福，因為一般餐廳都是在吃完整個餐之後最後才送上心意的。  細看這件生日餅以鮮紅色為主，造型似一個皇冠👑， 而且味道也非常美味，亦不太甜，這個免費的生日糕餅也製作得非常認真👍；拍照完畢繼續享用我們的下午茶😄。 再繼續吃下面兩層，先吃鹹點。 ~ 鵝肝撻配接骨木花果凍、琥珀開心果、洋甘菊蜜餞香橙及法式酸奶油
這件鹹點伴隨着鮮花，造型很有少女風， 鵝肝非常幼滑，蜜餞香橙及法式酸奶油中和了鵝肝的膩，琥珀開心果亦是適當的點綴。~ 火腿奶酪配豌豆🫛慕斯派
有很多朋友不愛吃豌豆，可能豌豆是雪藏三色蔬菜🌽🥕🫛其中一個主角， 雖然我自己不抗拒吃三色豆，但也不太喜愛；但是這一個豌豆慕斯派的主角-豌豆🫛，有新鮮的色澤，口感清甜軟糯，豌豆造成的慕斯帶有濃郁的芳香， 配合小小鹹味的火腿，原料簡單，製作 認真，而且營養豐富，猜不到樣子普通卻令我對豌豆有改觀。 這時現場餐車服務出場: 
~ 招牌精選司康烤餅(Scones)配自製果醬及康奧爾奶油(Clotted Cream)
鬆餅放在一部很大餐車内，由侍應小姐推著餐車來到客人餐桌前讓客人自己挑選，侍應小姐替我們選了兩款特色的鬆餅配， 開心果和另一款(忘記了名字)，配上熱情果果醬和康奧爾奶油。 
鬆餅是英式下午茶不可或缺的食物，不過我覺得這裏的英式鬆餅就較為普通， 雖然款式很多，我寧可選擇原味和有提子粒的傳統鬆餅，是不是我個人太傳統呢😅？哈哈🤣！精選糕點共有四款:
~覆盆子奶酪撻，芝士杏仁撻配覆盆子果凍及香草奶油；~ 焦糖泡芙，榛子泡芙配香草奶油及焦糖海鹽；~ 莫吉托，椰子海綿麵包配波羅蜜錢醬、椰子慕斯、椰子糖衣；~ 百香果珍珠巧克力，巧克力海綿蛋糕、百香果啫喱、70%黑巧克力奶油、可可絲酥餅。我們正開心地享用下午茶各式精點的時候，餐廳還帶給我們一個特別的甜品體驗，餐廳女侍應邀請我們在餐桌旁觀賞並可拍攝整個甜品準備過程。 餐廳侍應在一盆綠葉植物🪴旁施法，然後隨著音樂一朵朵鮮紅色的玫瑰花🌹🌹🌹🌹🌹🌹慢慢綻放， 還有一隻漂亮的蝴蝶🦋圍繞着玫瑰花盤旋， 當音樂停下，侍應小姐摘下兩朵玫瑰花🌹🌹送給我們，原來鮮艷的玫瑰花上有一件精緻的水晶玻璃球狀甜品給我們享用， 整個過程賞心悅目， 我們一口吃下，這件甜品裏面充滿清甜的汁液，口味清新，一點也不覺膩。 玫瑰花🌹🌹又新鮮又大朵，若不是在澳門，一定把它帶回家。 整個下午茶的質素不用說，但我個人是比較喜歡吃鹹點的，而這個下午茶我最喜歡鵝肝/撻豌豆慕斯派和玫瑰花特別甜品體驗；到高級餐廳享受下午茶，除了食物質素有保證之外，五星級享受價錢也只是香港的一半，更重要的是餐廳服務會令你有賓至如歸的感覺👍。

雖然只是短短一個半小時的下午茶時光， 我們邊吃邊說笑又打卡有表演看就到門外觀看， 有生日祝福又有特別甜品的體驗，令我擁有一個有非常甜蜜的回憶🥰。香港人其實真的很幸福，偶爾前往澳門兩天一夜吃喝玩樂，豐儉隨意，更可以有節制的碰碰運氣， 說不定可以補貼旅程費用呢😂。

邱吉爾餐廳相連部份還有一個咖啡吧☕️，咖啡吧提供精品咖啡☕️及輕食🌭🍟，晚上則化身為英式酒吧🍷🥂，供應邱吉爾最喜愛的飲品🍺和雞尾酒🍹。 如你沒有在邱吉爾餐廳預先訂枱， 也可到咖啡吧內享用輕食👍。 旁邊的「邱吉爾精品店」售賣各色烘焙甜點，麵包、手工朱古力、餅乾、蛋糕，還有糖果、茶葉、果醬和蜂蜜等，讓客人帶回家享用。下午茶MOP358/ 兩位，分兩個時段，下午三時或四時半，我選擇了四時半，因為吃完下午茶動身前往碼頭乘船回港，時間剛剛好。

