安德魯餅店

營業中

休息中

復活清明，全家又坐艇過大海。氹仔上岸後，先坐發財車去威尼斯人逛逛。     在大運河看到有名的葡撻店，剛好又有座位，所以大家在此休息一下。    點了三個葡撻加一杯凍黑啡。電子支付，仲慳左MOP水位優惠，接近98折。 葡撻    不知葡撻標準如何，只要是熱辣辣，自己覺得好味就ok了。  酥皮底較油又脆，需要以餐紙包好享用。中芯蛋漿仍溫暖，少少甜，跟脆脆底部成明顯對比。享用後，整張枱面地下都是酥皮碎碎。葡撻的先天結構如此，比較適合在外享用。  咪鬼整污糟屋企!  BLACK COFFEE    葡撻又甜又重油脂，所以咖啡特地走糖走奶。黑啡表面無咖啡油，啡底色澤較淡。入口很淡，感覺不似即磨囉！  似是brew coffee囉！  得淡淡的苦味，以溝淡的涼茶。盛惠MOP 26呀！  這裡是酒店商場呀！在環境上，此價格合理。可是在咖啡味道上，唔值!   光顧葡撻店，當然享用葡撻最保險囉！

黎到澳門，當然要試試澳門名物——葡撻，我地黎到威尼斯人嘅安德魯餅店，見到大排長龍，全部都系遊客。等左差唔多半個鐘，終於輪到我，買左半打葡撻（$75），即時拎一個試食，葡撻拎上手熱辣辣，同埋好香好吸引！個餅皮望落金黃酥脆，葡撻面有焦糖化，加埋啱啱出爐嘅香氣，想鯨吞落肚。咬左一啖，餅皮好酥脆，而且濃濃嘅牛油味，里面嘅蛋漿非常滑嫩，蛋味濃，不過食多幾啖，略嫌過甜，有d膩。整體來講，蛋撻味道不錯，如果鐘意食甜品，可以買黎試試。不過排隊時間太長，同埋價錢偏貴，一個$13，半打$75，一打$150。

唔知點解，就係好鍾意呢家葡撻，真係好好味。來澳門一定要試下安德魯嘅葡撻，唔會後悔，絕對。香香嘅奶味，一個兩口就無啦。一次食左四個，笑咩啊，唔準笑BF一直笑我，話我系個貪食鬼~鬼鬼~鬼~鬼~

呢間葡撻出名都唔洗多介紹喇, 不過我地今次冇入到路環食, 因為去路環對於我地黎講真係太遠喇, 同埋最主要原因係入到去冇其他嘢可以做, 唔想為咗個葡撻山長水遠咁入去! 所以呢, 今次去咗威尼斯人酒店🚣個間分店! 佢個名氣吸引咗好多唔同國籍嘅人黎食, 所以呢間分店都要排長龍🐲架, 前面個個都買半打以上😱。可能係酒店嘅關係, 方便買手信返去派掛?! 排咗10分鐘終於到手喇, 個葡撻好香蛋味, 個皮都好鬆化, 而且攞上手仲暖暖地, 唔錯唔錯。不過如果有時間都係推介大家入路環食, 因為話哂真係新鮮出爐, 始終新鮮啲嘛！

又發作啦又發作啦！屈小姐又話要去見小四啦賴生唯有再帶佢去澳門見佢啦 - 《安德魯》既葡撻（其實賴生都好想食）雖然我地唔係澳門人，但點解屈小姐都會迷上呢個小四既呢？好簡單⋯因為係澳門都鼓吹《瑪X烈》同《安德魯》2間葡撻既對決！不過，第1次由賴生同屈小姐親身試過之後，高下立見！論蛋漿同撻皮都係《安德魯》贏九條街！食過咁多次安德魯既葡撻，我地發現左要食到澳門最好食既葡撻，必須符合以下條件：第一： 地點 - 要去威尼斯人舖頭外面果個銷售counter 解釋：除左上述地點，基本上其他地方既保溫能力較差，例如總店佢但求應付繁忙既人龍，所有葡撻會預先入袋⋯紙袋未能透氣，焗晒D油出黎，撻皮因而會淋左，黏死晒，而威尼斯人舖頭既員工亦因爲做到滑晒啞，即使有新鮮出爐既葡撻，你要求佢比果d你⋯佢都係照舊堅持《先入先出》既售賣手法，比個唔新鮮既你第二：運氣 - 遇上真正出爐既時間！（新鮮出爐唔需要解釋啦～）第三：禮貌 - 客人係人，員工都係人！解釋： 你要求人地比新鮮出爐既你，係你有求於人，依照員工守則，人地係要《先入先出》嫁，所以客氣D比D禮貌，同埋睇準時機冇乜人埋去先問人啦，人多既時候員工都好難做假如你完成

