公雞葡國餐廳

營業中

休息中

我地7人去, 經過公雞葡國餐廳, 咁就去試, 點知去食快餐店都仲好基本上我想講點差, 之前都有人講晒, 食物味道唔得, 飲牛尾湯好似飲醬汁..... 難飲服務態度唔好, 好敷愆, 問多2句都唔耐煩.......差

去過澳門好多冇試過，「公雞」又好似幾出名，就試下喇!中午入去就冇乜人，一兩枱客，可能時間尚早吧! 我幾鍾意裡面個環境，有一點懷舊色彩，好多代表葡國嘅公雞擺設。 基於之後嘅行程都會不斷食野，所以我地兩個人只係叫咗以下兩樣野:青菜薯蓉湯 $20芝士汁牛聊粒 $100 青菜薯蓉湯都幾好呀，不過都係青菜同薯仔呢D簡單野，咁都唔好味就死得啦~芝士汁牛聊粒真係幾好味呀~! 個芝士汁正，牛聊粒叫咗五成熟，肉質軟硬適中，good! 不過真係唔抵囉~ $100!!! 份量又唔係多~ 我真係覺得唔值呢個價...服務就係真係冇乜ga咋，水都冇杯，食都好口乾叫佢俾兩杯水，佢俾兩杯熱水，真係唔得...仲要10% service charge，service 在哪??? 真係試過就算啦...

澳門之行, 其實都食到好飽, 不過o黎得澳門又點可以唔食葡國菜呢? 喺官也街買完手信見到呢間曾經介紹過嘅餐廳, 又試啦! 蒜茸飽 - 新鮮即焗, 不過唔多蒜茸, 都ok既.咖哩牛尾 - 牛尾一定係出街食先好味, 我鍾意紅酒燴多d, 但係呢度無, 而且要配蒜茸飽, 所以揀咗呢個餸, 味道同牛尾都唔差, 不過嫌佢嘅咖哩汁稀咗d.白烚菜 - 澳門嘅白烚菜真係有一手, 簡簡單單嘅椰菜都烚得好腍, 好好味.馬介休 - 馬介休其實係鹹魚, 不過做得唔太鹹, 而且皮脆薯蓉腍, 好味!燒風鱔 - 燒風鱔最講個皮燒得脆唔脆, 其次先係味道! 呢個鱔燒得都脆, 但係竟然有d 腥味! 好難食.

本來同女友想去官也街附近一間葡國餐廳食晚飯,可惜當天被包場.是但找一間食飯,我見門口幾特別幾懷舊就入去試試.葡式燴雞: D雞係完全冇味,雞同薯仔都大大舊牛尾湯: 個味係肉醬意粉個D汁架味炒椰菜串燒: 大大串成半個橙係上面,但係都係好難食,好似燒好先再串上去.不過間野最唔好就係出餐慢,3道菜,第1碟都要等上半個鐘以上,個串燒重要成個鐘成個澳門行情最失敗就係食左這餐飯!

一家三口去澳門, 第二晚想搵間葡國菜食, 去到官也街, 山度士又多人, 見呢間都外觀都幾古老, 諗左都唔差, 可惜好失望.1. 馬介休球: 得六粒, 同食薯蓉一樣無乜分別. 2. 豬肉炒飯: 肥膩左, 只係一般. 3. 燒牛肋骨, D料唔係好靚, 去扒王可能好食過佢.4. 蒜蓉包, 都有十塊, 叫做OK 服務態度一般. 唔會去第二次.埋單MOP198.

每次去到官也街, 我都只識到木偶或小飛象食, 今次朋友介紹公雞, 即管試一試餐廳係懷舊裝修, 十分復古, 分地下及一樓, 我地一行7人, 地下座位冇7人檯, 只好沿著一條非常之斜同梯級好細既樓梯行上一樓, 我地去到只有一檯10多人, 唔好理咁多, 坐下來先看menu有咩好野食, 由於我地都係諗住少食多餐, 所以只order左3款食物及一些飲品 Sangria (血紅雞尾酒) : 4個人飲, 叫左1 jar, 每人大約一杯半, 味道同市面買到已經溝好既差唔多, 驚喜唔大, 但不妨一試 葡萄牙汽水 : 有橙味, 提子味 & 熱情果味, 玻璃樽裝, 因得2個人飲, 所以只試到橙味同熱情果味, 奇怪嘞, 點解佢拎黎俾我地之前要搖幾下, 咁咪會噴出黎囉?! 一開先知, 原來所謂汽水係接近冇氣, 而且仲要係唔凍 (冇氣可能唔關店舖既事, 但唔凍既就有問題囉) 番茄洋蔥沙律 : 睇個名稱就正是上菜時既樣貌, 鮮番茄切片, 鮮洋蔥一圈圈的有兩層, 在上面加上橄欖油, 就變成沙律了, 哈哈 (這一味我不致評, 鐘意食既會覺得好食囉) 燒馬介休魚 : 一件魚大約手掌既size, 碟邊有4-5塊薯仔, 無論

