大堂炸雞 (已搬遷) 新店位置

連續2次去澳門都有去呢度吃炸雞，事因真係好好吃！今次仲特登帶媽咪同細佬去吃添！照舊係雞脾餐配薯條同涼茶，味道一樣咁正，雞脾大大隻，甜甜地，超好味！反來發現原來係金沙附近都開左間分店，不過唔記的叫咩路，亦無打算記，反正澳門的路名咁長又難記，算啦！認住果店名:大堂炸雞就係啦，門口仲有只廚師雞公仔做招牌，好易認ka！

雞炸得好香口...不過係翻炸..但係翻炸都炸到咁好味..真係值得一讚.. 但係d薯仔就比較唔好..可能太大舊..中間傳唔到熱.所以係又凍又硬.. 同埋太多油啦...唔識合d肥人去食,,好熱氣.. 不過雞真係幾好食..脆脆地..唔太咸..好味

我就唔多鍾意食家鄉雞, 因為覺得好咸, 依到d雞唔咸,不過就太甜層炸粉又甜,雞肉醃得唔夠味而且又係偏甜,怪怪咁,真係唔明點解咁多人讚,可能唔我口味啦

未去澳門前，見到不少forum既澳門版都有介紹呢間鋪頭，大部分人都將佢同kfc黎比較，而結果當然是大堂好啦。見人地講到咁，我同朋友仔呢pair曾誇下海口話要試曬全港kfc既癲雞友當然要去會一會。(呢個試雞目標已經無限期delay了，一黎想身體健康，二黎kfc烤雞的確愈來愈差)要了一雞脾一雞翼套餐或者係因為我地黎到既時候已經過左lunch hour，所以所有雞都係翻炸。不過好奇怪，若非我地親眼見佢由廚櫃拎件炸好既雞放落炸油度，食落係食唔出翻炸果陣味。最值得一讚係成舊雞既皮都好脆卜卜，對於我呢d 食炸雞一定要食埋皮既人當然係俾高分啦。但係都有2個唔好既地方，一黎好好好多油，即使已經有張吸油張係底，但都索唔曬，舊雞都係油淋淋，減肥人士死敵也。二黎肉質鞋兼乾。所以，佢同kfc都各有不同。如果能夠兩者結合就真係prefect喇!!仲有跟餐既新鮮薯角，入面仲硬，好聽既係食落爽口，但不是我杯茶...不過食到尾又好似上癮，食完想再食。如果人唔會咁易肥既話幾好，唔駛下下都就住就住。至於涼茶，一般啦，但呢個選擇幾好，唔駛咁熱氣。同其他食評一樣，地方真係好痴立立。無論係檯椅，定茄醬樽。

我同2個fd去澳門旅行,去新馬路諗全食炸雞唉...其實又唔係真係咁好食,個雞冇乜味...分分種KFC仲好食買一個爆米花餐有可樂飲,個可樂好淡,好似加左水咁..張枱好唔乾淨,痴立立咁...張用木個的枱面上面好多油...所以令我好失望呀,,

襯星期一人少少, 去澳門食吓玩吓第一站就去左好多人介紹的大堂炸雞早上11點幾, 剛開門, 要等好耐才炸好2個人叫了2件雞, 50蚊, 其實有D貴味道甜甜地, 辣辣地, 幾好味雞用又好滑.... 如果地方再清潔少少就好啦, 因為D枱椅都"痴"立立

我鐘意食炸雞翼。聽講大堂街有間炸雞話比KFC好，於是又嚟試下。我無帶地圖間舖真係唔易搵，問過一個哥哥同一位大叔終於比我見到。個門口好貼馬路，出入幫襯要小心汽車呀!店舖面積唔大約有20個位，個收銀阿姐又係老世亦係廚房師傅!佢地賣嘅雞都幾貴；雞翼要$12/隻，結果我買份最少嘅$28套餐，包括雞翼、薯角及汽水。因為大些少已經係$45套餐，只係多隻雞比咋!由於係即做(其實雞同薯角都係半製成品)要坐埋檯等多幾分鐘先有得食。開餐啦~食薯角先...薯角外面幾脆，可惜個心翻唔夠熱；雞翼明顯食得出係甜兼帶有五香粉味道。如果你食得泰式甜酸雞翼，你應該可以接受呢種甜度!雖然啲雞肉無KFC咁(鞋)，而且算得上嫩滑，不過我就覺得幾漏吓。

