安德魯餅店

營業中

休息中

來澳門不可不吃的就是葡式蛋塔，其中最有名遊客必訪的就是這二間：安德魯、瑪嘉烈！第一次在澳門威尼斯人吃到安德魯蛋塔就覺的怎麼那麼好吃，這次來澳門氹仔官也手信街踩點，期待著舌尖上的記憶與最初是一樣的美好。▲路口處走來依然是讓我聞之怯步的莫義記貓山王榴槤專賣店，對面有一間「晃記餅家」百年老店杏仁餅，跟安德魯一樣人潮不少，不過平日來遊客較少排一下就買到了，假日來這條街可是聚集了各國的遊客前來，人潮非常多到可怕。 ▲除了最有名的蛋塔，還有販售餅乾、飲料..等▲蛋塔起源 (截取自官網)著名的澳門品牌 – 安德魯餅店由英國人安德魯（Andrew Stow）於1989年9月15日成立。安德魯餅店店主安德魯於2006年1月獲澳門特別行政區政府授予旅遊功績勳章，以表揚他創造澳門招牌蛋撻的成就。官也街分店於2016年12月開業，將其即焗即製的誘人葡撻香氣帶到氹仔舊城區。安德魯餅店設於路環市區的總店繼續經營，提供歐式糕餅麵包，另在澳門威尼斯人渡假村酒店亦設分店。葡撻的靈感來源在80年代中期的一次葡萄牙旅程中，安德魯認識了當地的葡撻(1837年在里斯本貝倫起源的一種蛋撻)。安德魯也想為他的顧客製作葡式蛋撻，但他

一直都係瑪粉絲成日聽人講呢間先係正宗就去試下啦叫左半打 $50 有盒唔使等因為已經pack好晒感覺即刻大打折扣一口咬落去皮底已經硬晒唔夠香會唔會去返路環會好d?呢間我試一次就夠啦

 一場黎到澳門點可以唔食葡撻呢？我地放低左行李就搭的士去官也街食野！！！聽人講安德魯葡撻好好食，我地就去試下，出奇地無人排隊！1分鐘之內就買到啦！一個葡撻$9，50蚊有6個，6個有盒，葡撻係蘇皮，佢用個袋袋所以成個袋濕濕地，好多油咁，蘇皮好脆，但就比較易散，葡撻蛋味一般，唔太重，但反而甜味較重，我自己覺得甜左d！上面仲有D焦糖既野，食起上黎又幾好味，個樣仲好似令立立咁，可能真係太多油啦!$9一個，仲要旅遊區，算係咁架啦！  

黎到澳門，除左賭錢之外，我一定會做既野就係去官也街食野。基本上集中哂你想o係澳門食既大部份小食，而其中每次我都 encore 既就係哩個安德魯葡撻！你走到官也街，沿途經過一堆手信店舖之後，近街尾的地方就是甜點、小食的開始。一般都要排一陣隊，不過大家都十分有效率，加上很多都只做外賣，不需要等好耐，熱騰騰既葡撻就到手啦！哩個葡撻實在係太好食 (我覺得散件買係好食過盒裝既)，佢中間個蛋好厚，亦都好滑，連埋個好鬆脆既酥皮底一齊食... 你會大叫好熱！同埋好好食。

呢間咁出名都唔洗多講，靠賣葡撻可以開到咁多分店絕對有佢嘅原因。葡撻 – MOP$9新鮮出爐嘅葡撻皮鬆化到不得了，中間蛋嘅部份蛋香濃而滑，每次去澳門總要食返幾個先捨得走!

澳門最出名嘅葡撻 ，應該都係安德魯餅店出品的。 其實我都想去總店舖頭食，唔知會唔會好食啲呢？不過嗰邊又唔係咁就腳，所以行過官也街見到有就即刻買一個食咗先❤中午時分唔算好多人排隊，一兩個人啦。因為佢都唔會係即制剛出爐既，一買就有。不過放心，攞到上手都仲係熱辣辣嘅。外皮脆 ，個涵香甜，但係都唔算好甜，面嗰個嘅焦糖，燒焦嘅部分更加香，亦係我鍾意食葡撻嘅其中一個原因。 我諗如果有機會食到新鮮出爐嘅，應該仲好食！😊

黎澳門幾樣嘢係最出名嘅。豬扒包，葡撻 ~~❤本來想去瑪嘉烈葡撻，不過唔順路去唔到。喺氹仔特登去官也街搵安德魯葡撻。官也街就梗係人山人海喇但係安德魯店外就唔算多人排隊嘅。因為他就已經整好曬，又多遊客買，所以一畀錢呢就已經即刻攞到一個畀你。葡撻 $9味道嚟講，其實都係溫熱嘅， 未至於係新鮮出爐 。外皮脆，葡撻面嘅焦糖都好香， 甜度都ok。不過我就覺得外皮唔夠鬆化，蛋香亦都爭少少，好似同連鎖快餐店嘅葡撻好似差唔多😅。不過一場嚟到，試下都無妨。 係澳門食葡撻又係特別有風味嘅。

