馬慶康南天咖啡室

營業中

休息中

又係一間澳門人推介佢由細食到大嘅餐廳入到黎呢度感覺係仲未比遊客攻陷嘅地方有啲似香港嘅冰室呢度真係好多本地人，有好多充滿蛋嘅頹飯如果我係呢一度住一定係午餐首選嘅餐廳！不過今次嚟食下午茶就嗌左其中一個必食之選華田西多脆脆！ ！ ！佢都係一個厚多士，上面鋪滿華田脆脆，再臨上煉奶可能你會話華田西多香港都有啦但係佢絕對唔係咁普通！加上煉奶你都唔會覺得佢太甜，因為係厚厚嘅西多士中間仲有一層芝士而且唔會係太鹹，完全冇搶走任何味道係一個點綴將成個西多昇華，唔會覺得太膩另外帶咗個樽仔凍奶茶，茶餐廳奶茶係冇得輸！朋友同我講呢度嘅肉餅都好出色下次嚟一定要再試下！

嚟到澳門真係好多好嘢食，之前睇過有人介紹呢間馬慶康咖啡室有華田脆脆西多食，好吸引好想食，上次星期日去，竟然冇開門摸門釘😭今次終於比我食到啊🎉🎉🎉華田脆脆西多上面鋪滿華田脆脆和一大塊鮮牛油，中間係有香濃嘅芝士，口感非常豐富好有層次，甜得嚟又咸咸地，咸得嚟又甜甜地，超好食😋樽仔奶茶真係好好飲，唔太甜又充滿茶香又滑，爆正。👍🏻蕃茄洋蔥牛肉通粉係用蕃茄做湯底，湯底好鮮甜，食得出冇落味精，通粉唔會好淋，好好食。😋呢間餐廳好多人排隊食，因為真係好好食。