十日內第二次過大海去濠江👏，今次來澳門理由是為了看煙花🎆，所以留宿一晚不用像十天前一樣漏夜趕搭最後一班車回家😅，今天更可以帶著輕鬆的心情在擁有百年歷史的黃色葡式建築內享受一頓美味的葡式晚餐😋🥰。

本想去上次沒去到的餐廳「Portugália Taipa-葡多利正宗葡國菜」，通過電郵訂枱後收到自動回覆才知該餐廳原址已停止營業，不過數週後會在另一地點重開，既然如此就等緣份到來再去品嚐吧。

因此搜尋了兩家葡國餐廳，一間是「澳門陸軍俱樂部」，而另一間是「Albergue1601」(簡稱「婆仔屋」)；本來傾向於前者因從未去過，但最終選擇了後者，因為需要配合看煙花時間， 前者晚上七時才開始營業，而「婆仔屋」晚餐時段6:00pm - 7:30pm時間較為合適。 

我們幾年前已到過一次「婆仔屋」，今次第二次到訪；我們酒店在司打口附近，其實走路前往餐廳，也只需大約20分鐘左右，但今天用google map尋找酒店也用了一段時間，最後要問了幾位警察哥哥才找到酒店，所以怕人生路不熟而迷路，最後選擇乘搭了的士前往，但的士司機竟在山上放下我們，指示我們向下走，我們帶着忐忑的心情向下通過數段長梯級才到達最底部，走完長樓梯就看見以黃色為主調建築群的荷蘭園，幸好曾經來過一次，還有一些印象，到達餐廳尚算準時。

「婆仔屋」坐落於藝竹苑內，園內的奇特大樹🌳  絕對是打卡的最佳位置👍。因為同日前往澳門的二位朋友突然想與我們一起晚餐，但最後因為餐廳訂位實在爆滿，未能安排 適合的座位，所以如果不想失望，最好是要預先訂座免失預算，畢竟現在前往澳門旅遊的香港人也越來越多，最後我們那兩位朋友只好另作安排了。

「婆仔屋」是一家擁有百年歷史的黃色葡式建築， 餐廳外面也擺放了一些桌椅以及一個很大的雀籠作打卡之用；進入餐廳首先是一個方形客廳，左右兩邊均放上舊式梳化🛋️；客廳盡處的櫃內則放置了很多懷舊的物品，例如收音機📻，鐵罐…等等；靠左邊的牆上畫掛上了八個懷舊的掛鐘🕰️ 和一幅抽象畫；天花吊燈採用懷舊式蠟燭台造型的吊燈；往前走右手邊盡處才是餐廳接待處，接待處房間也是佈置得相當懷舊，除了枱面有幾個很舊式的黑色撥號電話以外，頭頂上方也放置了很多代表葡國的各款公雞🐓公仔；接待處房間內也擺放了數張餐桌，但相信只作為擺設之用，天花吊燈亦採用了不同款式懷舊式蠟燭台造型吊燈，白色木框玻璃窗襯托出這一個房間非常有情調，不能在此用餐只做擺設，真的可惜。主要用餐區在2樓，我們走過吱吱作響的木樓梯到達2樓；左右兩邊均有房間，左手邊有兩間用餐房間；右手邊也有一間房間，而右手邊一間算是三個房間中最大的一間，也是最明亮的一間，但直至我用餐完畢離開，這個房間也沒有客人用餐，未知是否被客人包房或有其他實際用途？左手邊第一間房間佈置以紅色作主色； 兩邊牆壁上襯托了幾幅黑底白色綫條的壁畫，天花吊燈同樣採用懷舊式蠟燭台造型；餐枱擺放分兩行各三張二人枱，我們二人就被安排坐在其中一張二人枱，枱上面擺放了餐巾和刀叉擺設，餐巾的圖案更是以門外奇特大樹造型作為標誌；再進入第二間房間參觀，這間則是以淺色為主調，主要招待兩位以上的客人，我第一次來的時候是三人，就被安排坐在第二間房內用餐，但我今天沒有拍照；

看過餐牌考慮點這裏的招牌菜海鮮燴飯$248/2人。因為第一次來的時候已經吃過，而且如果兩人吃會較為飽，我們想吃多一點其他食物，所以並沒有點這一道菜。如果你從未來過， 強烈推薦必定要試。

