楊枝金撈甜品

營業中

休息中

。O小姐。即興馬交遊。日常。食完宵夜，行返酒店嘅時候經過呢一間甜品舖，見到門面咁靚，咁就即刻叫返個外賣返去食！喺門口已經見到座無虛席！我哋食完嘢唔執輸，幾飽都好都買埋一個楊枝甘露返去！我哋叫咗個大嘅楊枝甘露！估唔到有驚喜喎，外賣都有一個好大嘅雪糕，入面都幾足料，芒果唔酸，啲汁係好濃郁嘅，又唔係水咁，係好啱同朋友share! 下次再嚟，可以試埋佢其他甜品，佢好似仲有咸食！ 可以當下午茶/宵夜試試😏如果有時間嘅話！不過等外賣嘅時候就等得耐咗少少，可能因為有好多外賣速遞啦，佢哋嘅單比較大啲，我哋啲細單就要等耐少少，如果可以快返啲就好。

深受老少喜歡嘅傳統港式糖水和甜品係🇲🇴必走行程之一朋友帶我地黎楊枝金撈甜品係澳門好有名嘅一個甜品店裏面嘅楊枝甘露屬於必點甜品-聽聞呢度嘅芒果都係呂宋芒果🥭作為芒果控一定要試下啦💕🥭芒果雪糕新地(涼粉)芒果味好濃烈 份量好大食咗晚餐嘅我只食到一半咋價錢唔貴 好抵食🥰🥰🥰

去澳門必食❗️好足料❗️芒果汁底好濃郁，甜度啱啱好，西米露、甜甜嘅芒果粒、有子撈埋一齊食，好有口感😋跟住可以跟個人口味另加配料～溫馨提示💡如果搭金巴嘅朋友可以考慮去澳門分店，食完之後行2分鐘就有101X巴士去澳門口岸，要搭船都冇問題，嗰一個站都有巴士去口岸，非常方便。▪️楊枝金撈 (小撈) + 河粉$45▪️楊枝金撈 (小撈) + 小丸子 $45♡好味指數 🌕🌕🌕🌕🌑✔︎性價比🌕🌕🌕🌗🌑✔︎環境服務🌕🌕🌕🌕🌑✔︎推介指數🌕🌕🌕🌕🌗✔︎回頭指數 🌕🌕🌕🌕🌗

睇完歡樂馬介休既介紹、隻身去依間舖頭試菜！由於一個人食唔到太多！所以重點叫左想食既野！第一個係炸蝦餅！嘩！無乜粉加入去！咬開流汁！再配芒果醬汁！簡直一個人食四個都唔夠呀！主菜點左龍蝦意粉！個意粉無得挑剔！滿分！唯一係龍蝦比較瘦！得半隻！但$80就無得要求太多！最後叫埋招牌菜！楊枝甘露！又係無得輸！唔酸又唔會過甜！最後老闆仲送左幾隻清蒸卜卜蜆比我食！鮮甜飽肉！正呀！雖然老闆極力推介虎蝦！但近期係香港成日食到！下次黎再食過！

人人去澳門都食甜品，攪到原來諗住去食個間好有名，但真係太太太多人等位，我又超肚餓，就去另外甜品鋪試。未食飯關係我同老公叫左咸野食先。頭盤黎個鹽酥雞先，超好味，粒粒都好大粒，好足料，好香口，好熱氣雞扒薯條飯黎到時我o 哂嘴，勁大份，有兩塊雞扒，係用香草淹，另外跟個香草汁，好好味芝士肉醬長通粉，佢有好多芝士撈埋，份量係大既，肉醬就ok 普通啦，長通粉就煮到剛剛好既，ok la.加$6 可以配飲品，叫左百香果配波羅粒，另外係荔枝配魔芋粒，兩杯野勁大杯，好抵最後係無位食甜品，勁飽！！！

係氹仔果邊 有好野食 唔一定要大大間既 反而細細間店 做既食物都好超水準 又快靚正 今晚我同男朋友叫左芝士撈丁 一個係豬頸肉 好juicy 超怕食倒好乾果d豬頸肉 另一個係醉雞翼 味道ok 但酒味可再濃一d 隻溫泉蛋好滑👍🏻 個撈丁麵身就好彈夠乾 正！另一個就每次黎都叫既 手撕雞 $40幾蚊 份量夠兩個人食有餘 辣辣地配埋青瓜絲 超爽 雞肉入晒味 好香麻油香 味道一流！👍🏻😎

食完蟹粥行過對面見到有間<<楊枝金撈甜品>> 賣相吸引， 更掛著<<楊枝甘露>>我飛佛做賣點，當然要入去試下。餐牌圖文並茂，方便我地搵食。 點完餐，職員竟然馬上會送一客蒸蜆，真係估唔到咁好客。 <<夏日世界>>天氣熱，食呢個一流。其實跟雜果西米露差不多，味道不錯，又多水果。 <<至尊楊枝金撈>>叫了大碗的份量。無計，我至愛嘛， 加了一球芒果雪糕，整體上口感夠豐富，又唔會覺得太奶，芒果肉夠多。