保健牛奶公司

營業中

休息中

雙皮炖奶 MOP30保健牛奶座落於新馬路附近嘅一條小巷，幫襯嘅人唔多，每次嚟到，都會見到好多空枱，不過並唔代表佢唔好食，只係位置唔太顯眼啫～ 雖然呢碗雙皮奶嘅賣相麻麻地，望落就好似大腦組織咁，但食落其實好滑，仲好有奶香添～冰花燉雞蛋 MOP25西式燉蛋嘅代表就係焦糖燉蛋，而中式嘅代表就一定係冰花燉蛋。冰花呢個名聽落好靚，其實就係講緊搵冰糖、清水同埋雞蛋，三者根據一定嘅比例所整成嘅燉蛋。蛋味香濃，甜味自然，質感滑到就好似食緊布甸一樣，絕對唔比焦糖燉蛋輸蝕架！薑汁撞奶 MOP30天時凍凍地，食返碗薑汁撞奶就最暖胃，而且薑汁仲有驅寒嘅功效。呢碗薑汁撞奶滑嘟嘟，好有奶味，但我就覺得薑味太重、太辣，麻麻地，應該係落得太多薑汁。

食完麵，大家去好近嘅「保健牛奶公司」食埋甜品， 地方裝修簡單，去到只有兩枱客，我哋分兩張枱坐，店員已經拖緊地，等大家唸好就叫店員落單，人多主意多，講得慢啲都比店員黑面！食物好快到！ 姜汁撞奶（$23）朋友食 楊枝甘露（$35）阿女食，比較奶色，我食咗一啖，芒果味唔濃，好杰身，芒果肉同西米唔多，好在唔過甜！一般 雪榚三球（$35）呢個又比店員黑面，因係小朋友食，問佢有乜味道雪榚，佢話咪正常雪榚味道（咁都係唔知有邊種味道！）到最後三個小朋友都要呍呢嗱味，因店員要入廚房講呢個特別要求，又黑面！攞多兩支匙又黑！$35只係好普通嘅雪榚，真係浪費！ 雙皮奶（$23）呢度嘅人氣食品，奶好杰，有奶香，唔會過甜！但似牛奶布甸，多過雙皮奶，因為連面頭嘅皮都見唔到！基本上店員身體語言係想講，最好你們坐底食完就走，唔好有額外要求，佢唔想招呼你班麻煩友！其實我哋要求都好正常！亦無唔禮貌對店員，佢燶口燶面嘅態度，食物再好味！我唔會想再去受黑面對待！更何況佢嘅食物又唔係特別到一定要去佢度食！

下午三時多行到福隆新街，突然想試一試糖水，就來到這一間試一試。入內時空無一人，找到一個吉的卡位就來試一試這裡的雙皮奶、薑汁撞奶和紅豆冰。雙皮奶 ($16) 都有很重的奶味，值得一試。薑汁撞奶 ($16) 撞得十分之適中，軟軟的薑汁奶和十分重的薑味，十分適合喜歡重薑味的人仕。紅豆冰 ($16) 紅豆煮得十分之好，稔稔的但仍然有重重的紅豆味，想想這裡的紅豆沙應該都十分之好。可能時間的關係，店內都沒有什麼人來的，不過有時靜靜的食野感覺都不錯呢。

每一次來到澳門,總會飯後甜皮也要食食食雙皮奶,薑汁撞奶......但唯獨有一間情有獨鍾,這就是保健牛奶. 我每一次來澳門總會來拜訪他.今次,我們揀選了一碗杏仁鮮奶糊,一碗薑汁撞奶首先,先講講杏仁鮮奶糊好好味,真的好好味,很香很重的杏仁味,因本人是杏仁fans,無論杏仁霜,杏仁糊,杏仁加上鮮奶,女士們吃上這甜品,真的可以發揮養顏的功效.薑汁撞奶真的有點令我失望. 我不是覺得薑汁撞奶唔好食,是十分好食,因夠哂薑,可惜這碗薑汁撞奶凝固不到,表面好靚好滑,但內裏就散哂. 不過總算好好味的.講真,就算這碗薑汁撞奶失手,本人也覺得好好味,期待下一次再來澳門時再探探保健牛牛啦!

去到最後, 幾飽都好, 也要吃甜品作結. 當然不去香港都有得食的那家, 就來保健. 本來打算吃雙皮奶的, 但見餐牌寫著馳名的係薑汁撞奶同杏仁鮮奶糊, 就要這兩樣.薑汁撞奶: 9分, 賣相對辦, 牛奶凝固在面頭, 吃落口係好滑, 奶味香濃, 薑汁味也夠濃.杏仁鮮奶糊: 9分, 沒有了薑味, 變成了杏仁味, 杏香濃郁, 也跟鮮奶的味道好匹配. 比起之前一晚吃的杏仁合桃露水準高不少.喜歡吃奶類甜品, 這裡一定會滿足到你, 兩個甜品也實在高水準. 加上服務態度也好誠懇, 吃得滿意.薑汁撞奶 $16 + 杏仁鮮奶糊 $17 = $33

由於義順爆到咩, 所以特登轉去保健. 今次阿wing 要左個紅豆燉蛋, 佢話味道唔錯. 多紅豆! 而我就要左薑汁撞奶..... 薑汁好重, 正合我意!

淨係得個地址，本來諗住或者今次未必去到食～點知原來佢同陶陶居同一條街～～食到幾飽都要食埋呢個甜品我先上船架啦 ！！晚上八點幾，應該人人都 dinner 緊，得兩枱客落左 order 等十分鐘到就有野食～由於我唔食杏汁，所以叫左一個薑汁撞奶，一個雙皮奶 ~~食左兩啖雙皮奶，真係又滑又夠奶味～再食薑汁撞奶．．．．．．激薑 !!雖然我唔討厭薑味，不過真係好辛辣～～食左半碗後，忍唔住叫我 bf KO 佢～～其實唔係難食，或者我個人唔係咁受得薑的辣～下次再去我會只叫雙皮奶～哈～如果唔係十分十分好薑之人，叫薑汁撞奶前請三思～三思～

黎澳門一定要食保健~好滑又好味, 正!!!雙皮奶, 好滑, 不過我覺得甜左d, 食多幾啖有d 漏gei 感覺~ 但係好食係真gei!!薑汁撞奶, 好香濃gei 薑味, 又滑, 一流! 我會鍾意薑汁撞奶多d lor~~