媽閣長城燒烤

營業中

休息中

山長水遠走過來,環境都有D特色.四周都是可樂物品.食物方面,好多食品都加左價,以地點來講,價錢有小小高左D.燒牛肋骨,味道都唔錯,可以一試.南乳炸雞翼,十分唔錯,好有南乳味,肉唔會干,喜好雞翼者,一定要試.個炒蜆,真是唔得,又細又冇肉,重要好多空殼,要成$85,真的有小小後悔!整體都可以嘅,但睇清楚價錢可能會好D,貴野未必好.

去完媽閣廟就黎呢度開餐食lunch, 睇食評唔錯, 對佢d食物都有d期望.....去到12點多, 啱啱開門無耐, 我地係第二枱客, 地方唔係好大, 不過都算乾淨, 同埋有好多可樂飾物, 都有d特色。店員好熱情, 仲問我地係咪第一次黎...因為之前溫左書, 所以好快就決定到食乜...我地4個大人兩個小朋友, 最後叫左燒牛肋骨(因為之前果晚係小飛象試左呢個, 所以想係呢度再回味下),燒鮮墨魚, 燒風鱔, 馬介休炒飯, 西洋炒雜菜, 因為叫左太多燒野食, 好似好熱氣咁, 叫多渣菊花茶消消熱...馬介休炒飯同埋炒雜菜都ok, 燒牛肋骨同之前係小飛象食比較, 呢間好似咸左少少, 不過其實都好味; 燒鮮墨魚點埋wasabi黎食..唔錯, 不過無乜驚喜既感覺, 反而燒風鱔就有驚喜feel...(不過張相唔啱format upload唔到上黎) 超好味... 一路食呢d熱氣野, 一路飲住杯熱菊花茶, 真係好正! 最後食完好似意猶未盡咁, 就叫埋個炸南乳雞翼,一碟8隻, d肉炒得好鬆化..其實如果呢碟係第一碟上黎, 一定唔駛一分鍾食晒..不過而家兩個小朋友都食飽飽, 所以每個大人食兩隻就好似多左dd..

　　一睇個名就知呢度食燒烤野，雖然呢度好偏僻，但真係值得去，每樣燒烤菜色都好香好夠燒烤味。最鍾意既就係燒鱔，個皮燒得好香好脆，ｄ肉又夠厚，所以食得好滿足，唯一美中不足就係有ｄ細骨，食既時候要好小心。另外燒牛肋骨又係好正！香得黎之餘牛肉又唔會韌，仲要好多汁好有牛肉味！　　唯一失色既就係個焗蟹飯，雖然焗得好香，但個炒飯因為再經過焗爐後變得好乾、有ｄ硬，而且咁大盤炒飯只係得一隻好細既蟹，唔係太夠分。其餘菜色都不俗，絕對值得再去！