與友人澳門之行，兩日行程兩日都有食大堂炸雞~~無他既...好味囉~!!價錢雖比大型好多既KFC貴D...但係味道的確好好多wor~!!! KFC果d雞呢...又乾又大舊粉...呢度雖然鋪仔細細...但係食得出有心ma~!!連平日驚熱氣驚肥既我地都連雞皮都食埋....甜甜地....係油d ja~

之前來澳門兩次也食不到大堂炸雞,因聽聞很好食,所以一直很期待試試,今次終於可以試吓!炸雞翼 ($55 五隻) 外皮炸漿炸得很脆,外皮竟然有點甜甜地,感覺有點奇怪!雞肉很嫩滑,雞肉內層很入味,不用加調味粉,咬開雞肉都唔會有油”必”出來,炸得不錯!不會食到成口油之前一直很期待食,但食過之後覺得,又不是想像中咁好好味!不是那種下次再來一定要再食那種感覺,只可以說是好味!吃一次便夠!價錢也算貴,一隻炸雞翼要$12,KFC好像也沒有咁貴!買五隻才平少少!

有別於KFC的炸雞店。KFC的雞肉較粗糙，這店的較嫩滑。由於是即叫即炸，比較熱及香口。炸漿內的雞脾肉也有味道，醃料入味~可自由添加辣粉~~薯角吃得出是用新鮮薯炸, 比香港同類型粗薯條有薯味, 而且保留了薯皮~個人愛吃炸雞, 覺得這店比KFC 好吃，而且價錢相宜，下趟到澳門必定再來。

近排過MACAU不得不去 觀光塔出面既美食節啦美食如雲呀 ^^唔洗去新馬路都食都 大堂炸雞 炸雞跟涼荼 $25炸薯角 ( 連皮的 )$15雞就一般啦 最正係薯角 比快餐店個D薯皇還要大$15大大份比埋茄汁你 凍左都好脆 SO GOOD !!!不過下次又要返新馬路搵下正鋪係邊先==========================================美食節係用現金代用卷嫁 比較麻煩要唱左先買到野食用完又要買過 $100分 $5 , $ 10 ,$ 20 幾張又無得找 要小心D比錢如果唔得返 $20 又買唔到 $5 GA野食

男朋友既至愛係KFC，而我就鍾意食熱氣野....係澳門當然要試下大堂炸雞我地叫左全雞餐，都好好食 特別係D薯角，大大件外脆內軟，仲有D椒鹽味，真係好回味架(不過應該雞脾雞翼會多D肉食)食完好熱氣，D野食仲好熱，熱到我個口入面都損左，不過都要食total 50MOP 貴過KFC 但薯角都大份，又即炸，係soft drink細杯d，唔夠飲，另外可選涼茶好食好食，掛住食都唔記得影相

好耐冇去澳門lu~成日提起佢既炸雞,終於可以帶佢去食,第一次去既時候,係俾佢既香味吸引到入去既.....通常我會買多幾隻返香港食架,加d鹽同辣粉真係好食到唔停得口,又脆又juicy,今次試左個炸墨丸,成$15一串,同普通既墨魚丸冇分別,勸你地唔好試喇(我以為$15一份,點知b豬買完返黎話得一串,如果我知道咁貴我都唔會買,真係唔抵嘛,點知仲要咁普通,真係激死我啊!)

能夠吸引到我來 "秘方炸雞" 朝聖, 全因在這裡寫過食評的版友, 先講聲 "謝謝"~ 只是議事亭對上的一條街, 人流竟然是天堂與地獄, 大堂街只可以用 "冷清" 兩個字來形容..... 舊式快餐店的格局, 估不到臥虎藏龍.... 看看餐牌, 估不到索價還比 "家鄉雞" 高~ 一個雞全脾餐售 $35~ 由於行程有多站的關係, 一行四人小試牛刀點了售價 $109 的 "特惠套餐", 包括炸雞全脾三隻﹑炸雞全翼三隻﹑薯角兩客﹑和飲品。炸雞 - 好大隻同好炸呀!!! 炸得非常香脆, 如果多 D 雞味會更加好~ 但味道黎講, 絕對好過 "家鄉雞" 薯角 - 都係好大隻同好炸~ 但係薯角太大, 炸不透中央位置, 只像煮熟了的薯仔.... 飲品 - 除了汽水外, 竟然有 "夏枯草" 同 "五花茶" 供應, 頗為體貼... 香港有 "大力水手炸雞", 澳門都有 "大堂秘方炸雞", 唔錯唔錯~

如果愛香口野的人必食, 炸雞脾的肉好滑, 又入味我都幾鍾意 不過係有d 油