影片
更多
2023-09-09
4391 瀏覽
之前去澳門玩都試過好幾間葡國菜，聽講都幾出名，不過都唔算特別好食。諗住今次去玩俾多最後一次機會去試葡菜，好彩最後有試到呢間婆仔屋1601，俾我哋都有機會食到好味的葡國菜。餐廳位於澳門荷蘭園，係一個富有舊時葡萄牙殖民地的氣息，四周圍都係舊時黃色嘅歐式屋仔，好有特色。講番野食，首先店員會上一籃小法包作為前菜，配有橄欖蓉俾我哋搽，法包略微偏硬，好彩我哋倒左啲初榨橄欖油黎點，呢個食法都幾好食。今次我哋兩個人叫左兩個餸，分別係焗鴨飯同辣汁燒雞。個焗鴨飯好得意，啲飯焦主要集中係表面，應該最尾攞左入焗爐焗脆左個表面，啲鴨肉就撕碎左撈埋係個飯入面，個飯有撈到醬汁(唔知係咪豉油)，食落都有小小似港式臘味飯，而且有啲煙肉同葡式辣肉腸鋪左係面，岩岩上碟果陣見到連同飯焦一齊焗到啲油磁磁咁響，令人好有食慾。最後要介紹嘅就係辣汁燒雞，雖然餐牌寫需時25分鐘，但實際只需要大約15分鐘左右。第一感覺係份量唔小，有半隻雞，而且配菜有薯片。啲薯片似炸起無耐，非常香脆好食！隻燒雞都燒到岩岩好，皮脆肉嫩，咬落口仲有汁留出嚟，非常juicy，點雞個醬汁係非常之辣，唔知係咪有落到魔鬼椒果啲，連個店員都特登同我哋講話好辣叫我哋唔好
餐廳位於澳門荷蘭園，係一個富有舊時葡萄牙殖民地的氣息，四周圍都係舊時黃色嘅歐式屋仔，好有特色。
講番野食，首先店員會上一籃小法包作為前菜，配有橄欖蓉俾我哋搽，法包略微偏硬，好彩我哋倒左啲初榨橄欖油黎點，呢個食法都幾好食。
餐前法包
77 瀏覽
0 讚好
0 留言
今次我哋兩個人叫左兩個餸，分別係焗鴨飯同辣汁燒雞。個焗鴨飯好得意，啲飯焦主要集中係表面，應該最尾攞左入焗爐焗脆左個表面，啲鴨肉就撕碎左撈埋係個飯入面，個飯有撈到醬汁(唔知係咪豉油)，食落都有小小似港式臘味飯，而且有啲煙肉同葡式辣肉腸鋪左係面，岩岩上碟果陣見到連同飯焦一齊焗到啲油磁磁咁響，令人好有食慾。
焗鴨飯
$198
128 瀏覽
0 讚好
0 留言
最後要介紹嘅就係辣汁燒雞，雖然餐牌寫需時25分鐘，但實際只需要大約15分鐘左右。第一感覺係份量唔小，有半隻雞，而且配菜有薯片。啲薯片似炸起無耐，非常香脆好食！隻燒雞都燒到岩岩好，皮脆肉嫩，咬落口仲有汁留出嚟，非常juicy，點雞個醬汁係非常之辣，唔知係咪有落到魔鬼椒果啲，連個店員都特登同我哋講話好辣叫我哋唔好點太多。
辣汁燒雞
$188
104 瀏覽
2 讚好
0 留言
整體而言，我哋都覺得呢間餐廳水準唔錯，呢個質素黎講價錢唔算特別貴(特別對比香港)。不過由於我哋都無試過係葡萄牙當地食葡國菜，而且對呢個國家嘅菜色無咩研究，因此評論唔到正唔正宗，總之係好食嘅！餐廳有葡萄牙殖民時代特色，走高級路線，店員大部分都唔識講中文，要以英文溝通，而且都好有禮貌，所以都十分推薦！
張貼