見佢個餐廳幾靚入左去,點知一肚氣!!!叫左三個餸:蒜蓉包: 有十件, 算係最好嘅一個。牛筋骨: 微暖,但係有煙薰嘅味道。但係啲茄汁好明顯係加左水馬介休炒飯: 淡而冇味,馬介休就超咸原本叫蝦角,但侍應就用好淡嘅語氣就冇囉!!!!!啲水就咸嘅....似水喉水!!!仲要響落單之後先同我講話要等二十分鐘!!!!!!!!!!因為師傅去左食飯!!!!!!!!!我o黎比錢食o野o架...................居然要我等你?????冇o野亞話????????????????最離譜係我男朋友問佢: 凍檸茶會唔會好甜?佢居然好寸咁問番我男朋友: 咁你要甜定唔要甜亞?????????????????結果杯飲品係走甜................................

一行五人到澳門因在中區行得太疲倦所以到了即使見到Open Rice評分不高的氹仔公雞食晚飯, 希望比次機會它, 但它的服務, 味道和環境也令我們整個旅程增添很大污點。最初我們座的位置是樓上最入，旁邊有部唔知咩機好嘈但我地都忍, 但後來發現頭頂的冷氣機吹一些黑色的污粒到我們枱上, 我們要求幾次換枱才換給我們。 我們一共點了六款菜式:1.葡式抄蜆 $60 (鹹了一點, d蜆好細只, 不過$60也預左)2.抄馬介休 $90 (好少馬介休, 得d雞蛋同脆麵粉, $90完全唔值)3.葡式燴雞 (此款是令我們一家人最失望的, 廚師完全得過且過, d雞同薯仔好大件冇乜切過, d雞好老)4.葡式豬耳 $35(帶酸, 唔太新鮮)5.葡式抄牛柳 $90 (Newway牛柳好食過佢, d牛好老, 賣相同大家樂差唔多, 貴人地一倍但又難食過人地九倍)6.鹹豬手抄飯$50(普普通通)整食店裝修殘舊加上三尖八角也吧, 那些侍應沒有工作時站在樓梯旁休息影響旁邊食客(剛好我們是那枱不幸者)我好想大家睇完我的評分後真的不要去此店否則只會造成更多不滿同失望。

水蟹粥舖頭冇位, 呢間葡國菜有位就入左去~ 因為傍晚食完魚翅麵, 所以唔係話好肚餓~ 諗住唔會叫太多~ 入去叫左馬介休球, 葡腸, 同埋什果雪糕~ 個WAITRESS好唔妥咁問, '叫3樣野JA?' 我地就話叫住先~ 馬介休球一碟有6粒~ 幾好食啊~ 薯容入面都略略見到有D魚~葡腸就真係好鹹~ 建議唔好就咁叫~ 想試下咩係葡腸既其實其他菜式都會有~~我地後來追加左個公司燴魚, 同埋一個菜湯~個公司燴魚係好普通既煎魚, 有D汁咁~ 以為個汁係甜酸味, 但係其實都係鹹味~ 呢碟野入面都有一兩舊葡腸, 同埋有薯仔~~ 菜湯就幾特別~ 值得一試~ 配埋麵包一流~~服務OK啦... 隨左俾WAITRESS寸之外, 其它都OK~ 會KEEP住幫你裝水~~ 值得一讚係個環境~~ 餐廳入面既裝潢好特別

跟朋友們因為趕時間去別的地方打算早點去吃飯,當時大約5點半一進去餐廳,就先問清楚,能不能快一點,因為趕時間已經第一句就說「你看不到我們在吃飯的嗎?你這個時候去吃飯,所有餐廳的員工都在吃飯的的啦」不過都已經進了餐廳,就算啦,大家都明白這個時間去吃飯可能真的要等得比較久,本來我們也不是澳門人,也不熟這邊的路,就想趕快吃完就算好啦,那我們就點餐,點餐之後再問一下,大概要多等多長時間,然後又是態度好差的,又說大廚在吃飯,不知道呀然後也算啦,後來開始多人來了,我們就一直等,我們見到後面那台都吃得七七八八他們的確是比我們早到一點,但他們滿桌都是食物的時候,我們一道菜都沒有上於是再問一下,也說我們真的在趕時間,能不能快一點,那個服務員就說,很快,已經在煮啦(態度依然是極差)好啦那就再等,結果連比我們遲來的客人都上菜,我們真的受不了不等就走然後他們還一個完全沒有打算挽留的態度,所有的服務員都一副不可一世的態度,同時也令我對澳門這個地方留下極差的印象,在香港,甚至其他地方,我都沒遇過這種事P.S. 我們有人叫了一杯咖啡,是有送到我們的桌上,不過價格高但卻很難喝