環顧四周一半客人已入座，而且已經在用餐，再看看客人吃的菜式賣相和看了一會兒餐牌就決定了吃以下的菜式:
~ 餐包(免費)
餐包配附上的橄欖醬非常好味，因為我自己很喜歡吃橄欖，我們二人每人兩件很快吃完這一籃麵包。~ 八爪魚沙律🐙 ($128)
用新鮮洋蔥🧅蕃茄🍅青椒🫑和橄欖🫒作為配菜，八爪魚🐙切角，再伴上微酸而且非常開胃的沙律汁，再灑上芫荽碎，用一隻非常地道的盤子裝上上枱；簡單，清新，開胃好吃。~ 白酒煮蜆 ($148)
看到鄰座的客人枱上放置了這道菜， 而且自己也很喜歡吃貝類的食物，所以我們也點了這道菜； 上枱時是用了一個有蓋圓形鋁質香檳金色非常漂亮的煲，上枱後侍應把蓋打開，煲和煲蓋是連在一起的，吃完蜆肉的蜆殼可以放在煲蓋內，設計非常細心。我要求侍應再多給我一些餐包，我用餐包蘸上牛油白酒蜆汁同吃，麵包吸收了蜆汁的鮮味和牛油的香味，又飽肚又好吃， 我一個人再吃了三件😋。煲內蜆的份量頗多，還有附有切角檸檬🍋作為調味，大部分蜆肉都很大粒，充滿在蜆殼內，而且味道相當鮮美，唯一缺點就是吃時仍感覺部份蜆內仍有少許砂粒。~ 燒鱸魚(原條)🐟($238)
本來想點燒乳豬，但當天餐廳並沒有供應，所以選擇了燒魚； 因為需要烹調時間，所以燒魚是最後才上枱。這條燒魚並不太大條，但是相當新鮮和燒得恰到好處，有人燒烤味，汁料是洋蔥/蔥油，不過其實燒魚已經有醃料的鹹味，不需要配任何蘸料也很好吃；伴菜當中二個燒薯特別出色，入口綿滑。一碟燒魚很快吃完。~ 木糠布丁🍮 ($68)
當然要留肚吃甜品，選擇了澳門最有名的木糠布丁，布丁盛載在一個玻璃甜品杯內，上面還有餐廳名字；木糠布丁入口非常順滑，鬆軟可囗，餅碎非常幼細，完全不覺膩。吃完還打算打包一件給朋友享用，可惜因為餐廳怕影響質量，未能提供甜品外帶服務，所以只好叫朋友下次親身來品嚐。~ 白餐酒($68)及可樂($35)
看見餐廳的客人幾乎全都是香港人，有情侶，有夫妻，也有母子，他們都有點選餐酒🍷🍹伴餐，香港人真正識享受👍。可口可樂收$35/罐似乎價錢太高了。我們離座時，還看見鄰座再點了一道燒八爪魚，看見那位吃客人吃得挺滋味，還讚口不絕。

「婆仔屋」 充滿着浪漫情調， 而且盛載食物上枱的餐具非常古典漂亮，不論是情侶，夫妻，或朋友都很適合在此用餐； 但是缺點也是有的，例如: 因為地方不是太闊落，行與行座位比較擠迫，說話 一定要非常小聲，否則會影響鄰座客人或讓鄰座客人都知道你們的對話內容；客人背對背中間讓侍應走路的空間很有限，如果背對背客人都是大隻仔那麼就要盡量遷就 一下。 畢竟這是一間超過百年歷史的建築，要享受也要包容。

我們離開後，在荷蘭園附近散步欣賞夜景，再打卡一番，然後才打的到澳門塔會合我們的朋友欣賞煙花🎆， 渡過了一個開心的晚上。***「Albergue1601 婆仔屋」名稱由來: 
餐廳位於荷蘭園藝竹苑內，但是為什麼叫婆仔屋呢？ Albergue 中文解釋是庇護所或收容所。從澳門旅遊局網頁資料所得知，婆仔屋位於藝竹苑 (即「望德堂瘋堂斜巷8號」)，藝竹苑原稱仁慈堂婆仔屋，是兩幢已有百年歷史的黃色葡式建築，前面有一小庭院，矗立著兩棵老樟樹，(餐巾的圖案就是以兩棵老樟樹造型作為標誌)，環境清幽雅致。在 16 世紀，該地區設有麻風病院，就位於小庭院的城牆外。仁慈堂婆仔屋在二次大戰日本侵華期間收留窮人和難民，曾是「貧窮者之家」。亦有說這裡曾是老人院，且住院者大多都是婆婆，婆仔屋因而得名。

藝竹苑內設有展覽空間，不定期舉辦藝術及原創產品設計展覽，並舉辦講座和文化藝術課程等，推動澳門本土文化、藝術及創意產業發展。 

望德堂區近年發展為澳門文化創意產業的基地，今天是元宵節，所以區內擺設了一些售賣手作和猜燈謎的攤檔，充滿著文化氣息。 ***

來到澳門除了飲飲食食或到賭場博彩以外，更可到澳門其他具有文化氣息的地區感受一下澳門不同的文化， 還要 試食多款不同口味的豬肉乾牛肉乾和記得買手信，因為香港買澳門手信非常貴哦😜。

