影片
更多
2010-02-02
76 瀏覽
每次去到官也街, 我都只識到木偶或小飛象食, 今次朋友介紹公雞, 即管試一試餐廳係懷舊裝修, 十分復古, 分地下及一樓, 我地一行7人, 地下座位冇7人檯, 只好沿著一條非常之斜同梯級好細既樓梯行上一樓, 我地去到只有一檯10多人, 唔好理咁多, 坐下來先看menu有咩好野食, 由於我地都係諗住少食多餐, 所以只order左3款食物及一些飲品 Sangria (血紅雞尾酒) : 4個人飲, 叫左1 jar, 每人大約一杯半, 味道同市面買到已經溝好既差唔多, 驚喜唔大, 但不妨一試 葡萄牙汽水 : 有橙味, 提子味 & 熱情果味, 玻璃樽裝, 因得2個人飲, 所以只試到橙味同熱情果味, 奇怪嘞, 點解佢拎黎俾我地之前要搖幾下, 咁咪會噴出黎囉?! 一開先知, 原來所謂汽水係接近冇氣, 而且仲要係唔凍 (冇氣可能唔關店舖既事, 但唔凍既就有問題囉) 番茄洋蔥沙律 : 睇個名稱就正是上菜時既樣貌, 鮮番茄切片, 鮮洋蔥一圈圈的有兩層, 在上面加上橄欖油, 就變成沙律了, 哈哈 (這一味我不致評, 鐘意食既會覺得好食囉) 燒馬介休魚 : 一件魚大約手掌既size, 碟邊有4-5塊薯仔, 無論
餐廳係懷舊裝修, 十分復古, 分地下及一樓, 我地一行7人, 地下座位冇7人檯, 只好沿著一條非常之斜同梯級好細既樓梯行上一樓, 我地去到只有一檯10多人, 唔好理咁多, 坐下來先看menu有咩好野食, 由於我地都係諗住少食多餐, 所以只order左3款食物及一些飲品
Sangria (血紅雞尾酒) : 4個人飲, 叫左1 jar, 每人大約一杯半, 味道同市面買到已經溝好既差唔多, 驚喜唔大, 但不妨一試
葡萄牙汽水 : 有橙味, 提子味 & 熱情果味, 玻璃樽裝, 因得2個人飲, 所以只試到橙味同熱情果味, 奇怪嘞, 點解佢拎黎俾我地之前要搖幾下, 咁咪會噴出黎囉?! 一開先知, 原來所謂汽水係接近冇氣, 而且仲要係唔凍 (冇氣可能唔關店舖既事, 但唔凍既就有問題囉)
番茄洋蔥沙律 : 睇個名稱就正是上菜時既樣貌, 鮮番茄切片, 鮮洋蔥一圈圈的有兩層, 在上面加上橄欖油, 就變成沙律了, 哈哈 (這一味我不致評, 鐘意食既會覺得好食囉)
燒馬介休魚 : 一件魚大約手掌既size, 碟邊有4-5塊薯仔, 無論魚或薯仔, 望落都唔知佢係燒定煎, 唔好理咁多, 食左先講, 味道偏鹹, 而且肉質有些實, 難以咀嚼, 雖然馬介休係要經鹽醃製而成, 但佢只食到鹹味, 除左鹹味就冇其他味道, 我食過其他既"鹹鮮魚" 都唔係咁既, 可以skip
牛尾燴意粉 : 戲肉黎嘞 (呢味都算戲肉?!) 正是, order呢味係為左俾小朋友食, 點知由第一味Sangria到食完晒馬介休, 已經接近一小時, 牛尾燴意粉都仲未到, 咁我地緊係追下單啦, 同侍應講時, 佢就只望左你一眼, 冇回答到你, 不過都見佢隔左3分鐘之後由樓上行左落樓下, 但唔知係咪幫我地追單, 又等左15分鐘 (即係全程1小時20分鐘) 我地又再問佢究竟要幾耐, 今次個侍應終於開口講野: "人地好多張檯叫左既野都未到, 等下啦" 呢句說話我冇加多減少隻字不漏寫番出黎, 語氣係不耐煩好晦氣咁講, 好野, 唔憂冇生意咁, 最後個意粉係等多10分鐘 (即係全程1小時35分鐘)先到, 唔黎由自可, 用煲上, 個煲居然係唔熱, 應該話係凍先啱, 我記得菜名係"牛尾燴意粉", 點解黎左"牛尾湯意粉", 仲要係微暖, 我地等咁耐以為你係煮完再焗, 原來質素係仲差過某些工廠飯堂預先煮好既 "二味餸", 牛尾也不想再提, 呢間餐廳也不想再提
總括而言, 如果閣下係唔介意被人用唔禮貌既招待, 又或者用1小時35分鐘既時間先到齊3款食物, 即管去吧!!
張貼