開飯搵工發掘逾3500份餐飲筍工！

以為上OpenRice只係睇最新飲食資訊、餐廳資料同食評？少年你太年輕了！OpenRice已經推出餐飲界招聘服務開飯搵工，專為餐飲業人員而設，無論係邊一個職位、有經驗或者有意投身飲食及酒店業嘅朋友，都可以透過招聘服務，搵到一份適合你嘅好工，創出一番事業！

無論係從事飲食業邊種職位，包括大廚、樓面定係咖啡師或調酒師，甚至係後勤人員，都可以以OpenRice最新開飯搵工版面，尋找適合自己嘅工作！市場人手相當短缺，請人有難度，餐廳老闆或負責人亦可以利用呢個功能進行招聘。

開飯搵工於網頁及手機應用程式都用得到，網站或手機app列出所有工作性質嘅餐飲業工作。利用篩選功能，以工作性質、地區、受僱形式及薪酬類型尋找出適合自己嘅工。包括前線的廚師、經理、侍應，以至後勤部門的行政、會計、銷售等唔同職位都有，總共有27個分類。

只需選擇適合職位，即會列出各大餐廳現時招聘的工作，更可看到相關工作的要求、職責、性質及聯絡資料等詳情。搵到心水，求職者可以於網頁內即時應徵，填好晒履歷、經驗等就立即apply。或者先收藏，留待將來再申請亦得。

現時約有逾3,500份筍工可供申請，當中不乏大型餐飲集團、連鎖餐廳、酒店及各類型食店。職位空缺不時update，有意投身飲食業嘅朋友記得不時check住。服務費用全免，即刻睇睇有冇邊份工啱心水，分分鐘即刻有工開，或者跳槽成功添！