下次來澳門就要試試一家有新古典平房式建築，屬南歐建築風格的「澳門陸軍俱樂部」。 期待很快會再來。😍😍

位於澳門路氹金光大道的金沙城中心早前大翻新，改裝成為充滿英倫風🇬🇧的「澳門倫敦人」，而為配合主題也進駐了好幾家英式🇬🇧及美式🇺🇸的餐廳。當中最令人注目及期待的 Gordon Ramsay還在籌備中，而另一家標誌性的「丘吉爾餐廳」Churchill’s Table 則年初已經開業，下午茶時段更是一位難求，這天就避開䌓忙時段來吃個午飯😋 環境： 餐廳佈局是傳統英式風格，坐在餐廳令人有種仿如置身英倫的感覺。餐廳面積頗大，開放式廚房分佈於餐廳不同位置，客人可以坐在舒適的卡座看著厨師們準備各款美食。 服務： 位於五星級酒店🏨內的 signature 餐廳服務水準不用懷疑，除了有操流利普通話的服務員外，為配合主題也有不少外藉服務員，客人可以全程用英語跟他們溝通，感覺就好像在英倫用餐一樣。 這天特意過來試一下「午餐套餐」，兩百大洋已包含四道菜，十分划算 🍷先來喝的，來英式餐廳當然要試各式英國🇬🇧啤酒，點了杯 BrewDog Punk IPA🍻。啤酒花的味道頗突出，有個性，不錯。 「餐前麵包」🥯放在一個鐵罐內上桌，很有心思。麵包是英式的葡萄乾穀物包，附上的黃油🧈則有原味和微辣兩款，好吃😋 本來以為午餐的四道菜是一道一道的上，原來餐廳是用特製的盤子把四道菜放在一起上桌。雖然每道菜的份量不大，但作為午餐也已足夠。 「烟燻三文魚配綠蘆筍和毛豆」🐟🥗Smoked salmon （應該是蘇格蘭🏴󠁧󠁢󠁳󠁣󠁴󠁿烟三文吧😄）配上煮熟的蘆筍和毛豆，加上帶焦糖味的烤杏仁，挺清新，味道中規中矩。 「奶油蘑菇湯配松露泡沫」🍄放在杯子上桌，蘑菇湯上面是用松露和忌廉打成的泡沫，看上去簡直就是一杯cappuccino ☕️，喝進口卻又是不折不扣非常濃郁的蘑菇湯，很有份子料理的玩味。😆 「豬肉及鼠尾草蘇格蘭蛋」🐷🥚Scotch egg是一個傳統英國菜，把新鮮豬肉腸的腸衣剝開，然後用裡面的免治豬肉包裹著烚雞蛋，再蘸上麵包糠後炸至金黃便成。看似簡單，但做出來的成品可以是天與地的差距。就像在超市買到的冷凍半製成品pizza🍕和在正宗意大利餐廳的烤窑裡新鮮出爐的🍕分別一樣。當中最重要的元素就取決於🥚，好的scotch egg 裡面的一定是流心蛋黃runny yolk，而要做到有流心效果的scotch egg 工序要比實心蛋黃的複雜好幾倍。這天吃到的scotch egg流心效果恰到好處，而外層用的豬肉也不是用現成的豬肉腸而是餐廳加入新鮮鼠尾草的自家製免治豬肉，味道當然要好得多，正👍🏻 「烤牛肉配约克郡布丁」🥩燒牛肉roast beef雖然在很多西餐廳和扒房也能吃到，但在英式餐廳和酒吧供應的會略有不同。首先是燒牛肉的厚度，英式的燒牛肉一般會切得比較薄，用的部位也會不同，如English roast 用的就是牛肩肉chuck 而不是常見的prime rib。另外一個重點是英式燒牛肉一定會附上約克郡布丁Yorkshire pudding，是一種由麵粉、牛奶和雞蛋烤焗而成的配菜。雖名為布丁，其實質感更接近麵包。這天吃著燒牛肉和約克郡布丁，頓時想起當年在英國留學的時候中午跑去酒吧吃平價燒牛肉套餐的情景😌 本已飲飽食醉，但看到鄰桌把雪糕車🍦叫過來還是忍不住點了一份。車裡有數款 ice-cream & sorbet，口味每天會略有不同。這天就挑了荔枝雪葩和葡萄冧酒雪糕，配上香脆的甜筒，滿足😋