吃過午飯後, 當然要食甜品啦！葡撻自然成為首選, 這家店以往都食過好幾次, 味道總覺跟KFC的差不多。 今次有興致, 就來一個正式食評吧！今次在下午時段來買, 人流不多, 所以完全不用排隊就可以買到。葡撻是溫熱的, 可惜味道和口感上比以往的差。 撻邊雖然香脆, 但撻底烘太久了, 變得好硬, 撻皮咬落一口油, 蛋漿又只有甜味而沒蛋香。 澳門的葡撻竟然會比KFC的出品差?服務方面, 根本沒服務可言, 是嫌我們買得太少嗎? 店員笑容欠奉, 在遊客區, 今時今日這個服務態度完全不行呢！下次不會再光顧了！

味道是不错的，新鲜吃的话，在官也街很细的一个铺面，细到可能会忽略掉，旁边有家土耳其雪糕。来了两次，第一次买了一个，即食，挺不错的。回头食完午饭再来一次买了一盒打包回广州，可惜没有要冷却后的，而是要了新鲜的，但也不错。回广州后还是脆的。排队的人时多时少。价钱方面，单个9蚊，一盒六个50蚊。

食完豬扒包唔夠喉見到安德魯 二話不說就入左去又係只做外賣其實蛋撻我一向都唔係太好就算食都只係食曲奇皮既蛋撻對於酥皮既葡撻我更加無感不過一場黎到就點都要試下呢個澳門名物既咁啱得幾個人排隊啲葡撻放喺個盤到等緊人認購就咁睇又真係幾吸引既等緊果時都已經聞到好香攞上手果下熱辣辣 金黃色既面令立立酥皮好薄 咬落好鬆脆 食落好香牛油味個蛋心做得出色 唔會一味死實有蛋香 蛋漿味道啱啱好 甜度適中同酥皮既牛油香味相輔相成將味道提升到另一個層次不過始終係酥皮 食完個紙袋油到呢好彩食落唔多覺好油

來到官也街買手信, 不難見到2條人龍左邊是晃記餅家, 右邊就是安德魯小妹熱愛葡撻的甜香, 一場來到當然要品嚐下店面裝潢較西化, 除了葡撻還有不少特式沖調飲品及盒裝曲奇出售當然還是專攻招牌食物好了星期天只是排了十數分鐘算快吧可能因係人潮關係, 葡撻一早已放在牛皮紙袋雖然沒有熱辣辣的刺激但還非常溫感葡撻表面經香烤依然平滑豐滿, 顏色分佈均勻外皮是一層層的酥皮但稍為厚硬, 當然, 厚實外皮能更穩固蛋心, 但沒有輕快口感個人認為皮薄鬆脆更為上品蛋心在這裡絕對是關鍵！雞蛋味真的十足真的每啖都是濃濃蛋味但敗的也是只有蛋味！ 絲毫甜味也沒有表面的焦糖化也只得樣子……在我有生以來所認識的葡撻是帶焦糖味甜甜的……若只有蛋味……那和普通蛋撻有何分別呢？有時名大於實……我跟某些食家1樣也覺得某連鎖炸雞店的出品甚至更出色不過一試無妨

平時過澳門都係求其一間食葡撻，甘岩今次去官也街見琴新開左間安德魯見唔係好多人排隊就買黎試下！入到去葡撻已經放左兩大盆係櫃面，可能係驚人流多時做唔切.我買左兩個比左錢之後我企埋一邊等，之後等左一陣佢都唔比我，佢繼續收錢，連排我後面果兩個買完走左佢都唔比我，後尾我望下佢佢先好似醒起未比我！一拎上手，凍嘅，因為佢一早已經放左出黎.食入口個皮脆，但一D都唔熱，蛋唔夠滑，失望！失望！失望！個人同朋有都覺得連鎖雞店D葡撻都好食過佢！

2016聖誕節澳門之旅官也街食店真係多到食唔停！家姐見到呢間出名葡撻店在官也街有分店，入內買了出名嘅葡撻半打，店面唔大，入面一個大櫃台，啡色配白色主調，裝修簡潔！無座位只有外賣！黃色紙盒簡單，有比埋膠袋，盒面簡單印咗招牌，尺寸剛好放6個！葡撻焗得好靚，蛋撻面焗得好香微燶，撻皮酥脆，蛋漿好滿脹卜卜，外圍脆內好似啫喱咁滑，蛋漿味道微甜，而且仲熱！感覺唔油膩！好味！店員有禮斯文！簡單一款小食，做得出色！