很奇怪為甚麽有關這家餐廳的食評都是貶多於褒，個人認爲這家葡式餐廳食物味道其實挺不錯，有點懷疑前文其他食客會否是沒有點餐廳的招牌菜？和友人兩個點了以下菜式：1. 馬介休球 （由於怕吃不完，店員亦應我們要求改為半份份量。味道不錯)；2. 椒絲腐乳西生菜 ；3. 葡式辣烤大蝦（好吃，不過頗辣。可要求小辣。）；4. 咖哩忌廉蟹煲 （推介菜式！大大隻肉蟹，咖哩忌廉汁十分香濃，點蒜蓉飽一流）；及5. 蒜蓉飽。其他招牌菜如葡式炒蜆、魔鬼忌廉大蝦等看來也挺吸引，不過兩個人真的吃不了。再加兩支汽水，埋單$450左右，又蝦又蟹，差不多吧。店内裝潢確實有點古舊，且簡單得有點簡陋，店員服務態度亦一般。不過澳門餐廳的服務質素通常也差不多，食物質素搭夠就可以=）前文有一位食客說等了兩個半鐘頭食物還沒來，我卻不覺得上菜特別慢。我們差不多七點半才點菜，八點半之前已經吃完埋單起身離開，相信前文那位食客應該是有點不幸。總括而言，這次經驗有驚喜，個人認爲這餐廳比附近的小飛象和木偶優勝，絕對值得 一試。單單為了它的咖哩忌廉蟹煲，已經一定會再光顧。

年多前棄公雞而取木偶，感覺是後悔到不得了，今趟終於可以完成心願。　步進餐廳，懷舊瓷磚、懷舊窗台、懷舊飾燈，整家餐廳都是預期之外的懷舊，氣氛親切而舒適。如此環境下，店員少不免有點慵懶感，把麵包籃給我們漏上了，不過在歐洲吃厭麵包的我倆也不介意，留肚給正餐更為正經呢：　葡式炒蜆($60)-殼細肉多的蜆隻鮮甜味香，稍加洋蔥、橄欖油調味已經好吃到不得了，而底層的蜆汁更是精華所在，全部用來撈意粉吃了。而且要讚份量不少，與老公都吃到非常滿足呢!　炆牛尾意粉($65)-老公旅行完愛上意粉，真是個好消息呵!可惜這碟意粉並非意國al dente的水準，而是軟稔稔的沒有口感；不過茄醬甜中帶鮮，加上份量極多、炆得軟稔多膠的牛尾肉，飽肚程度達到十足十，也不能不收貨了。　非洲雞($55)-前兩頂菜式份量是預期外的巨大，面對這姍姍來遲、香口惹味但較咸的非洲雞，我與老公只能每人吃一口，然後打包走人。　這家的甜品也不貴，廿多三十元有交易，不過要趕回酒店看表演也就算了。不點酒水埋單只$200，我與老公都覺得蠻不錯的，有機會可以多人再來返炒!

尋日同幾個 friend 去澳門玩， 蟹粥店無檯唯有響附近覓食， 點知上咗賊船。公雞餐廳殘舊不在話下， 服務態度仲不可思議地差。 最難頂係點菜後每十五分鐘先嚟一道菜。 菜式如肉醬意粉、非洲鷄、 蒜蓉白菜等都頗為唔掂， 一味得個鹹字， 唯一係一味椒盬八爪魚比較可以入口。服務就直頭得啖笑，侍應見倒食物遲嚟都好少理， 我哋話遲嚟D食物全部cancel 佢應咗一聲就原地踏步， 原全無反應。 直至我哋一半人起身去隔籬餐廳揾位， 佢又雪聲劉翔上身， 飛跑落樓下追餸。。。

沙漠王子話呢度出名（都唔知佢係邊度聽返黎），所以就黎試下～唔算好肚餓，兩個人叫左一個餸一個dessert，一枝汽水，俾服務員嚴重鄙視排骨炒蜆：有薯仔粒，好大份，味麻麻bread pudding：我以為係焗的麵飽布甸，點知係蜜糖味蛋糕，個汁好膠，唔好食！餐廳好殘舊，食咁少野都要137，好貴好唔抵！

純粹因為想帶男朋友去食葡國菜, 而我地又係氹仔, 呢間又唔係好貴, 先去呢間咋!叫左四樣野: 1) 青菜湯 - 葡式湯, 響香港真係好少食葡國菜, 所以叫左個湯, 覺得都幾好味, 因為唔會好鹹, 同埋未飲過既會覺得好有特色。2) 炸馬介休球 - 葡國鹹魚, 但係只係少少鹹架咋! 同中國鹹魚好唔同架!3) 燒牛肋骨 - d牛唔夠林, 又冇味, 又乾4) 豬扒味飯 - 好過牛少少, 但都唔係好食埋單$190, 唔算平, 呢間葡國菜唔算好鹹, 好肥膩, 但唔係好食囉!