三年幾沒有去過澳門，中秋節前夕碰巧澳門有國際煙花匯演比賽，決定請一天假，一家三口去澳門過中秋。上一次在澳門 Galaxy Resort 的 《米芝蓮》星星餐廳「8 1/2 Otto e Mezzo」食晏，今日就稍為平民一點，揀了另一間同樣在 Galaxy Resort 的「Ritz Carlton cafe」。其實，如果講價錢，雖然較「8 1/2 Otto e Mezzo」便宜，但始終都是酒店餐廳，而且以 cafe 的定位來説，並不算便宜了。作為名牌高檔次酒店的附屬 cafe，裝修當然不會馬夫。以純白色作為主要顏色，採用白色襯灰色紋理的雲石枱面餐枱，再加上黑白色的仿古細細塊地磗、及白色燈光照明；整體感覺光潔明亮、高級優雅，雖然不是什麼宮庭式設計，但仍然成功營造了一種雍容華貴的氣派，不愧為 Ritz Carlton。酒店 cafe 當然不能缺少甜品櫃，件件精美，定價同樣不便宜（$78～$88），不過，如果能夠等到晚上八點後才來品嚐甜品的話，就全部半價⋯⋯ 只是，到時候還有沒有尚未沽清的蛋糕，就不得而知了！精美甜品之外，估唔到還有少量生蠔供應，品種都有五、六款，果然係五星級酒店氣派。除了午餐之外，單點餐牌亦有不少選擇，前菜、沙律、三文治、魚類海鮮、肉類、牛扒、素食、甜品樣樣有齊，就是缺少了意大利麵。Lobster Bisque ($108) 味道合格，但唔夠濃稠；雖然有海鮮及蝦殻的甜香，但味道未夠濃郁。其實已經相當好味，但與之前在其他高級扒房品嚐過的龍蝦湯比較，仍然稍為有所不及。Salmon ($198) 配香橙牛油醬、炒雜菜及炒飯。Salmon 魚皮煎得夠香脆，切得超厚身的三文魚又煎焗至剛剛熟透，表層魚肉仍然嫰滑、並沒有過火而變得粗嚡。意料之外炒飯很好食，只簡單加入調味炒香，並沒有其他配料；飯粒分明、乾身但又不是太硬，很多中式酒樓都未必做得到這種高水準。Duck Breast ($248) 配蔬菜、薯蓉及樱桃醬汁，雖然侍應建議 medium rare，但擔心太生，揀了五成熟。上碟時已切開兩塊，顔色淡血紅，正好是五成熟左右。切下去竟然有點偏硬，原來五成熟已經過火；雖然鴨皮有鴨油香、鴨胸肉又冇鴨臊味，但肉汁唔多，鴨胸肉唔軟身、有點難以咀嚼 ⋯⋯ 下次再食會要求 medium rare。用樱桃煮成的醬汁原來很襯鴨胸肉，道理有點似廣東燒鵝配酸梅醬；都是用帶酸甜的生果醬汁配搭味道重的家禽。由於今次揀錯生熟程度，對餐廳唔公平，所以唔評分；但味道其實幾好。Two course lunch set ($258) 揀了 Steak (加 $50），頭盤就揀了是日餐湯椰菜花忌廉湯。有椰菜花的淡淡清甜，如果飲慣味道濃郁的野菌忌廉湯，就可能會嫌味道太淡。牛扒通常配搭新鮮熱辣炸薯條，當然今次也沒有例外。食炸薯條，茄汁及蛋黃醬是最佳配搭；除了薯條之外，還有一小砵新鮮野菜沙律。以午餐份量來說，牛扒很大件。六、七成熟的火喉控制得相當好，牛扒質素亦很好，有肉味、夠 juicy、肉質鬆軟冇渣；只是作為一間高級酒店 cafe，肉眼扒邊緣位置的筋膜及脂肪條竟然沒有徹底切除，就顯得美中不足，做唔到酒店級扒房（餐廳）應有的水準。Lunch set 雖然冇揀 three course（包甜品），但帶了小女兒同去，可能實在太可愛了，餐廳經理主動送上一個免費甜品 Chocolate Raspberry Earl Gray Cake！原價要 $88 大元！酒店級甜品當然賣相行先，非常完整的半球體，表面灑上點點金箔、頂端吱了一小抹朱古力 mousse。朱古力濃漿外層包裹下的內層，炮製方法同樣複雜。底層是朱古力軟曲奇、中層是 Earl Gray 海綿蛋糕、頂層就是微酸的 Raspberry chocolate 濃稠 mousse。Earl Gray 及 Raspberry 的味道皆相對清淡，差不多完全被濃郁的朱古力味所掩蓋，做唔到三者平衡，與名稱有點出入。整體仍然是一件非常好吃的甜品，尤其是嗜朱古力的人就會愛煞了；但如果是因為 Raspberry 及 Earl Gray 而選擇的話，就會有點失望了。本來揀這裏午餐的原因，就是一台仿古音樂車。只要有客人生日，侍應就會推出音樂車，手動上鏈播放《生日快樂》⋯⋯ 點知道這台音樂車壞掉了，正在維修中！雖然有點失望，但仍然有一件奉送的小蛋糕，還要是非賣品，餐廳的甜品櫃內並沒有這一款蛋糕！這件迷你生日蛋糕是徹頭徹尾的朱古力蛋糕，底層是朱古力蛋糕、中層是濃稠純朱古力 mousse、頂層是特濃朱古力漿，配搭鮮紅色的士多啤梨及 cranberries，非常吸引。每一啖都是濃郁朱古力香味及甘甜，估唔到竟然較炮製方法更為複雜的 Chocolate Raspberry Earl Gray Cake 更加好吃 ⋯⋯ 可能因為我們一家三口太愛吃朱古力蛋糕了?!作為五星級酒店的直屬餐廳，裝修、服務態度及甜品實在冇得輸，不過，各款主菜出品未算有驚喜；當然較坊間一般餐廳好吃，但用同樣的價錢，在香港應該可以找到更加好吃的（非酒店）餐廳，「Ritz Carlton cafe」須要再加把勁。