岩岩食完皇X印度餐廳，實在係太太太太正啦！但旅程尼到尾聲，賴生同屈小姐都覺得無理由唔食多次我地朝思暮想既澳門名物爲呢個旅作完滿作結架～同時，今日下晏唔夠熱既安德魯已經滿足唔到屈小姐（連賴生都滿足唔到😂😂），所以安德魯感應器屈小姐又自動帶左賴生去威尼斯人入面既安德魯葡撻分店！最神奇既係⋯明明上次搵左勁耐都搵唔到，今次屈小姐（安德魯感應器版）居然唔駛3分鐘連地圖都唔駛睇就到左！當然一去到，梗係有一條人龍啦！但居然係呢個時候，有盤新鮮焗起既葡撻出爐，拎左去隔離個外賣銷售點！（屈小姐真係好好彩呀！居然夾到埋葡撻出爐時間）⋯呢個時候，賴生梗係9秒7拖左屈小姐去銷售點果邊啦⋯⋯話得9秒7，當然拎第一啦安德魯葡撻 （熱辣辣出爐版）爆5星- 撻皮冇得輸，食到一層一層，又有牛油香！又唔會太油！香脆層次分明！係得呢間分店做得到！- 超超超超香！蛋味十足，帶少少甜味，而甜味又唔會遮到蛋味，仲令蛋味昇華！- 太香啦！令人忍唔住要即刻襯熱食！#超強大既安德魯感應器#滿足哂啦❤️#要新鮮出爐熱辣辣食先好食#分店比總店好，最好食既葡撻係呢度#回憶中的美好#Yeah！終於比人讚影相靚左#正式被列入澳門版小四#不要去羨慕

澳門因為交通唔方便, 搵好野食搭車轉車好麻煩。我每次去澳門都必食葡撻的, 後來發現安德魯葡撻原來在威尼斯人商場都有, 真係好方便。葡撻好新鮮, 淡淡的焦糖面層, 色澤焗得好靚, 外層蛋撻皮非常鬆脆, 食落口有濃濃得蛋香味, 口感非常香滑, 與撻皮的配搭一同吃，份外滋味。售10蚊一個，不算便宜，但值得一試。店外還有其他食物選舉，如牛角包及雞蛋糕，牛角包很新鮮鬆脆，而雞蛋糕就很鬆軟，是不錯的選擇。鋪內有透明玻璃的工場清楚看到製作過程, 環境舒適。

小時候我跟當時大部份人一樣，因為葡式蛋撻的外表，對當時還未流行的葡撻興趣不大，一直沒有機會嘗試。及至大學時期，有一次放學後，跟朋友在又一城的KFC試過它的葡撻，就被它鬆化的撻皮和帶焦糖香甜味的蛋漿深深吸引。今次來澳門，正好可以拜會KFC葡撻的祖師爺安德魯餅店。說是祖師爺絕不過份，因為追溯族譜，葡撻最早是十八世紀初由葡萄牙一位修女發明，之後十九世紀由一位英國人安德魯，經改良後帶到澳門，自此葡撻才大受歡迎。而安德魯餅店正是這款經改良後的亞式葡撻的鼻祖，至於KFC的葡撻，就是安德魯的前妻瑪嘉烈在離婚後將秘方賣予KFC才有的，可算是這族譜中的私生子。雖然安德魯的總店是在路環，要拜會葡撻的鼻祖最好還是到總店，但對於我們這些不會過夜的遊客，時間所限，所以就選擇了位於威尼斯人酒店內的安德魯分店。由於我是經氹仔到澳門的，下船後正好乘專巴到威尼斯人吃個「葡式早餐」。店子面積不大，就只有幾張小圓枱，每張桌旁都有兩三張單人梳化，讓食客可以軟攤在梳化上，輕鬆享受美食。雖然我只買一個葡撻($9)，但見梳化正好有空位，就坐著吃。其實來到時，才十點多，店子才剛開門不久，但店內已坐滿食客，果然仰慕祖師爺的人都不少。說

