影片
更多
2009-07-03
532 瀏覽
去澳門睇阿Rain演唱會,三號風球嗰日過去,去到氹仔威尼斯人check埋in都成9:30,咁唯有留喺氹仔食啦!見openrice d食評介紹六棉都唔錯,咁就一行四人去左試啦!去到坐低已經冇乜人,侍應姐姐Helen因為見我地唔食煙就俾左張近門口的枱俾我地.因為極肚餓所以一次過叫左鹽焗雞,煎封銀鱈魚, 煎釀尖椒, 杏汁豬肺湯, 冬菇肉碎西芹炒米線同埋琵琶豆腐。首先係杏汁豬肺湯,豬肺洗得極乾淨,個湯勁香杏仁味,好清甜,仲要有成八碗...果然係王牌!之後個鹽焗雞黎到發覺係炸子雞,不過都冇所謂,因為真係餓到暈。個炸子雞極嫩口,連雞胸都唔"鞋"~~正...好快就食淨幾舊。跟住下一味銀鱈魚,一啖食落去真係唔講得笑,我地四個食呢個餸ge時候唔多敢講野,因為太滑啦舊魚,陣間講野條魚骨鯁左喺喉嚨就麻煩啦!煎釀尖椒食落口好香尖椒味,唔係好辣,因為我唔係好食得辣都覺得好ok,同埋唔會好油，好食!個冬菇肉碎西芹炒米線好食,好乾身,唔會油淋淋，不過唔記得相!最後係琵琶豆腐...香港食到嗰d通常有魚肉,實"的的",但呢個豆腐上枱已經好香蛋味,侍應攞黎嗰陣仲識得"震"...食落口真係好香蛋咪同埋冇魚肉,好軟熟好好食!
咁唯有留喺氹仔食啦!見openrice d食評介紹六棉都唔錯,咁就一行四人去左試啦!
去到坐低已經冇乜人,侍應姐姐Helen因為見我地唔食煙就俾左張近門口的枱俾我地.
因為極肚餓所以一次過叫左鹽焗雞,煎封銀鱈魚, 煎釀尖椒, 杏汁豬肺湯, 冬菇肉碎西芹炒米線同埋琵琶豆腐。
首先係杏汁豬肺湯,豬肺洗得極乾淨,個湯勁香杏仁味,好清甜,仲要有成八碗...果然係王牌!
之後個鹽焗雞黎到發覺係炸子雞,不過都冇所謂,因為真係餓到暈。個炸子雞極嫩口,連雞胸都唔"鞋"~~正...好快就食淨幾舊。
跟住下一味銀鱈魚,一啖食落去真係唔講得笑,我地四個食呢個餸ge時候唔多敢講野,因為太滑啦舊魚,陣間講野條魚骨鯁左喺喉嚨就麻煩啦!
煎釀尖椒食落口好香尖椒味,唔係好辣,因為我唔係好食得辣都覺得好ok,同埋唔會好油，好食!
個冬菇肉碎西芹炒米線好食,好乾身,唔會油淋淋，不過唔記得相!
最後係琵琶豆腐...香港食到嗰d通常有魚肉,實"的的",但呢個豆腐上枱已經好香蛋味,侍應攞黎嗰陣仲識得"震"...食落口真係好香蛋咪同埋冇魚肉,好軟熟好好食!
d野黎晒,跟住我就心諗,如果而家食番個糖水呢餐就perfect啦,說時遲那時快,個部長走埋黎同我地講話送四個荷花"鄧"蛋糖水俾我地,初初我地仲以為係好似黃色嗰d"鄧"蛋咁,只係加少少荷花喺面做裝飾,但係黎到ge時候真係好震撼,其實佢個款有d似桑寄生蛋茶,但係有一朵荷花加蓮子加成隻蛋囉!我咁大個都未食過荷花,侍應helen姐姐話係得呢兩個月先有得食,其他時候係冇ge,我地好彩啦...食到個咁好食ge糖水,荷花食落冇乜味,不過好爽架,個感覺好得意,蓮子極鬆化,最後就係隻蛋啦,隻蛋唔知點解咬落去個蛋白好似啫喱咁,但明明係熟蛋黎架,好彈,好軟,好綿咁,隻蛋勁有蛋香,仲有少少蛋腥味,而家香港食唔到啦!
總括黎講...呢餐五餸一湯一糖水,都係超級讚,功好食,我八月去澳門一定會再去六棉食飯。
張貼