朋友推介位於氹仔舊城區濠庭都會地舖的 - Common Table
平時都很少在澳門吃Cafe之類，再加上是氹仔這邊就更少了 ...
星期六人流頗多，我們來到時基本上已經滿座 一進店便看到一排排的麵包～左邊是商店來，右邊則是餐廳的位置
在走到餐廳的走廊上有蛋糕櫃！看起來十分吸引喲  餐廳讓人感覺頗舒服~喜歡使用木材的裝潢，偏向森林系的氣氛  不過Menu就有點殘舊的樣子 ....  這裡不止有提供輕食，還有意粉之類的~飲品除了咖啡，亦有花茶等 於沒有套餐的關係，所以飲品方面需要單點  Cola Brew (MOP 58) - 用玻璃樽盛著，看起來很有酒瓶的感覺耶
我點的是 鮮奶有機深酵黑烏龍茶拿鐵 (MOP 38) -
烏龍茶味並不算太突出，感覺只是在喝奶多點 因為這裡的麵包是自家烘焙，所以值得一試就點了 - 班尼迪克蛋 (MOP 68)
平時點的多是用英式鬆餅，但這個用的是香脆鬆化的牛角包喔
將牛角包的頂切下來就有兩份班尼迪克蛋！除了有濃郁的蛋黃外，
還有清新的番茄和帕爾馬火腿，配上香濃的荷蘭蛋黃醬
確實不錯，但那雜菜沙律很微妙。 Mediterranean Spaghetti (MOP 78)
青醬應該是用了橄欖油開？吃起來不會有太厚的感覺～香料微辣得來亦非常香。
意粉倒是煮得比較硬身一點，配上番茄仔平衡了整體的味道 自家製煙熏三文魚配核桃吐司 (MOP 68)
這款不止是店家推介，亦是我朋友推薦的喔！
三文魚是用櫻桃木煙燻的，再加上自家醃製的味道更可口吧
配牛油果醬和鵪鶉蛋的吃法也頗特別呢

和親友一行十幾人到澳門旅遊，乘車經過這咖啡店立刻被純白的店面和一隻金面草泥馬吸引。參觀完澳門通訊博物館便步行過來這裡坐著放空。

咖啡及糕餅價錢均比香港便宜，香港Coffee Shop一件蛋糕動輒三四十元，咖啡也起碼三十。這裡的「澳門價」貼地得多，咖啡二十多元起，蛋糕十多元便有交易。

咖啡店每家各有特色，令人留下印象的未必是咖啡本身，有可能是一個貼心的服務讓人更難忘。

含奶的咖啡只有明治純牛奶一種選擇，沒有豆奶、燕麥奶等等。

點餐過後店員便送上我的Latte ($25/small)，奶泡是非常標準的1cm高度，豆香濃厚，盡情享受深焙的回甘。正當沉醉於咖啡世界之際，店員送來小巧的蘋果餅，外層是外國人祖母手制風曲奇的味道，咬下去餡料顆粒像蜜餞蘋果一般，香甜清新，很好吃。
如有獨立包裝的話真想買來當手信與朋友分享呢~ 可惜我當下沒有問阿.. (唉唷)

喝完咖啡後店員奉上一杯溫水，服務很貼心~ 有時刻照顧著客人吧

店內的音響裝置也不賴，高音甜、中音準、低音勁，就這樣聽著輕快流行曲，渡過了一個美好的午後。

很喜歡遊澳門，喜歡的，並不是澳門偽風光的一面，而是澳門最原始的風 + 土 + 民 + 情的一面。要體驗民 + 情，我會去紅街市、三盞燈一帶；但要體驗澳門的風 + 土，其中一個我會喜歡來的地方，就是路環。