臨回香港前到威尼斯人買了半打安德魯葡撻做手信 (Mop60)威尼斯人店總是人頭湧湧，原來若要買葡撻的話可以去旁邊的小檔買的，沒太多人知道，我都是買完了才知呢安德魯的蛋撻剛買時是新鮮出爐，紙盒是燙手的，盒內散發出陣陣葡撻香味可惜吃的時候已經凍了，但撻皮仍然酥脆，咬下去還會聽到脆脆的聲音。蛋黃部份沒有KFC的那麼甜，蛋味濃，好吃吃完發現盒底全是油跡，可想而知那撻皮用了多少牛油做成，但亦正正是這些牛油才可以做到層層薄薄酥脆的撻皮啊

 澳門必食澳門岀名食葡撻，近排試左呢間安德魯嘅葡撻$10/pc😋佢不斷有新鮮岀爐嘅撻🔥去到一定食到熱辣辣嘅靚葡撻🙌🏻蔔撻蛋嘅部份夠甜，不過蓋走蛋味，而撻的部份都好香同鬆脆，整體味道非常好。佢係威尼斯人個商店街到，去到威尼斯人順便買番個👌🏼如果中午去就預左要排隊👫👬$10一個，六件有盒，可以一試

來到澳門休息一晚後，出發前當然要吃個醒神早餐，特別是出名的葡撻呢! 經朋友帶到威尼斯人分店，果然大班人在收銀機前大排長龍，排了一會兒，二人點了5件葡撻、1件藍莓芝士蛋糕、1杯凍檸茶及1杯熱奶茶。其實見蘋果批賣相不錯，但細細個已2X澳幣，不捨得吃啊!我先去等位，朋友則買食物。我們的早餐非常豐富呢，朋友說熱奶茶不錯，好濃味及滑口，而我的凍檸茶亦不過不失稍後立即食香噴噴的葡撻啦! 咬一口即"沙"一聲，外皮好薄身，而且脆卜卜，內層蛋漿亦夠熱，不太膩，吃完即想再吃!雖然雪櫃附近的人很多，人群心理心郁郁就點了藍莓芝士蛋糕，但原來不是想像般好吃。上層的藍莓滑面，吃落有點像Jelly，下層芝士不夠Rich，不覺有芝士味，不過不知是否先吃了個葡撻，當蛋糕吃到尾就開始感到飽肚及膩。然後，眼闊口窄的我們，將餘下的2件葡撻帶回酒店給懶訓豬的朋友吃，哈哈。雖然蛋糕有點失望，不過朋友真的沒介紹錯，葡撻果然一流，下次來澳門真的再必吃

路環的安德魯餅店，難得在威記開店也能保持水準﹝不似那家大 X 來豬扒包﹞，$8 一件的葡撻值得一試。這天下午女兒到 Q 立方玩，我便到了安德魯餅店 hea，叫了一件葡撻、牛角包和沙律。葡撻不斷出爐，經常能保持新鮮熱辣。很愛葡撻酥皮，焗的時間剛好，千層的咬下去超脆，而內裡的餡料蛋黃味超重，又有一股奶油味，滑。牛角包其實也不錯，不過可能焗起了已一段時間，有點冷而且酥皮開始收縮，雖然仍然脆但那種酥皮間有空氣的感覺已沒有，有點可惜。沙律則好差，沙律醬太甜太多，薯仔沒有味道。總體葡撻水準高但其他食物有待改善。

