必達士

營業中

休息中

好耐無去過澳門，今次一行主要周圍行下食下咁，當然要黎官也街覓下食😝同買下伴手禮。行過見到呢間甜品店，主要賣木糠蛋糕同布丁，就兩樣都試下先。兩樣都係我最鍾意食既甜品😍買左外帶一路行一路食，木糠蛋糕既木糠好幼細，層次分明平均。質感好似輕身d既雪糕咁，唔會太甜，入口即溶。不知不覺成個比我一個人食晒，但食完一d都唔會漏暫時係我食過覺得最好食既木糠蛋糕！至於，雞蛋布丁就一般咁啦，蛋味係重，但個人覺得太粘杰。我比較鍾意爽滑一d既布丁🤔🤔呢個食完好漏下⋯所以下次再去澳門我淨係食呢度既木糠蛋糕夠喇😂😂可以食兩件都得👍🏻

由於朋友要上班，所以提早晚上6點食飯，食到7點半左右已食完，之後朋友趕上班，而我與客人行入官也街看看，行經出名的必達士(出名店員無禮貌同hea)，想食甜點，本應想買外賣，突然下太雨，即時轉為堂食，好似每人有最低消費，點咗木糠蛋糕、木糠布甸同一杯咖啡。木糠蛋糕，已經食過多年，水準已差了很多，不過對好多人而言已算不錯，其實質感已不似蛋糕，雪到似忌廉加雪糕多啲，木糠其實無乜味，夾埋一齊食ok啦，糕身不算太滑，又沒有過甜，不過雪得夠凍，夏天食算不錯了。另外木糠布甸，賣相比以前差好多，布甸表面還算軟滑, 太多木糠導致嗆喉，布甸尚有淡淡奶香，感覺也如雪糕一樣，有時真的分不出是布甸還是蛋糕，不過算啦，另外我客人杯咖啡等咗好耐都未到，差不多食哂布甸及蛋糕才到，因為落雨關係，所以無追問，又其實到離開時也得我們一枱客。

木糠布甸，一直是老婆喜歡之物，上一回來澳門，試了沙度娜，感覺是名大於實。今天則選了必達士，再來試試地道的木糠布甸味道如何。門口的廚窗雪櫃，放了許多的甜品，令人心花怒放。店方仲話木糠蛋糕係最佳手信，但點拎番香港呢？特登買個冰袋？本來想坐底食，但一入店內留意到週圍都貼住「不消費者　每位收取$15」，我同老婆只想食一件木糠布甸，雖然當時店裡不是滿座，但還是外賣算了。餐牌上有解釋木糠布甸、木糠蛋糕、木糠雪糕的分別，木糠布甸、木糠蛋糕皆為軟身，分別在於外型不同，一個是大件餅切件，一個則是以膠兜預先定型，木糠雪糕則為硬身。叫了一件木糠蛋糕 (MOP$38)，用個大飯盒裝，留意到佢最後仲灑左少少木糠在面。找個位在出面坐底食，雖然人多+沙塵滾滾，但也無損雅興。木糠蛋糕約有四層，中間夾住木糠，蛋糕唔太實，也很有奶味，木糠頗多，幾合我口味。其實好明顯木糠蛋糕應該比木糠布甸好，始終多幾層口感又會是不同，如果不介意價錢，還是要木糠蛋糕吧。留意到這一間的評語大多負面，內容大部份是價錢貴、態度唔好、最低消費等等，這幾點我也十分同意，還好我是外賣，受少點氣，但想到一件$38的蛋連坐都無得坐，我也很明白大家的心情。睇

第一站無食到甜品咁又點可以算係完美gei一餐呢??係第一站出到黎, 行過兩步就見到呢間甜品店, 見d 甜點好似好靚咁所以就被吸引入黎啦! 木糠蛋糕, 同木糠布甸有咩分別呢?? 唔知呀! 不過呢個蛋糕似mousse 多過cake, 質地滑得黎太cream, 好肥膩gei 感覺... 又唔係話唔好食gei, 不過賣$28 好似唔係好值lor 蛋蛋布甸, 蛋味都幾重, 幾滑, 不過個底有d "鞋" Iced mocha, 個樣就靚啦, 不過真係苦到亞媽都唔認得!! 未食甜點之前飲已經好苦, 食完再飲仲苦...>< 無朱古力味, 更加無咖啡味, 飲到gei 只有苦味!! 咁就收我$33!!??其實呢間d 甜品唔係唔好食只係, 街口的, $10已經食到同樣gei 食物, 什至質素比你更好, 咁點解我要食你呢??我比得$28, 當然會要求質素好d, presentation 靚d gei 野食但呢度, 堂食同外賣跟本就無分別, 都係用返同一個container 俾你 咁其實好無意思lor...未至於食到一肚火gei不過有d 俾個門口騙了的感覺...