去路環，除了吃葡撻之外，行去海邊的十月初五馬路也是一個重要的環節。再加上附近的一座教堂曾是某韓劇的取景地點，令到這一個地方充滿了韓國遊客，是韓劇迷的打卡熱點。而就在教堂的前面，有兩家半露天的餐廳，其中的一間，更有個大公仔放在餐廳門前，而且無論甚麼時候都高朋滿座。這一間充滿澳門味道的悠閒餐廳，名字叫《雅憩花園餐廳》。餐廳的招牌，就是這一個鬍鬚叔叔。不用間了，這肯定是老闆的樣子。而當日幫我們落單的伯伯，看得出是老闆，而且同這一個公仔相似。可是，當我們風趣地問，店 logo 的公仔是不是他，他笑笑地說不是。餐廳外面的環境很有歐洲的風格，這正正是澳門最可愛，最迷人的一面。拱門內的地方，也就是大家用餐的地方。餐廳是西式的，再正確一點來說，是澳門式的。揉合了葡萄牙菜同廣東菜兩種風格，形成了澳門獨有的飲食文化。

餐前小食中，我們點了一份馬介休球。馬介休肉早已經搞碎，內裡的口感有少少似食一團炸過的魚鬆包在一個球內，是一個很香口，充滿魚香味的東西。蒜蓉包，是澳門特色脆脆豬仔包加上厚厚的一層蒜蓉醬。澳門豬仔包，傳統的是又脆又乾身，吃入口就十分之香口。《雅憩》的包一樣，他們做到連蒜蓉泥都乾身，咬入脆一脆的麵包內心，蒜味在香脆的包子內，由外而內，由內至外都充滿蒜香。烤肉似乎是《雅憩》的拿手好戲，於是，我們就點了兩份燒烤類食品，其中的燒牛肋骨很令大家的欣賞。肉香，味道當然也夠濃郁，更令人吃得開心的是，肉嫩，連近骨位的肉都嫩滑無筋，非常好。燒羊架比起燒牛肋骨更勝一籌，羊肉微羶，烤到骨帶脆。未吃已經感受到其羶香，未是全熟的羊肉，嫩滑多汁，帶出來的羶香味亦沒有過火。再者，炸出來的粗條薯條，也是十分的香啊。貪吃的大家多點了一份燒魷魚，夾上海水香味的新鮮魷魚，爽脆可口，切開一圈圈之後，吃入口的感覺更是吸引。婆婆喜歡喝點酒，小朋友喜歡飲汽水。汽水不評了，說紅酒，葡萄牙出產的 Borba 餐酒，是店老闆介紹的。這一小瓶酒，味道不強烈，屬即開即飲的餐酒系列，配紅肉十分之好。葡菜餐牌沒有素食，於是我們打開中菜餐牌找太太、外母及其中一位阿姨的素食。先來簡單的一份白灼雜菜，有椰菜，有西蘭花，有白菜有薯仔，而巧妙地，因為有薯仔的出現，令烚菜的湯水帶有薯仔的香，亦因為咁，其他的菜也沾滿了著仔的好味道。羅漢齋，有木耳，有四季豆、有粟米芯，再用醬酒加髮菜打了一個味道濃香的茨汁。這一味菜，配合埋白飯，令大家都吃得很高興。蒸三色水蛋，看得出是一個非常出色，時間同功夫都控制得非常好的蒸水蛋。咸蛋同皮蛋不是碎碎凡夾在水蛋內，而是原隻一片片的放在中間，再者豉油的份量落得剛好，味道甜美，入口香滑，妙也。中、西式的食品都同樣地出色，再加在充滿葡國色彩而又十分之悠閒的飲食環境，感覺是非常寫意的。喜歡來澳門感受一下老殖民地色彩同飲食文化的朋友們，《雅憩》可以滿足您。

今次去澳門一轉，主要係去Hello kitty展，到了去食午餐先，同事推介一間有特色的餐廳，穿過大三巴，再到較寧靜的街，去到仁慈堂婆仔屋。 藝竹苑－仁慈堂婆仔屋，據簡介，前身是貧窮者之家，亦曾是老人院，因大多數都是婆婆居住，而又名婆仔屋，現時為文化創意空間，舉辦藝術講座及展覽之地。
入到去，有個小庭院、老樟樹，以及有兩幢過百年歷史的黃色葡式建築物，環境感覺清幽，富有文化色彩。 其中一幢葡式建築物就是開設了葡式餐廳婆仔屋1601。 入到內堂，似是大廳(等候室?)，牆上掛有不同時間的鐘及油畫、酒架上擺放了多款酒品，天花板上掛有蠟燭台鐵藝吊燈，復古典雅感覺。
1:00去到，正是lunch time，因為冇book位，膽粗粗walk in，幸好等一會有2位。 餐廳是上下層，我們到樓上，上到去不禁影下相，格局上，有數間不同的小房間，可容納大夥人或2人位等，講下去我們坐的房間，樓底高有空間感，水晶吊燈華麗，走廊是紅色的牆身，白色的窗，另一面牆是紅黑色﹐有點似黑板上繪畫，甚有藝術之感。 餐牌，見出名馬介休，一於試下，仲有海鮮燴飯。 入坐不久，奉上汽酒，free的，都幾重酒味。 黑橄欖醬及歐式麵包，橄欖味道濃烈，麵包口感有嚼勁。 馬介休球，78，有5件，之前係澳門某餐廳食過，都幾有特色，而呢到的馬介休同是出名，一於試下，入口外脆內軟， 口感有點似炸薯球，內餡是鹽醃製鱈魚及薯泥等，味道鹹香，都不俗呀。 海鮮燴飯，＄248。 賣相十分吸引，海鮮材料有蝦、青口、蜆及魷魚等，份量十足，青口肉肥厚鮮甜，蜆飽滿，龍蝦湯底濃郁，味道鮮甜，燴飯吸收了湯汁好入味，果然美味呀。