安德魯餅店是澳門一家著名的餅店，由英國人安德魯（Andrew Stow）於 1989 年 9 月 15 日成立。安德魯餅店店主安德魯於 2006 年 1 月獲澳門特別行政區政府授予旅遊功績勳章，特區政府並將安德魯評為澳門招牌蛋撻的創始人。安德魯餅店始創亞洲葡式蛋撻，亦有售賣歐式糕餅麵包。總店設於路環市區撻沙街 1 號地下。早幾年，我就是去過總店，試過了該店的葡撻，就愛上了。自此，每逢到澳門食葡撻，都會想起安德魯餅店的葡撻。前年，發現澳門威尼斯人度假村內也開了分店。這樣實在太好，不用去較遠的路環，也可享受這美味的葡撻了。今日中午，就來到威尼斯人度假村享受一下這美味的葡撻。店舖位於威尼斯人度假村酒店大運河購物中心內，由於購物中心頗大，每個角落的裝修都好似差不多樣子，找出店舖位置都有點難度。大家可以問一下購物中心的職員，這樣就很容易到達。到達的時間正是中午十二時多，店內客人不多，都有很多座位。之前到來，我都是外賣到店外的運河邊享用。今次，可以坐在店內享用了。我們挑選了一處近運河邊的梳化座位，非常舒適。一邊享受葡撻，一邊欣賞運河上往來穿梭的貢多拉船，非常寫意。由於尚有其他澳門美食要吃，我們在此

實在累得很，在威尼斯人尋找歇腳地方；雖然到了此餅店，但也滿座！好不容易才找到位置坐下來！我們都累壞了，要補充體力！點了：（1）葡撻兩隻（＄8x2）﹣第一次用刀叉吃葡撻，既方便，又乾淨！﹣味道不錯！餡料很足！每口的葡撻都有蛋香！﹣皮很鬆脆，而且不會太厚！剛好！（雖然平時我是不吃酥皮蛋撻，但葡撻皮是不一樣的啊！）﹣每十幾分鐘便有新的葡撻出爐！保持新鮮之餘，也代表著它的美味吸引了不少客人光顧！（2）Lemonade（＄20）﹣不會太凍的lemonade很止渴！正！﹣我很喜歡酸的飲品，lemonade可更酸！不過仍是新鮮的！﹣其中一樣讚的是：沒有汽！因為我不喝有汽飲品的！！這𥚃有不同的人光顧，有下場的職員、有澳門本地人、有內地旅客、香港旅客等，在此休息了一會，也觀察到不同人的不同文化！

因為晚上要去看太陽劇團，所以原以為吳廷記的冷糕，是今次澳門遊的最後一站，卻沒想到竟然會在威尼斯人遇上了的安德魯，才是最後一餐。正如之前所講，從前，我會特地坐巴士到路環，為的只是一件安德魯葡撻，現在沒這個恆心，也因為對澳門愈來愈了解，胃納，還是留給未吃過的吧！整間店尤如包場，人影都唔多隻，留意到有個玻璃窗廚房可以睇到師傅整餅，但今天應該過左時間，無緣得見。葡撻 (MOP$8) 和瑪嘉烈一樣價錢，其實從以前到依家，吃過分別是有，但我不是吃到有很大的分別，始終我地此等遊客，久不久才來一次，怎及本地薑熟悉葡撻？每件葡撻的記憶恐怕會慢慢被淡忘了吧。不過，今次我可以大膽講一句，這裡比不上我這次澳門之行在瑪嘉烈吃到的那一件，因為這裡的不是新鮮出爐也，所以絕對是非戰之罪。威尼斯人租金多少，身為香港人的我無從得知，也沒有頭緒，但如果一件葡撻只賣八蚊，到底呢間分店能否做得住呢？如果真是葡撻迷，還是到總店比較好；如果你只是過口癮，這裡絕對無問題。情況有如香港的泰昌一樣，想吃好的，還是到擺花街吧！