食物有水準，環境值得一去，欣賞古建築，服務態度有禮貌，下次再去呀。

午餐時間:12:00-3:00

​晚餐時間:6:00-10:30

數數手指都醒唔起幾耐無嚟過澳門飲飲食食，應該都有兩三年左右? 今日請咗一日假同屋企人一齊過大海辦理私人事，順道嚟食好西 近年澳門百花齊放，除咗一向都出名嘅葡國菜之外，連帶開咗好多唔同類型嘅小店或者外國餐廳都進駐澳門，已經唔再係局限於只有葡國菜出名嘅情況。 其實都係一件好事，擁有雙重身份嘅我都希望澳門經濟環境越黎越好，唔再係以前單單以賭場作招徠嘅一個地方，單以美食都可以吸引到世界各地遊客到澳門旅遊 由於我哋都係臨時決定晚餐去葡國美食天地，所以無係事前打電話訂枱。 不過都聞說呢間餐廳都好受歡迎 (特別係當地葡國人)，辦理完正事之後就坐賭場巴士向官也街出發啦 去到餐廳問下佢哋可唔可以安排今晚嘅訂枱，好幸運地可以安排到6:30 大約6:20左右我哋再返到黎餐廳，已經見到有一條短短嘅人龍係門外等餐廳開門 (晚市開6:30)，當中不乏葡國家庭及外國人。 餐廳準時係6:30開門，餐廳內裡以四人枱或提供俾家庭用嘅長枱為主，以我所記得就無二人枱。 環境寬敞，冷氣夠涼快餐廳不設搭枱，即使係兩個人入座都會安排整張四人枱俾你。可以坐得舒舒服服，唔洗怕要同人撘枱或者人多時要將枱一分為二。 餐廳裝修懷舊而不失典雅，牆壁貼上部份報章報道，原來餐廳曾經得到米芝蓮榮譽，難怪餐廳咁多人慕名而來 除咗主菜牌、酒牌外，仲有另一個較細小嘅是日推介。菜式價錢中等，無我想像中高昂。 最後我哋點咗是日推介裡面嘅磨菇牛扒 (好似MOP128?)、炒蜆 (MOP138)、炸馬介休球 (MOP45)，仲有兩罐芬達汽水 (留意返，餐廳無免費水提供) 侍應服務態度幾親切主動，工作快而有效率，亦都會主動向客人推介菜式，現今餐廳要得到咁好嘅服務除非係五星級酒店。 落單後，侍應送上餐前麵包，係偏硬嘅豬仔包。麵包按人頭配給，溫度係微暖以上，麵包表面頗為脆身，一拎上手已散到成碟都係 內裡充滿麵粉香氣，新鮮麵包從來都唔需要加鹽加醋都咁好食！ 然後其他食物都陸續上枱 🌟炸馬介休球 - 一碟3件，新鮮炸起，切開一半時仲有熱氣冒出。清晰見到一絲絲馬介休，內裡混合少許芫荽作調味，唔會過鹹 🌟炒蜆 - 上菜時真係大碟到令我哋嘩嘩聲啲蜆多到成座山咁！炒蜆以橄欖油、白酒、芫荽、辣椒調味，白酒味非常濃郁！蜆肉粒粒飽滿，鮮甜之餘仲完全無沙！真係一隻接一隻咁狂食啲汁用黎點餐包食都好唔錯 🌟磨菇牛扒 - 磨菇牛扒煎到大約七成熟，生熟程度剛剛好。好香濃嘅牛味，肉質唔算太嫩，但亦都唔會好似食柴皮咁 伴碟嘅薯條係新鮮即炸，條條都好粗身。磨菇份量幾多，磨菇汁煮得好好唔會過咸或太濃而搶走牛扒嘅肉味 埋單大約MOP440-450 (確實價錢唔記得咗)，都算幾抵食，起碼食完出黎係飽肚嘅。

聽到隔離枱本身想點葡式芝士但侍應話已經賣哂，當時只係7點左右，睇黎葡式芝士係好受歡迎